Data e rishikimit të fundit: 26 Shtator 2014

MARRËVESHJE E LICENCËS SË KLIENTIT PËR SWYPE ME DRAGON DICTATION

KJO ËSHTË NJË MARRËVESHJE LIGJORE MIDIS JUSH (INDIVIDI OSE ENTI QE PËRDOR SWYPE DHE/OSE DRAGON DICTATION APPLICATIONS) DHE NUANCE COMMUNICATIONS, INC. ("NUANCE"). JU LUTEMI QË TI LEXONI ME VËMENDJE TERMAT NË VIJIM.

DUHET TË PRANONI KUSHTET E KËSAJ MARRËVESHJEJE PËR KLIENTIN PËRFUNDIMTAR ("MARRËVESHJA") PËR TË INSTALUAR DHE PËRDORUR PROGRAMIN SWYPE DHE/OSE SHËRBIMET DRAGON DICTATION. DUKE KLIKUAR NË BUTONIN "PRANOJ", JU JENI DAKORD QË TË KUFIZOHENI NGA TERMAT E KËSAJ MARRËVESHJEJE. JU NUK MUND TA PËRDORNI SOFTUERIN SWYPE OSE SHËRBIMIN DRAGON DICTATION NË ASNJË MËNYRË PËRVEÇSE KUR TË KENI PRANUAR KËTO TERMA SHËRBIMI.

Softueri Swype dhe shërbimi Dragon Dictation përbëhen nga disa aplikacione klient/server që i lejojnë përdoruesit e pajisjeve të kontrollojnë disa nga operacionet e këtyre pajisjeve nëpërmjet komandave të shkruarjes së tekstit dhe të folurit, përfshi por jo të kufizuar në aftësinë për të krijuar tekst dhe mesazhe emaili. Termat dhe kushtet e mëposhtme të përgjithshme ju lejojnë të shkarkoni, instaloni dhe përdorni softuerin Swype, përfshi çdo softuer shtesë të Swype që Nuance dhe ofruesit e saj mund t'ua venë në dispozicion, ("Softueri"), që ofron modalitet të shkruarjes së tekstit dhe i lejon përdoruesit të përdorin aplikacionet e serverit Dragon Dictation të instaluar në ndonjë qendër të Nuance ("Shërbimi"), dhe dokumentacionin e ofruar nga Nuance për përdorimin e Softuerit dhe përdorimin e Shërbimit.

1. DHËNIA E LICENSËS. Nuance dhe ofruesit e saj ju japin ju ("të Licencuarit"), një licencë personale të anulueshme dhe të kufizuar, jo-ekskluzive, të patransferueshme, të pa nën-licencueshme, vetëm në formën e kodit të objektit, për të instaluar dhe përdorur Softuerin në një pajisje të vetme, dhe për ta përdorur Shërbimin nëpërmjet Softuerit në këtë pajisje, vetëm në shtetet dhe gjuhët në Softuer dhe Shërbim, ashtu siç është vënë në dispozicion nga Nuance dhe ofruesit e saj. Një "Pajisje" është një pajisje e lëvizshme siç përshkruhet tek siti web Nuance, tek http://www.nuancemobilelife.com, i cili mund të azhornohet nga Nuance herë pas here. Ju po ashtu pranoni dhe bini dakord se Nuance mund të ofrojë shkarkime shtesë të softuerit, përfshi por jo të kufizuar në gjuhët, tastierat ose fjalorët dhe se ju mund t'i përdorni këto shkarkime shtesë të softuerit me softuerin e ofruar këtu më poshtë, dhe se përdorimi prej jush i shkarkimeve shtesë të softuerit zbaton termat dhe kushtet e kësaj Marrëveshjeje. Ju jeni i përgjegjës për çdo tarifë që hasni dhe që ju ngarkohet nga një palë e tretë (p.sh., Google, Amazon, Apple), të cilat mund të ndryshojnë herë pas here, sipas shkarkimeve tuaja dhe përdorimit të Softuerit dhe Shërbimeve. Nuance nuk ka detyrim që t'u rimbursojë asnjë pagesë që ja bëni një pale të tillë tretë për përdorimin nga ju të Softuerit dhe Shërbimit sikurse është përcaktuar në këtë marrëveshje. Ju po ashtu pranoni dhe bini dakord se Softueri dhe Shërbimi do të përdorin rrjetin tuaj pa kabllo për të dërguar dhe marrë të dhëna dhe se operatori juaj celular dhe palët e tjera të treta mund t'u faturojnë për kohën e përdorimit të Softuerit dhe Shërbimit, të dhënat dhe/ose tarifat e përdorimit.

