Дата апошняй рэдакцыі: 26 верасня 2014 года
ЛІЦЭНЗІЙНАЕ ПАГАДНЕННЕ КАНЕЧНАГА КАРЫСТАЛЬНІКА ДЛЯ SWYPE І DRAGON DICTATION
ГЭТА ЮРЫДЫЧНАЕ ПАГАДНЕННЕ ПАМІЖ ВАМІ (АСОБА АБО ЭКАНАМІЧНАЯ АДЗІНКА, ШТО КАРЫСТАЕЦЦА ПРЫКЛАДАННЯМІ SWYPE І/АБО DRAGON DICTATION) І NUANCE COMMUNICATIONS, INC. ("NUANCE"). УВАЖЛІВА ПРАЧЫТАЙЦЕ НАСТУПНЫЯ ЎМОВЫ.
ВЫ МУСІЦЕ ПАГАДЗІЦЦА З УМОВАМІ ГЭТАГА ЛІЦЭНЗІЙНАГА ПАГАДНЕННЯ КАНЕЧНАГА КАРЫСТАЛЬНІКА (ПАГАДНЕННЕ), КАБ ІНСТАЛЯВАЦЬ І КАРЫСТАЦЦА ПРАГРАМНЫМ ЗАБЕСПЯЧЭННЕМ SWYPE І/АБО СЭРВІСАМ DRAGON DICTATION. НАЦІСНУЎШЫ НА КНОПКУ "ПАГАДЖАЮСЬ", ВЫ ПАГАДЖАЕЦЕСЯ НА ЎМОВЫ ГЭТАГА ПАГАДНЕННЯ. ВЫ НЕ МАЕЦЕ ПРАВА КАРЫСТАЦЦА ПРАГРАМНЫМ ЗАБЕСПЯЧЭННЕМ SWYPE АБО СЭРВІСАМ DRAGON DICTATION, КАЛІ ВЫ НЕ ПРЫНЯЛІ ГЭТЫЯ ЎМОВЫ.
Праграмнае забеспячэнне Swype і сэрвіс Dragon Dictation складаюцца з пэўных прыкладанняў кліент/сервер, якія дазваляюць карыстальнікам прылад кантраляваць пэўныя аперацыі гэтых прылад праз увод тэксту і галасавыя каманды, уключаючы, акрамя іншага, мажлівасць ствараць тэкставыя паведамленні і паведамленні электроннай пошты. Наступныя агульныя ўмовы дазваляюць вам спампоўваць, інсталяваць і карыстацца праграмным забеспячэннем Swype, уключаючы любое дадатковае праграмнае забеспячэнне Swype, якое кампанія Nuance і яе пастаўшчыкі робяць даступным для вас, ("Праграмнае забеспячэнне"), якое забяспечвае мадальнасць увода тэкста і дазваляе карыстальнікам мець доступ да серверных прыкладанняў Dragon Dictation, усталяваных на серверы Nuance ("Сэрвіс"), і суправаджальнай дакументацыі, што даецца кампаніяй Nuance для карыстання Праграмным забеспячэннем і доступа да Сэрвіса.
1. ВЫДАВАННЕ ЛІЦЭНЗІІ. Nuance і яе пастаўшчыкі даюць вам (далей «Ліцэнзіят») асабістую, неэксклюзіўную, неперадаваемую, адклікаемую, абмежаваную ліцэнзію, якую нельга перадаваць у суб-ліцэнзію, толькі ў форме аб'ектнай праграмы для інсталявання і карыстання Праграмным забеспячэннем на адной Прыладзе і для доступа да Сэрвіса праз Праграмнае забеспячэнне на такой Прыладзе, толькі ў краінах і на мовах Праграмнага забеспячэння і Сэрвіса, якія даюцца кампаніяй Nuance і яе пастаўшчыкамі. "Прылада" - гэта аўтарызаваная мабільная прылада, апісаная на вэб-сайце Nuance па адрасе http://www.nuancemobilelife.com, які можа перыядычна абнаўляцца Nuance. Вы таксама прызнаеце і пагаджаецеся, што Nuance можа рабіць даступнымі дадатковыя спампаванні Праграмнага забеспячэння, уключаючы, між іншым, для моваў, клавіятур або слоўнікаў, і што вы можаце карыстацца такім дадатковым спампавваным Праграмным забеспячэннем толькі з Праграмным забеспячэннем, што ўказана ў гэтым дакуменце, і што вашае карыстанне такім дадаткова спампаваным Праграмным забеспячэннем падпарадкавана ўмовам гэтага Пагаднення. Вы адказваеце за любыя аплаты, якія з вас бяруць іншыя бакі (напр., Google, Amazon, Apple), якія могуць час ад часу мяняцца ў сувязі са спампаваннямі і карыстаннем Праграмным забеспячэннем і Сэрвісам. Nuance не мае абавязацельства кампенсаваць такія аплаты трэцім бакам за карыстанне вамі Праграмным забеспячэннем або Сэрвісам, як указана ў гэтым Пагадненні. Вы таксама прызнаеце і пагаджаецеся, што Праграмнае забеспячэнне і Сэрвіс будуць карыстацца вашай бездротавай сеткай для адсылання і прыняцца дадзеных, і што ваш мабільны аператар і іншыя трэція бакі могуць выставляць рахункі за час перадачы Праграмнага забеспячэння або Сэрвіса, дадзеных і/або карыстанне іх паслугамі.
