So‘nggi yangilanish sanasi: 26-sentabr, 2014-yil

DRAGON DICTATION ILOVALI SWYPE VA YAKUNIY FOYDALANUVCHI O‘RTASIDAGI LITSENZIYA KELISHUVI

BU – SIZ (SWYPE VA/YOKI DRAGON DICTATION ILOVALARIDAN FOYDALANUVCHI JISMONIY YOKI YURIDIK SHAXS) VA NUANCE COMMUNICATIONS, INC. ("NUANCE") O‘RTASIDAGI HUQUQIY KELISHUVDIR. ILTIMOS, QUYIDAGI SHARTLAR BILAN TO‘LIQ TANISHIB CHIQING.

SIZ SWYPE DASTURIY TA'MINOTI VA/YOKI DRAGON DICTATION XIZMATINI O‘RNATISH HAMDA UNDAN FOYDALANISH UCHUN MAZKUR YAKUNIY FOYDALANUVCHI BILAN LITSENZIYA KELISHUVI ("KELISHUV") SHARTLARIGA ROZI BO‘LISHINGIZ LOZIM. "ROZIMAN" TUGMASINI BOSISH ORQALI SIZ USHBU KELISHUV SHARTLARIGA ROZI EKANLIGINGIZNI BILDIRASIZ. SIZ USHBU KELISHUV SHARTLARINI QABUL QILMAY TURIB, SWYPE DASTURIY TA'MINOTI VA DRAGON DICTATION XIZMATIDAN HECH QANDAY USULDA FOYDALANISHINGIZ MUMKIN EMAS.

Swype dasturiy ta'minoti va Dragon Dictation xizmati qurilmalar foydalanuvchilariga bunday qurilmalardagi tegishli amaliyotlarni matn kiritish va ovozli buyruqlar orqali nazorat qilish, shu jumladan, cheklovlarsiz matnli va e-pochta xabarlarini yaratish imkonini beruvchi muayyan mijoz/server ilovalaridan iboratdir. Quyidagi umumiy foydalanish shartlari va qoidalari Sizga Swype dasturiy ta'minotini, shuningdek, Nuance va uning ta'minotchilari Sizga taqdim etayotgan har qanday Swype qo‘shimcha dasturiy ta'minotiy ta'minotini ("Dasturiy ta'minot") yuklab olish, o‘rnatish va foydalanishga ruxsat beradi; mazkur Dasturiy ta'minot matn kiritishni ta'minlaydi va foydalanuvchilarga Nuance vositalariga ("Xizmat") o‘rnatilgan Dragon Dictation server ilovalariga murojaat etish hamda Dasturiy ta'minotdan foydalanish va Xizmatga murojaat qilish uchun Nuance tomonidan taqdim etilgan tegishli hujjatlar bilan ishlash imkonini beradi.

