TÉARMAÍ SEIRBHÍSE SWYPE CONNECT
IS COMHAONTÚ DLÍTHIÚIL É SEO IDIR TUSA ("TUSA" NÓ AN "CEADÚNAÍ") AGUS NUANCE COMMUNICATIONS, INC AS FÉIN AGUS / NÓ THAR CEANN A CHUIDEACHTA CLEAMHNAITHE NUANCE COMMUNICATIONS IRELAND LIMITED ("NUANCE"). LÉIGH NA TÉARMAÍ SEO A LEANAS GO CÚRAMACH.
CAITHFIDH TÚ COMHAONTÚ LE TÉARMAÍ THÉARMAÍ SEIRBHÍSE SWYPE CONNECT ("COMHAONTÚ") D'FHONN SEIRBHÍSÍ SWYPE CONNECT ("SWYPE CONNECT") A ÚSÁID, LENA N-ÁIRÍTEAR, ACH GAN A BHEITH TEORANTA DÓIBH, ÍOSLÓDÁIL, SUITEÁIL AGUS ÚSÁID AON BHOGEARRAÍ Ó SWYPE CONNECT. TRÍ CHLICEÁIL AR AN GCNAIPE "GLAC", COMHAONTAÍONN TÚ A BHEITH CEANGAILTE AG TÉARMAÍ AN CHOMHAONTAITHE SEO. NÍ FÉIDIR LEAT SWYPE CONNECT A ÚSÁID NÁ AON BHOGEARRAÍ Ó SWYPE CONNECT A ÍOSLÓDÁIL, A SHUITEÁIL NÁ A ÚSÁID IN AON BHEALACH MURAR GHLAC TÚ LEIS NA TÉARMAÍ SEIRBHÍSE SEO.
Seirbhís is ea Swype Connect a chuirtear ar fáil thar ceann Nuance chun Nuance a chumasú le seirbhís áirithe a chur ar fáil Duitse ón ngléas ar a bhfuil Ardán Swype suiteáilte. I gcomaoin le Do thoiliú chun Sonraí Ceadúnaithe agus Sonraí Úsáide éagsúla a chur ar fáil do Nuance, mar a shainmhínítear thíos, agus Swype Connect á úsáid, féadfaidh Nuance nuashonruithe, uasghráduithe, teangacha breise, nó forlíontáin ("Bogearraí") a chur ar fáil do bhogearraí Ardán Swype atá suiteáilte ar Do ghléas. Rialaíonn na téarmaí agus coinníollacha ginearálta seo a leanas D'úsáid as Swype Connect agus ceadaíonn siad Duit na Bogearraí a íoslódáil, a shuiteáil agus a úsáid, mar a shainmhínítear thíos, mar aon le haon cháipéisíocht lena ngabhann, mar a d'fhéadfadh Nuance a chur ar fáil faoi Swype Connect.
1. DEONÚ CEADÚNAIS. Tugann Nuance agus a sholáthraithe ceadúnas neamheisiach, neamh-inaistrithe, neamh-fhocheadúnaithe, in-aisghairthe, teoranta duit, i gcód aidhme amháin, chun na Bogearraí a shuiteáil agus a úsáid ar Ghléas aonair le haghaidh D'úsáide pearsanta amháin. Ní fhéadfaidh Tú na Bogearraí a shuiteáil agus a úsáid ach amháin má tá leagan reatha faoi cheadúnas bailí de bhogearraí Ardán Swype Agat atá á nuashonrú nó á uasghrádú. Ní fhéadfaidh Tú aon teanga bhreise nó forlíontán a chuirtear ar fáil Duit trí Swype Connect a shuiteáil agus a úsáid ach amháin le bogearraí Ardán Swype.