2. АБАВЯЗАЦЕЛЬСТВЫ ЛІЦЭНЗІЯТА.
2.1. АБМЕЖАВАННІ. Вы не можаце (за выключэннем выпадкаў, дзе дазволена законам): (a) падаваць любыя аўтаматызаваная або запісаныя запыты з Праграмным забеспячэннем або на Сэрвіс, калі яны не былі ўхваленыя пісьмова кампаніяй Nuance; (б) карыстацца Праграмным забеспячэннем і Сэрвісам не для ўласных патрэб; (в) выходзіць на Сэрвіс з дапамогай праграмнага забеспячэння або сродкаў, што не маюць дачынення да Праграмнага забеспячэння; (г) капіяваць, рэпрадукаваць, распаўсюджваць або іншым чынам дубліраваць Праграмнае забеспячэння поўнасцю або часткова; (д) прадаваць, даваць у лізінг, субліцэнзію, распаўсюджваць, перадаваць або іншым чынам даваць любыя правы на Праграмнае забеспячэнне або Сэрвіс поўнасцю або часткова; (е) мадыфікаваць, пераносіць, перакладаць або ствараць працы на аснове Праграмнага забеспячэння або Сэрвіса; (ж) разбіраць на часткі, пераканструіраваць або іншым чынам спрабаваць перарабіць, ідэнтыфікаваць або знайсці зыходны код, карыстацца ідэямі або алгарытмамі Праграмнага забеспячэння або Сэрвіса любым чынам; (з) выдаляць запісы аб прыналежнасці, этыкеткі ці пазнакі з Праграмнага забеспячэння; (и) карыстацца Праграмным забеспячэннем або Сэрвісам з мэтай параўнання, у тым ліку эталоннага, з прадукцыяй або паслугамі, што ёсць у трэціх бакоў.
3. ПРАВЫ ЎЛАСНАСЦІ.
3.1. ПРАГРАМНАЕ ЗАБЕСПЯЧЭННЕ І СЭРВІС. Nuance і яе ліцэнзіяры маюць права на, тытул і інтарэс у Праграмным зaбеспячэнні і Сэрвісы, уключаючы, паміж іншым, усе патэнтныя, аўтарскія правы, гандлёвую таямніцу, гандлёвую марку і іншыя правы інтэлектуальнай уласнасці, што звязаны з гэтай прадукцый. Тытул на падобныя правы застаецца выключна ў Nuance і/або яе ліцэнзіяраў. Недазволенае капіяванне Праграмнага забеспячэння або Сэрвіса або невыкананне вышэйзгаданных абмежаванняў, прывядзе да аўтаматычнага скасавання гэтага Пагаднення і ўсіх ліцэнзій, што выдадзены згодна яму, а кампанія Nuance будзе мець права на любыя юрыдычныя і судовыя сродкі абароны ад падобных парушэнняў.
3.2. ПРАГРАМНАЕ ЗАБЕСПЯЧЭННЕ ТРЭЦЯГА БОКУ. Праграмнае забеспячэнне можа ўтрымліваць праграмнае забеспячэнне трэцяга боку, што патрабуе азначэнняў і/або дадатковых умоў. Падобныя азначэнні і/або дадатковыя ўмовы для праграмнага забеспячэння трэцяга боку знаходзяцца па адрасе http://swype.com/attributions і з'яўляюцца неад'емнай часткай дадзенага пагаднення. Прымаючы гэтае пагадненне, вы прымаеце таксама дадатковыя ўмовы, калі такія ёсць, выкладзеныя тут.
3.3. МОЎНЫЯ ДАДЗЕНЫЯ І ЛІЦЭНЗІЙНЫЯ ДАДЗЕНЫЯ.