1. LITSENZIYA KAFOLATI. Nuance va uning ta'minotchilari Sizga ("Litsenziya oluvchi") Dasturiy ta'minot va Xizmat mavjud mamlakat va tillarda ulardan shaxsiy foydalanish maqsadida bitta Qurilmaga Dasturiy ta'minotni o‘rnatish va undan foydalanish, ushbu Qurilmada Dasturiy ta'minot orqali Xizmatdan foydalanish uchun mutlaq bo‘lmagan, birovga o‘tkazilmaydigan, qayta litsenziyalanmaydigan, bekor qilinishi mumkin bo‘lgan cheklangan litsenziyani faqat obyekt kodi shaklida taqdim etadi. "Qurilma" bu - http://www.nuancemobilelife.commanzilida joylashgan Nuance veb-saytida ta'riflangan va vaqti-vaqti bilan Nuance tomonidan yangilab turiladigan mobil qurilmadir. Siz shuni tan olasiz va rozilik berasizki, Nuance qo‘shimcha Dasturiy ta'minot yuklanishlarini, jumladan, tillar, klaviaturalar yoki lug‘atlarni taqdim etishi mumkin; Siz esa faqat mazkur Kelishuvga ko‘ra taqdim etilayotgan Dasturiy ta'minot orqali mana shunday qo‘shimcha Dasturiy ta'minot yuklanishlaridan foydalanasiz va bunday qo‘shimcha Dasturiy ta'minot yuklanishlarining ta'minlanishi ushbu Kelishuv shartlariga mosdir. Siz o‘zingiz tarafingizdan kiritilgan va uchinchi tomon (m-n, Google, Amazon, Apple) undiradigan, o‘zingiz yuklab olgan yuklanishlar hamda Dasturiy ta'minot va Xizmatdan foydalanishga bog‘liq holda o‘zgarib turadigan har qanday yig‘imlar uchun javobgarlikni o‘z zimmangizga olasiz. Ushbu Kelishuvda ko‘rsatilganidek, Dasturiy ta'minot yoki Xizmatdan foydalanishingiz uchun uchinchi tomonga qilinadigan har qanday to‘lovni qoplashga Nuance majbur emas. Siz shuni tan olasiz va rozilik bildirasizki, Dasturiy ta'minot va Xizmat ma'lumotlarni uzatish va qabul qilish uchun simsiz tarmog‘ingizdan foydalanadi; Mobil aloqa operatoringiz va boshqa uchinchi tomon vakillari Dasturiy ta'minot va Xizmatdagi efir vaqtingiz, internet va/yoki boshqa narsalardan foydalanish uchun to‘lov talab qilishi mumkin.

2. LITSENZIYA OLUVCHISINING MAJBURIYATLARI.

2.1. CHEKLOVLAR. Sizga quyidagilar mumkin emas (qonunda ruxsat berilgan hollar bundan mustasno): (a) Dasturiy ta'minot yoki Xizmat tomonidan avtomatlashtirilgan yoki yozilgan har qanday so‘rovni, agar Nuance tomonidan yozma tarzda rozilik berilmasa, birovga taqdim etish; (b) Dasturiy ta'minot va Xizmatdan shaxsiy bo‘lmagan maqsadlarda foydalanish; (c) Xizmatga ushbu Dasturiy ta'minotdan boshqa Dasturiy ta'minot yoki moslamalar orqali murojaat etish; (d) Dasturiy ta'minotni to‘liq yoki qisman ko‘chirib olish, qayta ishlab chiqarish, tarqatish yoki boshqa har qanday usulda ko‘paytirish; (e) Dasturiy ta'minot yoki Xizmatga bo‘lgan huquqni, to‘liq yoki qisman boshqa birovga sotish, ijaraga berish, litsenziyalash, qayta litsenziyalash, tarqatish, uzatish va boshqa tarzda taqdim etish; (f) Dasturiy ta'minot yoki Xizmatni o‘zgartirish, ko‘chirib o‘tkazish, tarjima qilish yoki uning asosida hosilaviy mahsulotlarni yaratish; (g) Dasturiy ta'minot yoki Xizmatning asos kodi, tub g‘oyalari yoki algoritmlarini har qanday usulda ajratib olish, qismlarga ajratish, qayta qurish yoki boshqa usulda hosilaviy mahsulot olishga urinish, qaytadan tuzish, asos kodini e'lon qilish yoki ochish; (h) Dasturiy ta'minotegasi haqidagi eslatmalar, yorliqlar va belgilarini yo‘q qilish; (i) Dasturiy ta'minot yoki Xizmatdan uni uchinchi tomon mahsulotlari yoki xizmatlari bilan taqqoslash yoki ularga qarshi sinab ko‘rish maqsadida foydalanish.

