ÞJÓNUSTUSKILMÁLAR SWYPE CONNECT
ÞETTA ER LAGALEGUR SAMNINGUR MILLI ÞÍN ("ÞÚ" EÐA "LEYFISHAFI") OG NUANCE COMMUNICATIONS INC. FYRIR SÍNA HÖND OG/EÐA FYRIR HÖND TENGDRA FÉLAGA NUANCE COMMUNICATIONS IRELAND LIMITED ("NUANCE"). LESTU VANDLEGA EFTIRFARANDI SKILMÁLA.
ÞÚ VERÐUR AÐ SAMÞYKKJA ÁKVÆÐI ÞESSA ÞJÓNUSTUSKILMÁLA SWYPE CONNECT ("SAMNINGURINN") TIL AÐ GETA NOTAÐ ÞJÓNUSTU SWYPE CONNECT ("SWYPE CONNECT"), ÞAR MEÐ TALIÐ EN EKKI TAKMARKAÐ VIÐ NIÐURHAL, UPPSETNINGU OG NOTKUN Á ÖLLUM HUGBÚNAÐI FRÁ SWYPE CONNECT. MEÐ ÞVÍ AÐ SMELLA Á HNAPPINN "SAMÞYKKJA" SAMÞYKKIRÐU SKILMÁLA ÞESSA SAMNINGS. EF ÞÚ HEFUR EKKI SAMÞYKKT ÞESSA ÞJÓNUSTUSKILMÁLA MÁTTU EKKI NOTA SWYPE CONNECT, EÐA HLAÐA NIÐUR, SETJA UPP EÐA NOTA ANNAN HUGBÚNAÐ FRÁ SWYPE CONNECT Á NOKKURN HÁTT.
Swype Connect er þjónusta sem Nuance veitir til að gera Nuance kleift að bjóða þér vissa þjónustu á tækinu þar sem Swype Platform er uppsett. Með hliðsjón af samþykki þínu um að veita Nuance ýmis leyfisgögn og notkunargögn, eins og lýst er hér á eftir, við notkun á Swype Connect, kann Nuance að bjóða upp á uppfærslur, viðbótartungumál eða viðbætur ("hugbúnaður") fyrir Swype Platform hugbúnaðinn sem uppsettur er á tækinu þínu. Eftirfarandi almennir skilmálar gilda um notkun þína á Swype Connect og heimila þér að hlaða niður, setja upp og nota hugbúnaðinn, eins og skilgreint er hér að neðan, ásamt öllum fylgiskjölum sem Nuance kann að leggja fram í gegnum Swype Connect.
1. LEYFISVEITING. Nuance og söluaðilar þess veita þér almennt, óframseljanlegt, afturkræft, takmarkað leyfi, án heimildar til undirleyfa, eingöngu á viðfangskóðaformi, til uppsetningar og notkunar á hugbúnaðinum á einu tæki til einkanota. Þú mátt eingöngu setja upp og nota hugbúnaðinn ef þú ert þegar með viðurkennda útgáfu af Swype Platform hugbúnaðinum sem verið er að uppfæra. Þér er heimilt að setja upp og nota þau viðbótartungumál eða viðbætur sem Swype Connect veitir þér, einvörðungu með Swype Platform hugbúnaðinum.
2. TAKMARKANIR. Þér er ekki heimilt (nema lög leyfi): (a) að nota hugbúnaðinn í öðrum tilgangi en til einkanota, (b) að afrita, endurgera, dreifa eða á nokkurn hátt gera eftirrit af hugbúnaðinum, að hluta eða í heild sinni, (c) að selja, leigja, veita leyfi eða undirleyfi fyrir, dreifa, framselja, flytja eða með öðrum hætti veita nokkurn rétt á hugbúnaðinum, að hluta eða í heild sinni, (d) að breyta, laga að öðru kerfi, þýða eða búa til afleitt efni frá hugbúnaðinum, (e) að bakþýða, taka í sundur, vendismíða hugbúnaðinn eða reyna á nokkurn annan hátt að afleiða, enduruppbyggja, auðkenna eða finna nokkurn upprunakóða hans, algóritma eða hugmyndir á bak við hann, (f) að afmá hvers kyns tilkynningar um eignarhald, merkimiða og merkingar af hugbúnaðinum eða (g) að nota hugbúnaðinn til samanburðar eða viðmiðunar við vörur frá þriðju aðilum.