(a) МОЎНЫЯ ДАДЗЕНЫЯ. Часткай гэтага Сэрвіса з'яўляецца збор і выкарыстанне кампаніяй Nuance Моўных дадзеных, вызначэнне прыведзена ніжэй, каб паляпшаць з усіх бакой распазнаванне гаворкі і іншых кампанентаў Сэрвіса і іншых паслуг і прадукцыі кампаніі Nuance. Прымаючы ўмовы гэтага Пагаднення, вы прызнаеце, даеце згоду і пагаджаецеся з тым, што Nuance можа збіраць Моўныя дадзеныя ў якасці часткі Сэрвіса, і што падобная інфармацыя можа выкарыстоўвацца Nuance або трэцімі бакамі, што дзейнічаюць пад кіраўніцтвам Nuance, згодна пагадненням аб канфідэнцыяльнасці, для паляпшэння распазнаванне гаворкі і іншых кампанентаў Сэрвіса і іншых паслуг і прадукцыі кампаніі Nuance. Nuance не павінна выкарыстоўваць інфармацыйныя элементы Моўных дадзеных з іншымі мэтамі, чым вышэйзгаданыя.. "Моўныя дадзеныя" азначаюць аўдыё файлы, іх транскрыпцыі і файлы журнала, што перадаюцца вамі або генерыруюцца пры карыстанні Сэрвісам. Любыя Моўныя дадзеныя, што вы перадаеце, павінны заставацца канфідэнцыяльнымі і могуць раскрывацца кампаніяй Nuance, калі будзе запыт, па юрыдычных або законных запытах, напрыклад, па судовай пастанове або для дзяржаўнай установы, калі так патрабуе або дазваляе заканадаўства, або ў выпадку продажу, зліцця ці набыцця іншай фірмы з боку Nuance.
(б) ЛІЦЭНЗІЙНЫЯ ДАДЗЕНЫЯ. Nuance і яе пастаўшчыкі збіраюць і карыстаюцца ліцэнзійнымі дадзенымі, вызначэнне даецца ніжэй, што з'яўляецца часткай Праграмнага забеспячэння і Сэрвіса. Вы прызнаеце, даеце згоду і пагаджаецеся з тым, што Nuance можа збіраць Ліцэнзіныя дадзеныя, што з'яўляецца часткай Праграмнага забеспячэння і Сэрвіса. Ліцэнзійныя дадзеныя выкарыстоўваюцца, каб дапамагчы Nuance або трэцім бакам, што дзейнічаюць пад кіраўніцтвам, згодна з пагадненнямі аб канфідэнцыяльнасці, распрацоўваць і паляпшаць свае прадукты і паслугі. Ліцэнзійныя дадзеныя лічацца неасабістай інфармацыяй, бо яны знаходзяцца ў форме, што не дазваляе непасрэднай асацыяцыі з якойсці канкрэтнай асобай. "Ліцэнзійныя дадзеныя" азначаюць інфармацыю аб Праграмным забеспячэнні і вашай Прыладзе, напрыклад: брэнд прылады, нумар мадэлі, экран, ідэнтыфікацыйны нумар прылады, IP-адрас, падобную інфармацыю.
(в) Вы разумееце, што праз выкарыстанне вамі Праграмнага забеспячэння і Сэрвіса, вы даеце згоду на збіранне і карыстанне Моўнымі і Ліцэнзійнымі дадзенымі, уключаючы перадачу як у Злучаныя Штаты, так і ў іншыя краіны для захавання, апрацоўкі і выкарыстання кампаніяй Nuance і яе партнерамі.
(г) Моўныя і Ліцэнзійныя дадзеныя падпадаюць пад дзеючую палітыку канфідэнцыяльнасці кампаніі Nuance. Больш падрабязная інфармацыя ў палітыца па канфідэнцыяльнасці Nuance па адрасе http://www.nuance.com/company/company-overview/company-policies/privacy-policies/index.htm.
4. ПАДТРЫМКА. Каб палегчыць працэс ацэнкі і тэсціравання Праграмнага забеспячэння і Сэрвіса, Ліцэнзіят можа звярнуцца да раздзела пытанняў і адказаў Nuance па адрасе http://www.nuancemobilelife.com. Што да дадатковай падтрымкі, то Ліцэнзіят можа запытаць яе праз вэб-сайт, і пры наяўнасці працаўнікой кампаніі Nuance, кампанія можа забяспечыць адпаведную падтрымку Ліцэнзіяту па факсе, эл. пошце або іншым чынам, па пытаннях дэфектаў і/або вытлумачэнні функцый і характарыстык Праграмнага забеспячэння і Сэрвіса. Служба падтрымкі Nuance адкажа на вашыя пытанні на працягу 48 працоўных гадзін (выключаючы выхадныя і святочныя дні).