3. EGALIK HUQUQLARI.

3.1. DASTURIY TA'MINOT VA XIZMAT. Nuance va uning litsenziya beruvchilari Dasturiy ta'minot va Xizmat yuzasidan barcha huquq, egalik huquqi va boshqa huquqlarga, jumladan, barcha patent, mualliflik huquqi, tijorat siri, savdo belgisi va intellektual mulkka aloqador boshqa huquqlarga egalik qilib, bu huquqlarga nisbatan barcha egalik huquqi faqat Nuance va/yoki uning letsenziya beruvchilariga tegishli bo‘lib qolishi shart. Dasturiy ta'minot yoki Xizmatdan ruxsatsiz nusxa olish yoki yuqorida ko‘rsatilgan cheklovlarga amal qilmaslik joriy Kelishuv va u bo‘yicha taqdim etilgan barcha litsenziyalar amal qilishining avtomatik ravishda to‘xtatilishiga olib keladi hamda ularning buzilishi natijasida Nuance barcha huquqiy va teng huquqli himoya bilan ta'minlanadi.

3.2. UCHINCHI TOMON DASTURIY TA'MINOTLARI. Dasturiy ta'minot tarkibida bildirishlarni va/yoki qo‘shimcha shartlarni talab etuvchi uchinchi tomonlarning Dasturiy ta'minot modullari bo‘lishi mumkin. Uchinchi tomon dasturiy ta'minotiga oid bunday zaruriy eslatmalar va/yoki qo‘shimcha shartlar va qoidalar http://swype.com/attributions manzilida ko‘rsatilgan bo‘lib, ular ushbu Kelishuvning bir qismi hisoblanadi hamda unga havola sifatida biriktiriladi. Siz ushbu Kelishuvni qabul qilish bilan birga, agar mavjud bo‘lsa, undagi qo‘shimcha shartlarni ham qabul qilasiz.

3.3. NUTQ MA'LUMOTLARI VA LITSENZIYALASH MA'LUMOTLARI .

(a) NUTQ MA'LUMOTLARI. Xizmatni taqdim etish doirasida, Nuance nutqni anglashni hamda Xizmat va boshqa Nuance xizmatlari va mahsulotlarini sozlash, kuchaytirish va takomillashtirish uchun quyida ta'riflangan Nutq ma'lumotlarini to‘playdi va ulardan foydalanadi. Ushbu Kelishuv shartlari va qoidalarini qabul qilish orqali Siz shunga rozilik bildirasizki, Nuance Xizmatdan foydalanish doirasida Nutq ma'lumotlarini to‘plashi va undan foydalanishi mumkin; bu ma'lumotlardan maxfiylik to‘g‘risidagi kelishuvlarga muvofiq faqat Nuance yoki uning ko‘rsatmasi bilan uchinchi tomon vakillari tomonidan nutq va boshqa Nuance xizmat va mahsulotlarini sozlash, kuchaytirish va ularni takomillashtirish maqsadida foydalanishi mumkin. Nuance ushbu Nutq ma'lumotlari unsurlaridan yuqorida ko‘rsatilgandan boshqa maqsadlarda foydalanmaydi. "Nutq ma'lumotlari" – Siz taqdim etadigan, transkripsiya va jurnallar bilan bog‘liq bo‘lgan yoki mazkur Kelishuv bilan bog‘liq tarzda yaratiladigan audio fayllardir. Siz taqdim etgan har qanday va barcha Nutq ma'lumotlari maxfiy saqlanib, ular zaruratga qarab qonunchilik yoki normativ talablarni bajarish maqsadida, masalan, sud qaroriga muvofiq yoki qonunga muvofiq talab qilinsa yoki ruxsat berilsa, davlat muassasasiga yoki Nuance kompaniyasi boshqa kompaniyaga sotilsa, qo‘shilsa yoki birlashtirilsa, Nuance tomonidan ma'lum qilinishi mumkin.