2. DETYRIMET E TË LICENCUARIT.

2.1. KUFIZIME. Ju nuk mund të (me përjashtim kur lejohet me ligj): (a) parashtroni çfarëdo kërkese të automatizuar ose të regjistruar me Softuerin ose te Shërbimi përveçse kur është miratuar me shkrim nga Nuance; (b) përdorni Softuerin dhe Shërbimin përveçse për përdorimin tuaj personal; (c) përdorni Shërbimin me anë të softuerit ose mjeteve të tjera përveç Softuerit; (d) kopjoni, riprodhoni, shpërndani apo dublikoni në ndonjë mënyrë tjetër Softuerin, plotësisht apo pjesërisht; (e) shisni, jepni me qira, licenconi, nënlicenconi, shpërndani, caktoni, transferoni ose përndryshe të jepni të drejtat në Softuer ose Shërbim, plotësisht apo pjesërisht; (f) modifikoni, mbartni, përktheni apo të krijoni punë me prejardhje nga Softueri ose Shërbimi; (g) shpërbëni, çmontoni, ç'kodoni apo përndryshe të përpiqeni të hiqni, rindërtoni, identifikoni apo zbuloni ndonjë kod të burimit, ide themelore apo algoritme nga Softueri ose Shërbimi me çfarëdo mjeti; (h) hiqni ndonjë njoftim pronësie, etiketa apo shenja nga Softueri; apo (i) përdorni Softuerin ose Shërbimin për qëllime krahasimi me apo si pikë referimi ndaj produkteve ose shërbimeve të vëna në dispozicion nga palë të treta.

3. TË DREJTAT E PRONËSISË.

3.1. SOFTUERI DHE SHËRBIMI. Nuance dhe licencuesit e saj kanë të gjithë të drejtën, titullin dhe interesin në Softuer dhe Shërbim duke përfshirë, por pa u kufizuar në, të gjitha të drejtat e patentës, të drejtës së autorit, sekretin tregtar, markës tregtare apo të drejtave të tjera të pronësisë intelektuale që lidhen me to, dhe të gjithë titujt për këto të drejta do t'i mbeten vetëm Nuance dhe/ose licencuesve të saj. Kopjimi i paautorizuar i Softuerit ose Shërbimit apo mosrespektimi i kufizimeve më sipër, do të rezultojë në përfundimin e menjëhershëm të kësaj Marrëveshjeje dhe të gjitha licencave të dhëna së bashku me të, dhe do i vërë në dispozicion të Nuance të gjitha mjetet ligjore dhe të paanshme për shkeljen e saj.

3.2. SOFTUERI I PALËVE TË TRETA. Softueri mund të përmbajë softuerë të palëve të treta të cilat kërkojnë njoftime dhe/ose kushte dhe afate shtesë. Të tilla njoftime dhe/ose kushte dhe afate shtesë të softuerit të palëve të treta që kërkohen ndodhen në: http://swype.com/attributions dhe janë bërë pjesë dhe janë përfshirë me anë të referimit në këtë Marrëveshje. Duke e pranuar këtë Marrëveshje, Ju po pranoni gjithashtu kushtet dhe afatet shtesë, nëse ka ndonjë, të përcaktuar në të.