3. EINKALEYFISRÉTTUR.
3.1. HUGBÚNAÐUR. Allur réttur, titlar og eignarhlutir sem tilheyra hugbúnaðinum, þar með talið en ekki takmarkað við einkaleyfi, höfundarrétt, markaðsleyndarmál, vörumerki eða annars konar eignarréttindi hugverka sem honum tengjast eða vottorð um slík réttindi, eru eign Nuance og leyfisveitenda þess og skulu teljast áfram í eigu Nuance og/eða leyfisveitenda þess eingöngu. Óleyfileg fjölföldun á hugbúnaðinum eða vanefndir við takmarkanirnar hér að framan leiða til sjálfkrafa uppsagnar á þessum samningi og öllum leyfum sem hann veitir. Slík brot veita Nuance og dótturfélögum þess enn fremur rétt á að leita allra lagalegra úrræða.
3.2. HUGBÚNAÐUR FRÁ ÞRIÐJU AÐILUM. Hugbúnaðurinn getur innihaldið hugbúnað frá þriðja aðila sem krefst frekari tilkynninga og/eða viðbótarskilmála. Þessar tilkynningar og/eða viðbótarskilmála þriðja aðila má finna á: swype.com/attributions og eru felldar inn í þennan samning með tilvísun og gerðar að hluta hans. Með því að samþykkja þennan samning samþykkirðu einnig viðbótarskilmála hans, ef einhverjir eru, eins og hér er tilgreint.
3.3. GÖGN UM LEYFI OG NOTKUN.
(a) LEYFISGÖGN. Sem hluti af notkun þinni á hugbúnaðinum safna og nota Nuance og dótturfélög þess leyfisgögn (skilgreind hér á eftir) til að staðfesta leyfi þitt fyrir hugbúnaðinum, sem og til að þróa, smíða og bæta vörur sínar og þjónustu. Með því að samþykkja skilmála þessa samnings viðurkennir þú, staðfestir og samþykkir, sem hluta af notkun þinni á hugbúnaðinum, að Nuance safni og noti gögn um leyfi og að þau gögn verði eingöngu nýtt af Nuance eða þriðju aðilum undir stjórn Nuance, samkvæmt trúnaðarsamningum, til að staðfesta leyfi þitt fyrir hugbúnaðinum, sem og til að byggja upp, þróa og bæta Swype Connect, hugbúnaðinn og aðrar vörur sínar og þjónustu. "Leyfisgögn" standa fyrir upplýsingar um hugbúnaðinn og tækið þitt, svo sem vörumerki tækis, tegundarnúmer, skjá, auðkenni tækis, IP-tölu og aðrar slíkar upplýsingar.