(b) LITSENZIYALASH MA'LUMOTLARI. Dasturiy ta'minot va Xizmatning bir qismi sifatida, Nuance va uning ta'minotchilari quyida ta'riflangan Litsenziyalash ma'lumotlarini ham to‘playdi va foydalanadi. Siz shuni tan olasiz, ruxsat berasiz va rozilik bildirasizki, Nuance Dasturiy ta'minot va Xizmatni taqdim etish doirasida Litsenziyalash ma'lumotlarini to‘plashi mumkin. Litsenziyalash ma'lumotlaridan Nuance yoki Nuance rahbarligi ostida ishlayotgan uchinchi tomonlarga o‘z mahsulotlari va xizmatlarini ishlab chiqish, yaratish va takomillashtirishda yordam berishi uchun maxfiylik haqidagi kelishuvga muvofiq foydalaniladi. Litsenziyalash ma'lumotlari shaxsiy bo‘lmagan ma'lumotlardan iborat bo‘ladi; ular biror muayyan shaxsga bevosita aloqador bo‘lmagan shaklda namoyon bo‘ladi. "Litsenziyalash ma'lumotlari" deganda Dasturiy ta'minot va qurilmangiz haqidagi ma'lumotlar tushuniladi, masalan: qurilma brendi, model raqami, ekrani, qurilma identifikatori, IP manzili va shunga o‘xshash ma'lumotlar.

(c) Ushbu Dasturiy ta'minot va Xizmat shartlarini qabul qilish orqali siz Nutq ma'lumotlari va Litsenziyalash ma'lumotlari to‘plash va ulardan foydalanishga, jumladan, Nuance va vakolatli uchinchi tomon vakillari tomonidan ularni saqlash, qayta ishlash va foydalanish maqsadida Amerika Qo‘shma Shtatlari va/yoki boshqa mamlakatlarga uzatilishiga rozi ekanligingizni bildirasiz.

(d) Nutq ma'lumotlari va Litsenziyalash ma'lumotlari Nuance kompaniyasining amaldagi maxfiylik siyosatiga muvofiq tasarruf qilinadi. Batafsil ma'lumot olish uchun quyidagi manzilda joylashgan Nuance maxfiylik siyosatini ko‘ring: http://www.nuance.com/company/company-overview/company-policies/privacy-policies/index.htm.

4. QO‘LLAB-QUVVATLASH. Dasturiy ta'minot va Xizmatni baholash va tekshirish jarayonini osonlashtirish uchun Litsenziya oluvchisi http://www.nuancemobilelife.com manzilidagi Nuance kompaniyasiga ko‘p beriladigan savollarga murojaat etishi mumkin. Qo‘shimcha ko‘mak olish uchun, Litsenziya oluvchi shaxs yuqorida ko‘rsatilgan saytdan yordam so‘rashi mumkin, agar o‘sha paytda Nuance xodimi joyida bo‘lsa, u faks, elektron pochta yoki boshqa vositalar orqali Litsenziya oluvchi shaxsga nuqson va/yoki Dasturiy ta'minot va Xizmat vazifalari va xususiyatlari borasida oqilona ko‘mak beradi. Nuance Qo‘llab-quvvatlash xizmati savollaringizga 48 ish soati davomida (dam olish kunlaridan hamda qonuniy va kompaniya bayramlaridan tashqari) javob beradi.