3.3. TË DHËNAT E TË FOLURIT DHE TË DHËNAT E LICENCIMIT.

(a) TË DHËNAT E TË FOLURIT. Si pjesë e Shërbimit, Nuance grumbullon dhe përdor të Dhënat e të Folurit, sikurse është përcaktuar më poshtë, për të akorduar, theksuar dhe përmirësuar njohjen e të folurit dhe komponentët e tjerë të Shërbimit dhe shërbime dhe produkte të tjera të Nuance. Duke pranuar kushtet dhe afatet e kësaj Marrëveshjeje, ju pranoni, jepni pëlqimin dhe bini dakord që Nuance mund të grumbullojë të Dhëna të të Folurit si pjesë e Shërbimit dhe që ky informacion do të përdoret vetëm nga Nuance apo palë të treta që veprojnë nën drejtimin e Nuance, në bazë të marrëveshjeve të konfidencialitetit, për të akorduar, theksuar dhe përmirësuar njohjen e të folurit dhe komponentët e tjerë të Shërbimit, dhe shërbimet e produktet e tjera të Nuance. Nuance nuk do të përdorë elementët e informacionit nga asnjë të Dhënë e të Folurit për ndonjë qëllim tjetër përveç siç është përcaktuar më lartë. "Të dhënat e të Folurit" nënkuptojnë skedarët audio, transkriptimet dhe dosjet e regjistrimit të ofruar nga ju në vazhdim ose të krijuar në lidhje me Shërbimin. Çdo dhe të gjitha të Dhënat e të Folurit që ju jepni do të mbeten konfidenciale por mund të jepen nga Nuance, nëse kjo kërkohet, për të plotësuar kërkesat ligjore apo rregullatore, siç është një urdhër gjykate apo për ndonjë institucion qeveritar nëse kërkohet apo lejohet me ligj, apo në rastin e shitjes, shkrirjes apo blerjes së një subjekti tjetër nga Nuance.

(b) TË DHËNAT E LICENCIMIT. Si pjesë e Softuerit dhe Shërbimit, Nuance dhe ofruesit e saj po ashtu grumbullojnë të Dhëna të Licencimit, siç është përcaktuar më poshtë. Ju pranoni, jepni pëlqimin dhe bini dakord se Nuance mund të grumbullojë të Dhëna të Licencimit si pjesë e ofrimit të Softuerit dhe Shërbimit. Të Dhënat e Licencimit përdoren për të ndihmuar Nuance ose palët e tjera që veprojnë nën udhëzimin e Nuance, në pajtim me marrëveshjet e konfidencialitetit, të zhvillojnë, ndërtojnë ose përmirësojnë produktet dhe shërbimet e tyre. Të Dhënat e Licencimit konsiderohen si informacion jo personal, pasi të Dhënat e Licencimit janë në një formë që nuk lejon lidhje direkte me asnjë individ të veçantë. "Të Dhënat e Licencimit" nënkupton informacionin për Softuerin dhe pajisjen Tuaj, për shembull: markën e pajisjes, numrin e modelit, ekranin, numrin e identifikimit, adresën e IP-së dhe të dhëna të ngjashme.

(c) Ju e kuptoni se duke përdorur Softuerin dhe Shërbimin, ju jepni pëlqimin tuaj për grumbullimin dhe përdorimin, ashtu siç është përcaktuar në vijim, e të Dhënave të të Folurit dhe të Dhënave të Licencimit, përfshi transferimin si në Shtetet e Bashkuara dhe/ose në shtete të tjera për ruajtje, përpunim dhe përdorim nga Nuance dhe partnerë të palëve të treta.

(d) Të Dhënat e të Folurit dhe të Dhënat e Licencimit janë subjekt i politikës së privatësisë që zbatohet nga Nuance. Për informacione të mëtejshme shihni politikën e privatësisë së Nuance në: http://www.nuance.com/company/company-overview/company-policies/privacy-policies/index.htm.

4. MBËSHTETJA. Për të lehtësuar procesin e vlerësimit dhe të testimit të Softuerit dhe Shërbimit, i Licencuari mund t'i referohet pyetjeve që bëhen shpesh në http://www.nuancemobilelife.com. Për mbështetje shtesë, i Licencuari mund të kërkojë këtë mbështetje nëpërmjet faqes së internetit të përmendur më lartë dhe në vartësi të personelit të Nuance në dispozicion, Nuance mund të ofrojë shërbime të arsyeshme nëpërmjet faksit, emailit ose mjeteve të tjera për të Licencuarin në lidhje me defektet dhe/ose sqarimet e funksioneve dhe karakteristikave të Softuerit dhe Shërbimit. Mbështetja e Nuance do t'u përgjigjet pyetjeve tuaja brenda 48 orësh pune (përjashto fundjavat dhe pushimet ligjore/të kompanisë).