5. АДМОВА АД ГАРАНТЫЙ. ВЫ ПРЫЗНАЕЦЕ І ПАГАДЖАЕЦЕСЯ, ШТО NUANCE І ЯЕ ЛІЦЭНЗІЯРЫ І ПАСТАЎШЧЫКІ ПЕРАДАЮЦЬ ПРАГРАМНАЕ ЗАБЕСПЯЧЭННЕ І СЭРВІС ТОЛЬКІ ВАМ, ДАЗВАЛЯЮЧЫ ВАМ КАРЫСТАЦЦА ГЭТЫМ ПРАГРАМНЫМ ЗАБЕСПЯЧЭННЕМ І СЭРВІСАМ. ТАКІМ ЧЫНАМ, ВЫ ПАГАДЖАЕЦЕСЯ ПРЫНЯЦЬ УСЕ НЕАБХОДНЫЯ МЕРЫ ПЕРАСЦЯРОГІ ДЛЯ АБАРОНЫ ВАШЫХ ДАДЗЕНЫХ І СІСТЭМ АД СТРАТ АБО ШКОДЫ. NUANCE, ЯЕ ЛІЦЭНЗІЯРЫ І ПАСТАЎШЧЫКІ ПЕРАДАЮЦЬ ПРАГРАМНАЕ ЗАБЕСПЯЧЭННЕ І СЭРВІС "ЯК ЁСЦЬ", З УСІМІ НЕДАХОПАМІ І БЕЗ УСЯЛЯКІХ ГАРАНТЫЙ. НАКОЛЬКІ ГЭТА ДАЗВОЛЕНА ДЗЕЮЧЫМ ЗАКОНАМ, NUANCE, ЯЕ ЛІЦЭНЗІЯРЫ І ПАСТАЎШЧЫКІ ЯЎНА АДМАЎЛЯЮЦЦА АД ЛЮБЫХ НЕПАСРЭДНЫХ АБО ЎСКОСНЫХ ГАРАНТЫЙ, УКЛЮЧАЮЧЫ ЛЮБЫЯ ГАРАНТЫІ АБО ПРЫДАТНАСЦЬ ДЛЯ ПРОДАЖУ, ПРЫДАТНАСЦЬ ДЛЯ КАНКРЭТНАЙ МЭТЫ АБО НЕПАРУШЭННЕ ЧЫІХСЦІ ПРАВОЎ.
6. АБМЕЖАВАННЕ АДКАЗНАСЦІ. НАКОЛЬКІ ГЭТА ДАЗВОЛЕНА ДЗЕЮЧЫМ ЗАКОНАМ, НІ Ў ЯКІМ ВЫПАДКУ НІ NUANCE, НІ ЯЕ ПРАЦАЎНІКІ, ДЫРЭКТАРЫ І КІРАЎНІКІ, ЯЕ ПАСТАЎШЧЫКІ АБО ЛІЦЭНЗІЯРЫ, НЕ НЯСУЦЬ АДКАЗНАСЦІ ЗА ЛЮБУЮ НЕПАСРЭДНУЮ, УСКОСНУЮ, НАЎМЫСНУЮ, ВЫПАДКОВУЮ, КАРНУЮ ШКОДУ, УКЛЮЧАЮЧЫ, МІЖ ІНШЫМ, ШКОДУ ПРАЗ СТРАТУ ПРЫБЫТКУ, СТРАТУ ДАДЗЕНЫХ, НЕМАГЧЫМАСЦЬ КАРЫСТАЦЦА, ПРЫПЫНЕННЕ БІЗНЕСА АБО ВЫДАТКІ НА ПАКРЫЦЦЁ СТРАТ, ШТО МЕЛІ МЕСЦА ПРАЗ КАРЫСТАННЕ ПРАГРАМНЫМ ЗАБЕСПЯЧЭННЕМ АБО СЭРВІСАМ, ПА ЛЮБОЙ ТЭОРЫІ АДКАЗНАСЦІ, НАВАТ КАЛІ ЗАГАДЗЯ МЕЛІСЯ ПАПЯРЭДЖАННІ АБ МАГЧЫМАСЦІ НАНЯСЕННЯ ПАДОБНАЙ ШКОДЫ.