5. KAFOLAT MAJBURIYATLARIDAN VOZ KECHISH. SIZ SHUNI TAN OLASIZ VA ROZILIK BILDIRASIZKI, NUANCE HAMDA UNING LITSENZIYA BERUVCHILARI VA TA'MINOTCHILARI DASTURIY TA'MINOT VA XIZMATNI SIZGA FAQATGINA DASTURIY TA'MINOT VA XIZMATDAN FOYDALANISHGA RUXSAT BERISH UCHUN TAQDIM ETADI. SHUNDAY EKAN, SIZ SHUNGA ROZILIK BILDIRASIZKI, BARCHA EHTIYOTKORLIK CHORALARINI HAMDA MA'LUMOTLARINGIZNI HIMOYALASH VA TIZIMNI YO‘QOTISHLARDAN ASRASH UCHUN ZARURIY XAVFSIZLIK CHORALARINI KO‘RASIZ. NUANCE HAMDA UNING LITSENZIYA BERUVCHILARI VA TA'MINOTCHILARI DASTURIY TA'MINOT VA XIZMATNI "BOR HOLICHA", BARCHA XATOLIKLARI BILAN HAMDA HECH QANDAY TURDAGI KAFOLATLARSIZ TAQDIM ETADI. NUANCE, UNING LITSENZIYA BERUVCHILARI VA TA'MINOTCHILARI AMALDAGI QONUNCHILIK RUXSAT BERGAN ENG MAKSIMAL TARZDA, HAR QANDAY OSHKORA VA NAZARDA TUTILGAN KAFOLATLARDAN, JUMLADAN, ANIQ BIROR MAQSADGA YAROQLILIK, MOSLIK YOKI HUQUQ BUZILISHI YO‘QLIGI BORASIDAGI HAR QANDAY KAFOLAT MAJBURIYATLARINI O‘Z ZIMMASIGA OLMAYDI.

6. MAS'ULIYATNING CHEKLANGANLIGI. NUANCE, UNING MANSABDOR SHAXSLARI, DIREKTORLARI VA XODIMLARI, TA'MINOTCHILARI VA LITSENZIYA BERUVCHILARI AMALDAGI QONUNCHILIK RUXSAT BERGAN ENG MAKSIMAL TARZDA, BEVOSITA, BILVOSITA, MAXSUS, OLDINDAN KO‘RILMAGAN VA KEYIN KELIB CHIQQAN YOKI NAMUNAVIY ZIYONLAR, JUMLADAN, DAROMADNI YO‘QOTISHDAN, MA'LUMOTLARNI YO‘QOTISHDAN, FOYDALANISH YO‘QOLISHIDAN, UZILISHIDAN KELGAN ZIYONLAR, SHUNINGDEK, DASTURIY TA'MINOT YOKI XIZMATDAN FOYDALANISH BILAN BOG‘LIQ BO‘LGAN, SABABIDAN QAT'I NAZAR, HAR QANDAY EHTIMOLGA KO‘RA BUNDAY SHIKASTNI OLDINDAN BILISHI LOZIM BO‘LGAN O‘RINLARDAGI ZIYONLAR UCHUN MAS'UL BO‘LISHMAYDI.

7. AMAL QILISH VA TUGASH MUDDATI. Ushbu Kelishuv shartlari va qoidalarini qabul qilishingiz bilan Kelishuv kuchga kiradi va muddati tugashi bilan tugatiladi. Nuance ushbu Kelishuvning va/yoki unga ko‘ra taqdim etilgan litsenziyaning amal qilishini o‘z ixtiyoriga ko‘ra istalgan paytda, sababli yoki sababsiz tarzda, Xizmat tugagani yoki bekor qilinganini sizni bildirib, to‘xtatishi mumkin. Agar ushbu Kelishuvning biror sharti yoki qoidasi Siz tomoningizdan buzilsa, Kelishuv avtomatik ravishda tugatiladi. Kelishuv tugatilishi bilanoq, zudlik bilan Dasturiy ta'minotdan foydalanishni to‘xtatishingiz va uning barcha nusxalarini o‘chirib tashlashingiz lozim.

8. EKSPORT SHARTLARI. Siz quyidagilarni ifodalaysiz va kafolatlaysiz: (i) Siz AQSH hukumati tomonidan embargo qo‘yilgan yoki AQSH hukumati tomonidan "terroristik tashkilotlarni qo‘llab-quvvatlovchi" mamlakat sifatida belgilangan mamlakatda yashamaysiz; (ii) Siz AQSH hukumati tomonidan taqiqlangan yoki cheklangan har qanday partiya a'zosi emassiz.