5. PËRJASHTIME NGA GARANCITË. JU PRANONI DHE BINI DAKORD SE NUANCE DHE LICENCUESIT E OFRUESIT E SAJ E OFROJNË SOFTUERIN DHE SHËRBIMIN VETËM PËR JU PËR T'JU LEJUAR QË TA PËRDORNI SOFTUERIN DHE SHËRBIMIN. RRJEDHIMISHT, JU BINI DAKORD QË TË MERRNI TË GJITHA MASAT E NEVOJSHME PËR TË MBROJTUR TË DHËNAT DHE SISTEMET TUAJA NGA HUMBJA APO DËMTIMI. NUANCE, LICENCUESIT DHE OFRUESIT E SAJ E OFROJNË SOFTUERIN DHE SHËRBIMIN "SIÇ ËSHTË", ME TË GJITHA DEFEKTET DHE PA NDONJË LLOJ GARANCIE. NË SHKALLËN MAKSIMALE TË LEJUAR NGA LIGJI NË FUQI, NUANCE, LICENCUESIT DHE OFRUESIT E SAJ NUK NJOHIN SPECIFIKISHT ASNJË GARANCI TË SHPREHUR APO TË NËNKUPTUAR, DUKE PËRFSHIRË POR PA U KUFIZUAR NË ÇDO GARANCI TË SHITJES, PËRDORIMIT PËR NJË QËLLIM TË CAKTUAR APO MOS-SHKELJES.

6. KUFIZIMI I DETYRIMIT. NË SHKALLËN MAKSIMALE TË LEJUAR NGA LIGJI NË FUQI, NË ASNJË RAST NUANCE, FUNKSIONARËT E SAJ, DREJTORËT, PUNONJËSIT, OFRUESIT DHE LICENCUESIT E SAJ NUK DO TË JENË PËRGJEGJËS PËR NDONJË DËMTIM DIREKT, INDIREKT, TË VEÇANTË, AKSIDENTAL, TË TËRTHORTË APO EKZEMPLAR, PËRFSHI POR PA U KUFIZUAR NË DËMTIMET PËR HUMBJEN E FITIMEVE, HUMBJEN E TË DHËNAVE, HUMBJEN E PËRDORIMIT, NDËRPRERJEN E BIZNESIT, APO KOSTON E MBULIMIT SI PASOJË E PËRDORIMIT TË SOFTUERIT OSE SHËRBIMIT, QË ËSHTË SHKAKTUAR NË ÇFARËDO MËNYRE SIPAS CILËSDO TEORI DETYRIMI EDHE NËSE KLIENTI ËSHTË KËSHILLUAR APO NË RASTET KU DUHEJ TË KISHTE QENË I VETËDIJSHËM MË PËRPARA PËR MUNDËSINË E DËMTIMEVE TË TILLA.

7. KUSHTET DHE PËRFUNDIMI. Kjo Marrëveshje hyn në fuqi pas pranimit nga ana Juaj e Kushteve dhe Afateve të kësaj Marrëveshjeje dhe mbaron kur përfundon. Nuance mund ta përfundojë këtë Marrëveshje, dhe/ose licencat e dhëna në zbatim, në çdo kohë sipas zgjedhjes së saj, me ose pa shkak, duke ju njoftuar se Shërbimi ka skaduar ose është ndërprerë. Kjo Marrëveshje duhet të përfundojë automatikisht nga shkelja e ndonjë prej kushteve dhe afateve të saj nga ana Juaj. Pas përfundimit, ju duhet të ndaloni menjëherë përdorimin dhe duhet të fshini të gjitha kopjet e Softuerit.