(b) GÖGN UM NOTKUN. Enn fremur, sem hluti af notkun þinni á hugbúnaðinum, safna og nota Nuance og dótturfélög þess gögn um notkun (skilgreind hér á eftir) til að þróa, smíða og bæta vörur sínar og þjónustu. Með því að gera hugbúnaðinn virkan gefur þú Nuance og dótturfélögum þess leyfi til að safna og nota gögn um notkun. Þú getur valið að banna Nuance að safna gögnum um notkun hvenær sem er með stillingunum í hugbúnaðinum og þá mun Nuance stöðva gagnasöfnun sína frá þér. Með því að samþykkja skilmála þessa samnings viðurkennir þú, staðfestir og samþykkir að Nuance og dótturfélög þess megi safna gögnum um notkun sem hluta af notkun þinni á hugbúnaðinum og að gögnin um notkun megi aðeins vera notuð af Nuance eða þriðju aðilum undir stjórn Nuance, að undangengnum trúnaðarsamningum, til að þróa, smíða og bæta Swype Connect, hugbúnaðinn og aðrar vörur og þjónustu. Nuance mun ekki nota upplýsingar neinna gagna um notkun í öðrum tilgangi en þeim sem settur er fram hér að framan. Gögn um notkun teljast til ópersónulegra upplýsinga þar sem form þeirra heimilar ekki beina tengingu við ákveðna einstaklinga. "Gögn um notkun" merkir upplýsingar um hugbúnaðinn og hvernig þú notar hann. Til dæmis varðandi: breytingar á stillingum, staðsetningu tækisins, val á tungumáli, feril fingrahreyfinga, fjölda stafa sem hafa verið pikkaðir inn eða strokið yfir, hraða textainnsláttar og álíka gögn.
(c) Þú skilur að í gegnum samþykki þitt á þessum samningi samþykkir þú söfnun og notkun þá sem hér um getur á leyfisgögnum og gögnum um notkun, þar með talinn flutning á hvoru tveggja til Bandaríkjanna og/eða annarra landa til vistunar, úrvinnslu og notkunar Nuance, dótturfélaga þess og viðurkenndra þriðju aðila.
(d) Öll gögn um leyfi og notkun sem þú veitir eru trúnaðarmál og Nuance getur aðeins veitt aðgang að þeim, sé þess krafist, til að uppfylla reglur og skilyrði laga, svo sem samkvæmt dómsúrskurði eða að kröfu opinberra stofnana lögum samkvæmt. Einnig ef kemur til sölu, yfirtöku eða samruna Nuance við annan aðila. Gögn um leyfi og notkun falla undir gildandi persónuverndarstefnu Nuance. Sjá frekari upplýsingar í persónuverndarstefnu Nuance á: http://www.nuance.com/company/company-overview/company-policies/privacy-policies/index.htm.
4. FYRIRVARAR ÁBYRGÐARINNAR. ÞÚ VIÐURKENNIR OG SAMÞYKKIR AÐ NUANCE OG DÓTTURFÉLÖG ÞESS VEITI SWYPE CONNECT OG HUGBÚNAÐINN "EINS OG HANN KEMUR FYRIR" MEÐ ÖLLUM GÖLLUM OG ÁN NOKKURRAR ÁBYRGÐAR. ÞAR AF LEIÐANDI SAMÞYKKIR ÞÚ AÐ GERA ALLAR NAUÐSYNLEGAR VARÚÐAR- OG ÖRYGGISRÁÐSTAFANIR TIL AÐ VERJA GÖGN ÞÍN OG KERFI FYRIR TAPI OG SKEMMDUM. AÐ ÞVÍ MARKI SEM FREKAST ER LEYFILEGT SAMKVÆMT GILDANDI LÖGUM UNDANSKILJA NUANCE OG DÓTTURFÉLÖG ÞESS SIG HVERS KONAR BEINNI EÐA ÓBEINNI ÁBYRGÐ, ÞAR Á MEÐAL, EN EKKI EINGÖNGU, ÁBYRGÐUM ER VARÐA SÖLUHÆFI, NOTAGILDI Í TILTEKNUM TILGANGI OG HELGI EIGNARRÉTTAR.