9. SAVDO BELGILARI. Dasturiy ta'minot yoki Xizmat tarkibida bo‘lgan yoki foydalanilgan uchinchi tomon savdo belgilari, savdo nomlari, mahsulot nomlari va logotiplar ("Savdo belgilari") tegishli egalarining savdo belgilari yoki ro‘yxatga olingan savdo belgilari hisoblanib, ushbu Savdo belgilaridan foydalanish savdo belgisi egasining foydasiga amalga oshirilishi lozim. Bunday Savdo belgilaridan foydalanish o‘zaro moslikni anglatishga mo‘ljallangan va ular: (i) Nuance'ning shunday kompaniyaga tegishliligini anglatmaydi; (ii) shunday kompaniyaning Nuance tomonidan ma'qullanganligi yoki Nuance hamda uning mahsulotlari va xizmatlarini ma'qullaganligini bildiradi.

10. TARTIBGA SOLUVCHI QONUNCHILIK. Ushbu Kelishuv Amerika Qo‘shma Shtatlarining Massachusets hamdo‘stligi qonunlari bilan tartibga solinadi, uning qonunlari tamoyillari bilan ziddiyatli munosabatda emas; shu bois Siz ushbu Kelishuvdan kelib chiquvchi har qanday tortishuv bilan bog‘liq ishlarda Hamdo‘stlikda ko‘rsatilgan federal va shtat sudlarining mutlaq sud qilish huquqiga bo‘ysunasiz. Ushbu Kelishuv Tovarlarning xalqaro oldi-sotdi shartnomalari to‘g‘risidagi BMT Konvensiyasi bilan tartibga solinmaydi, chunki ilova ularga kirmaydi.

11. O‘ZGARISHI MUMKIN BO‘LGAN SHARTLAR. Siz shuni tan olasiz va rozilik berasizki, Nuance vaqti-vaqti bilan, ro‘yxatdan o‘tish davomida Siz tomoningizdan ko‘rsatilgan elektron manzil orqali Sizni xabardor qilgan holda, mazkur Kelishuv shartlarini o‘zgartirishi mumkin. Agar siz ushbu Kelishuvdagi shu kabi o‘zgarishlarga rozi bo‘lmasangiz, himoyalanishning yagona yo‘li Dasturiy ta'minot va Xizmatdan foydalanishni to‘xtatishdir. Nuance o‘zgarishlar haqida Sizni ogohlantirganidan keyin ham Dasturiy ta'minot va Xizmatning istalgan qismidan foydalanishda davom etishingiz Sizning bu o‘zgarishni qabul qilganingiz bo‘lib hisoblanadi.

12. UMUMIY YURIDIK SHARTLAR. Siz Nuance tomonidan avvaldan taqdim etigan yozma roziliksiz ushbu Kelishuvda ko‘rsatilgan huquq yoki majburiyatlarni birovga bera yoki o‘tkaza olmaysiz. Ushbu Kelishuv – Nuance va Siz o‘rtangizdagi yaxlit kelishuvdir va U Dasturiy ta'minotga nisbatan boshqa har qanday xabar yoki reklamaning o‘rnini bosadi. Agar ushbu Kelishuvning biror sharti nojo‘ya yoki noqonuniy, deb hisoblansa, bunday holat faqat shu shartning nojo‘ya yoki noqonuniy deb hisoblanishini to‘g‘rilash darajasida ko‘rib chiqilishi va Kelishuvning qolgan qismlari to‘la kuchda amal qilishda davom etishi lozim. Nuance mazkur kelishuvning istalgan huquqi yoki shartini bajarish yoki ta'minlashdan voz kechishi bunday huquq yoki shartning bekor qilinishini anglatmaydi. Ushbu Kelishuvning 2, 3, 5, 6, 7, 9, 10 va 12-bandlari ushbu Kelishuv muddati tugaganidan yoki amal qilishi tugatilganidan keyin ham amal qilishda davom etadi.