8. PAJTUESHMËRIA ME EKSPORTIN. Ju përfaqësoni dhe garantoni që (i) Nuk jetoni në një shtet që është subjekt i embargos nga ana e Qeverisë së SHBA, apo që është përcaktuar nga Qeveria e SHBA si një shtet "mbështetës i terrorizmit"; dhe (ii) Nuk jeni pjesë e ndonjë liste të Qeverisë së SHBA të palëve të ndaluara apo kufizuara.

9. MARKAT TREGTARE. Markat tregtare të palëve të treta, emrat tregtarë, emrat e produkteve dhe logot ("Emrat Tregtarë") që përmbahen ose përdoren nga Softueri dhe Shërbimi janë marka tregtare apo marka tregtare të regjistruara të pronarëve të tyre, dhe përdorimi i Markave të tilla Tregtare duhet të hyjnë në veprim të përfitimit të pronarit të markës tregtare. Përdorimi i Markave Tregtare të tilla është menduar që të tregojë ndërveprimin dhe nuk përbën: (i) një pranim nga Nuance e një kompanie të tillë, ose (ii) një mbështetje apo aprovim të një kompanie të Nuance dhe produkteve dhe shërbimeve të saj.

10. LIGJI QË ZBATOHET. Kjo marrëveshje do të udhëhiqet nga ligjet e Komonuelthit të Masaçusetit, në Shtetet e Bashkuara të Amerikës, pa marrë parasysh konfliktet e principeve ligjore, dhe ju me këtë dokument i nënshtroheni juridiksionit ekskluziv të gjykatave federale dhe shtetërore në Komonuelthin e përmendur në lidhje me çdo mosmarrëveshje që mund të dalë nga kjo Marrëveshje. Kjo marrëveshje nuk duhet të administrohet nga Konventa e Kontratave të Kombeve të Bashkuara për Shitjen Ndërkombëtare të Mallrave, zbatimi i të cilës këtu është i përjashtuar shpehimisht.

11. TERMAT SUBJEKT TË NDRYSHIMEVE. Ju pranoni dhe jeni dakord që Nuance mund të ndryshojë kushtet e përgjithshme të kësaj Marrëveshjeje herë pas here pas njoftimeve të arsyeshme në adresën që keni dhënë kur jeni regjistruar, përfshi adresën tuaj të emailit. Nëse nuk jeni dakord me ndryshime të tilla në këtë Marrëveshje, e vetmja zgjidhje është të ndërprisni përdorimin e Softuerit dhe Shërbimit. Vazhdimi i përdorimit të cilësdo pjese të Softuerit ose Shërbimit pasi Nuance t'u ketë dhënë njoftim të arsyeshëm për rishikim të këtyre ndryshimeve, do të konsiderohet se ju i keni pranuar këto ndryshime.

12. KUSHTET E PËRGJITHSHME LIGJORE. Ju nuk mund të caktoni apo ndryshe të transferoni ndonjë të drejtë apo detyrim që rrjedh nga kjo Marrëveshje pa patur pëlqimin paraprak me shkrim nga Nuance. Kjo Marrëveshje është marrëveshja e plotë midis Nuance dhe jush dhe zëvendëson çdo komunikim tjetër apo reklamë në lidhje me Softuerin. Nëse ndonjë dispozitë e kësaj Marrëveshjeje bëhet e pavlefshme apo e pazbatueshme, ajo dispozitë duhet të rishikohet vetëm në masën e nevojshme për të ndrequr pavlefshmërinë apo pazbatueshmërinë, dhe pjesa tjetër e kësaj Marrëveshjeje do të vazhdojë të jetë në fuqi me efekt të plotë. Dështimi nga ana e Nuance për të ushtruar apo zbatuar ndonjë të drejtë apo dispozitë të kësaj Marrëveshjeje nuk do të përbëjë një përjashtim nga një e drejtë apo dispozitë e tillë. Paragrafët 2, 3, 5, 6, 7, 9, 10 dhe 12 të kësaj Marrëveshjeje do të jenë në zbatim edhe pas skadimit ose përfundimit të kësaj Marrëveshjeje.