5. TAKMÖRKUN Á BÓTAÁBYRGÐ. AÐ ÞVÍ MARKI SEM FREKAST ER LEYFILEGT SAMKVÆMT GILDANDI LÖGUM SKULU NUANCE, DÓTTURFÉLÖG ÞESS, STJÓRNARMENN ÞESS, STJÓRNENDUR OG STARFSFÓLK ÞESS OG LEYFISVEITENDUR EKKI UNDIR NEINUM KRINGUMSTÆÐUM BERA SKAÐABÓTAÁBYRGÐ Á NOKKRU BEINU, ÓBEINU, SÉRSTÖKU, TILFALLANDI, AFLEIDDU EÐA REFSIVERÐU TJÓNI, Þ.M.T. EN EKKI EINGÖNGU TJÓNI VEGNA VIÐSKIPTATAPS, GAGNATAPS, TAPS Á NOTKUN EÐA VINNUSTÖÐVUNAR, EÐA TRYGGINGAKOSTNAÐAR SEM TIL VERÐUR VEGNA NOTKUNAR Á SWYPE CONNECT EÐA HUGBÚNAÐINUM, HVERNIG SEM TIL TJÓNSINS ER STOFNAÐ, ÓHÁÐ BÓTAÁBYRGÐ, JAFNVEL AÐ FENGINNI RÁÐGJÖF EÐA ÞÓTT ÞEIM HEFÐI ÁTT AÐ VERA KUNNUGT FYRIR FRAM UM MÖGULEIKANN Á SLÍKU TJÓNI.
6. GILDISTÍMI OG UPPSÖGN. Samningurinn hefst með samþykki þínu á skilmálum hans og lýkur með uppsögn hans. Brjótir þú gegn einhverjum skilmálum samningsins leiðir það sjálfkrafa til uppsagnar hans. Við uppsögn skaltu tafarlaust hætta að nota Swype Connect og hugbúnaðinn og eyða öllum afritum af honum.
7. EFTIRLIT MEÐ ÚTFLUTNINGI. Þú lýsir því yfir og ábyrgist að (i) þú sért ekki staðsett(ur) í landi sem Bandaríkjastjórn hefur sett viðskiptabann á eða tilgreint sem land sem "styður hryðjuverkastarfsemi" og (ii) að þú sért ekki á neinum skrám Bandaríkjastjórnar yfir bannaða aðila.
8. NOTENDUR UNDIR BANDARÍKJASTJÓRN. Hugbúnaðurinn er "viðskiptaleg vara" eins og hugtakið er skilgreint í 48 C.F.R. 2.101, sem samanstendur af "viðskiptalegum tölvuhugbúnaði" og "viðskiptalegum tölvuhugbúnaðargögnum" eins og þau hugtök eru notuð í 48 C.F.R. 12.212. Í samræmi við 48 C.F.R. 12.212 og 48 C.F.R. 227.7202-1 til og með 227.7202-4 fá allir notendur undir Bandaríkjastjórn hugbúnaðinn eingöngu með þeim réttindum sem hér eru tilgreind.
9. VÖRUMERKI. Vörumerki og vöru- og viðskiptaheiti þriðju aðila ("vörumerkin") sem eru í eða notuð af Swype Connect eða hugbúnaðinum eru vörumerki eða skráð vörumerki eigenda þeirra og notkun þeirra skal koma eiganda vörumerkisins til góða. Notkun slíkra vörumerkja er ætlað að sýna rekstrarsamhæfi og felur ekki í sér: (i) tengsl Nuance við slík fyrirtæki eða (ii) stuðning Nuance eða viðurkenningu á slíkum fyrirtækjum og vörum þeirra eða þjónustu.
10. GILDANDI LÖG.
Samningur þessi skal falla undir gildissvið laga þess lands þar sem þú átt fasta búsetu og vera túlkaður í samræmi við þau, svo sem skýrt er nánar hér á eftir, án tillits til lagavalsreglna, og að undanskildum sáttmála Sameinuðu þjóðanna um samninga um sölu á vöru milli ríkja. Aðilar samningsins skulu, skilyrðislaust og óafturkræft, eingöngu lúta lögsögu og staðsetningu þeirra dómstóla sem tilgreindir er hér á eftir fyrir þann stað/land sem þú hefur fasta búsetu í og gildandi stefnubirtingu.