7. ТЭРМІН ДЗЕЯННЯ І ЎМОВЫ СПЫНЕННЯ ПАГАДНЕННЯ. Гэтае пагадненне пачынае дзейнічаць з моманту прыняцця вамі ўмоў гэтага Пагаднення і заканчвае пасля яго спынення. Nuance можа разарваць гэтае Пагадненне і/або ліцэнзіі, што былі выдадзены згодна яму, у любы момант па ўласным жаданні, па прычыне або без прычыны, паведаміўшы вам, што Сэрвіс скончыўся або быў спынены. Гэтае Пагадненне спыніцца аўтаматычна, калі вы парушыце любую яго ўмову. Пасля заканчэння дзеяння Пагаднення вы павінны неадкладна спыніць карыстанне Праграмным забеспячэннем і выдаліць усе яго копіі.
8. АДПАВЕДНАСЦЬ ПАТРАБАВАННЯМ ДЛЯ ЭКСПАРТА. Вы гарантуеце, што (i) вы не жывеце ў краіне, якая падлягае эмбарга з боку ўрада ЗША, як краіна, што "падтрымлівае тэрарызм"; (ii) вы не знаходзіцеся ні ў якім спісе ўрада ЗША, што тычыцца забароненых партый.
9. ГАНДЛЁВЫЯ ЗНАКІ. Гандлёвыя знакі трэціх бакоў, назвы прадуктаў і лагатыпы (далей "Гандлёвыя знакі"), што ёсць або выкарыстоўваюцца ў Праграмным забеспячэнні або Сэрвісе гэта гандлёвыя знакі або зарэгістраваныя гандлёвыя знакі адпаведных уладальнікаў, і карыстанне гэтымі Гандлёвымі знакамі ідзе на карысць уладальніка гандлёвага знака. арыстанне гэтымі Гандлёвымі знакамі павінна дэманстраваць узаемадзеянне і не азначае, што: (i) такая кампанія з'яўляецца філіялам Nuance (ii) гэтая кампанія і яе прадукты і паслугі падтрымліваюцца або ўхваляюцца Nuance.
10. ПРЫМЯНІМАЕ ПРАВА. Гэтае пагадненне падлягае законам штата Масачусэтс, Злучаныя Штаты Амерыкі, нягледзячы на прынцыпы канфлікта законаў, і вы падпадаеце поўнасцю пад юрысдыкцыю федэральных судоў і судоў штата пры ўзнікненні любой спрэчкі, што выцякае з гэтага Пагаднення. Гэтае Пагадненне не падлягае Канвенцыі ААН па кантрактах аб міжнародным продажы тавараў, бо яе прымяненны цалькам выключаецца гэтым дакументам.
11. УМОВЫ, ШТО МОГУЦЬ ЗМЯНЯЦЦА. Вы прызнаеце і пагаджаецеся, што Nuance можа час ад часу мяняць умовы гэтага Пагаднення, паведамляючы аб гэтым на адрас, які вы падалі пры падпісанні, уключаючы ваш адрас эл. пошты. Калі вы не пагаджаецеся са змяненнямі ў Пагадненні, то вам застаецца толькі спыніць карыстанне Праграмным забеспячэннем і Сэрвісам. Калі вы працягваеце карыстацца любой часткай Праграмнага забеспячэння або Сэрвіса пасля таго, як Nuance паведаміла вам аб гэтых зменах, гэта азначае, што вы прымаеце змены.
12. АГУЛЬНЫЯ ЮРЫДЫЧНЫЯ ЎМОВЫ. Вы не маеце права перадаваць любыя правы або абавязкі па гэтым Пагадненні без папярэдняй пісьмовай згоды Nuance. Гэтае Пагадненне складае цэласнае пагадненне паміж вамі і Nuance, і замяняе любыя іншыя дамовы або рэкламу, што тычыцца Праграмнага забеспячэння. Калі любы пункт дадзена Пагаднення аб'яўляецца невыканальным або непрыймальным, то гэты пункт будзе перагледжаны, каб выправіць гэтую праблему, а астатняя частка Пагаднення будзе дзейнічаць напоўніцу. Калі Nuance не будзе выконваць ці выкарыстоўваць любое права або палажэнне гэтага Пагаднення, гэта не будзе азначаць адмовы ад гэтага права або палажэння. Раздзелы 2, 3, 5, 6, 7, 9, 10 і 12 гэтага пагаднення застаюцца ў дзеянні нягледзячы на заканчэнне або спыненне дзеяння гэтага Пагаднення.