Staður/ríki þar sem þú hefur fasta búsetu - Bandaríkin, Kanada, Mexíkó, Mið-Ameríka og Suður-Ameríka, Taívan eða Kórea
Gildandi lög - Samveldið Massachusetts, Bandaríkjum Ameríku
Skylduvarnarþing og staðsetning dómstóla - Alríkis- eða fylkisdómstólar í Massachusetts, í Massachusetts
Staður/ríki þar sem þú hefur fasta búsetu - Ástralía eða Nýja-Sjáland
Gildandi lög - New South Wales, Ástralíu
Skylduvarnarþing og staðsetning dómstóla - Dómstólar í New South Wales í New South Wales, Ástralíu
Staður/ríki þar sem þú hefur fasta búsetu - Indland eða Singapúr
Gildandi lög - Singapúr
Skylduvarnarþing og staðsetning dómstóla - Dómstólar í Singapúr, í Singapúr
Staður/ríki þar sem þú hefur fasta búsetu - Kína eða Hong Kong
Gildandi lög - Sérstjórnarsvæði Hong Kong
Skylduvarnarþing og staðsetning dómstóla - Dómstólar sérstjórnarsvæðis Hong Kong, í Hong Kong
Staður/ríki þar sem þú hefur fasta búsetu - Evrópska efnahagssvæðið (EES), Evrópa, Austurlönd nær, Afríka eða Rússland
Gildandi lög - Írland
Skylduvarnarþing og staðsetning dómstóla - Dublin, Írlandi
Staður/ríki þar sem þú hefur fasta búsetu - Aðrir heimshlutar
Gildandi lög - **Samveldið Massachusetts, Bandaríkjunum, nema það sé óframkvæmanlegt í þínu landi og ef svo er: Ef einhver framangreindra laga eru framfylgjanleg skulu þau gilda (með forgangi þess sem er efst á listanum), að öðrum kosti skulu staðbundin lög gilda.
Skylduvarnarþing og staðsetning dómstóla - **Alríkis- eða fylkisdómstólar í Massachusetts, í Massachusetts
Þrátt fyrir að það gangi þvert á ákvæði í þessum samningi geta báðir aðilar hans leitað bráðabirgða- eða tímabundinna úrlausna á deilum sem upp kunna að koma í tengslum við þennan samning, í hvoru því landi þar sem annar aðilinn hefur fasta búsetu.
11. SKILMÁLAR SEM GETA BREYST. Þú viðurkennir og samþykkir að Nuance getur af og til breytt skilmálum þessa samnings með tilhlýðilegum fyrirvara sem þér er tilkynntur í gegnum tækið þitt. Ef þú samþykkir ekki slíkar breytingar í samningnum er eina lausnin að þú hættir notkun á Swype Connect, þar með talið en ekki takmarkað við niðurhal og uppsetningu á hugbúnaði.
12. ALMENNIR LAGALEGIR SKILMÁLAR. Óheimilt er að framselja eða flytja réttindi og skyldur, sem falla undir þennan samning, með öðrum hætti án þess að hafa fengið fyrirfram skriflegt samþykki frá Nuance. Þessi samningur myndar samninginn í heild sinni milli þín og Nuance og leysir af hólmi öll önnur boðskipti eða auglýsingar sem varða Swype Connect og hugbúnaðinn. Dæmist eitthvert ákvæði þessa samnings ógilt eða óframkvæmanlegt skal endurskoða það að því marki sem nauðsyn krefur til að vinna bót þar á en önnur ákvæði samningsins viðhalda fullu gildi sínu. Misbrestir af hálfu Nuance við að nýta sér réttindi eða að framfylgja ákvæðum þessa samnings teljast ekki afsölun á slíkum rétti eða ráðstöfunum. Liðir 2, 3, 4, 5, 6, 8, 9, 10 og 12 í þessum samningi skulu gilda áfram eftir að hann rennur út eða er sagt upp.