2. SRIANTA. Ní féidir leat (ach amháin mar a cheadaítear de réir dlí): (a) na Bogearraí a úsáid seachas le haghaidh D'úsáide pearsanta féin; (b) na Bogearraí a chóipeáil, a atáirgeadh, a dháileadh, ná a dhúbláil ar aon bhealach eile, ina n-iomláine ná i gcuid; (c) na Bogearraí nó an tSeirbhís a dhíol, a léasú, a cheadúnú, a fhocheadúnú, a dháileadh, a shannadh, a aistriú ná cearta a thabhairt ar bhealach eile ar na Bogearraí, ina n-iomláine ná i gcuid; (d) na Bogearraí ná an tSeirbhís a athrú, a thaispeáint, a aistriú ná oibreacha díorthaigh a chruthú de na Bogearraí; (e) aon chód foinseach, bunsmaointe, nó algartaim de chuid na mBogearraí a dhíthiomsú, a dhíchoimeáil, ná ais-innealtóireacht a dhéanamh orthu ná aon iarracht eile a dhéanamh chun na Bogearraí a dhíorthú, a athchruthú, a aithint nó a fhionnachtain ar aon bhealach; (f) aon fhógraí, lipéid ná marcanna dílsithe a bhaint ó na Bogearraí; ná (g) na Bogearraí a úsáid chun críocha comparáide le nó tagarmharcáil in aghaidh táirgí a chuireann tríú páirtí ar fáil.
3. CEARTA DÍLSITHE.
3.1. BOGEARRAÍ. Tá úinéireacht ag Nuance agus ag a cheadúnóirí ar gach ceart, teideal, agus leas sna Bogearraí lena n-áirítear, ach gan a bheith teoranta dóibh, gach ceart paitinne, cóipcheart, rún ceirde, trádmharc agus cearta maoine intleachtúla eile a bhaineann leo, agus fanfaidh teideal na gceart sin le Nuance agus/nó lena cheadúnóirí amháin. Cuirfear deireadh leis an gComhaontú seo agus le gach ceadúnas a dheonaítear dá réir go huathoibríoch má dhéantar cóipeáil gan údarú ar na Bogearraí seo, nó mura gcloítear leis na srianta thuas, agus cuirfear aon leigheas dlí agus cothroime ar fáil do Nuance agus dá chuideachtaí cleamhnaithe as iad a shárú.
3.2. BOGEARRAÍ TRÍÚ PÁIRTÍ. D'fhéadfaí bogearraí tríú páirtí a bheith sna Bogearraí seo óna dteastaíonn fógraí agus/nó téarmaí agus coinníollacha breise. Tá fógraí agus/nó téarmaí agus coinníollacha breise tríú páirtí a theastaíonn le fáil ag swype.com/attributions agus tá siad ina gcuid den Chomhaontú seo agus ionchorpraithe le tagairt de. Trí ghlacadh leis an gComhaontú seo, tá Tú ag glacadh chomh maith leis na téarmaí agus coinníollacha breise, más ann dóibh, a leagtar amach ann.
3.3. SONRAÍ CEADÚNAITHE AGUS ÚSÁIDE.
(a) SONRAÍ CEADÚNAITHE. Mar chuid de D'úsáid as na Bogearraí bailíonn agus úsáideann Nuance agus a chuideachtaí cleamhnaithe Sonraí Ceadúnaithe, mar a shainmhínítear thíos, chun Do cheadúnas leis na Bogearraí a fhíorú, mar aon lena tháirgí agus lena sheirbhísí a fhorbairt, a thógáil agus a fheabhsú. I nglacadh le téarmaí agus coinníollacha an Chomhaontaithe seo, aithníonn Tú, toilíonn tú agus comhaontaíonn tú gur féidir le Nuance Sonraí Ceadúnaithe a bhailiú mar chuid de D'úsáid as na Bogearraí, agus nach n-úsáidfidh Nuance ná tríú páirtithe atá ag gníomhú faoi threoir Nuance, an fhaisnéis sin, de bhun comhaontuithe rúndachta, ach chun Do cheadúnas chuig na Bogearraí a fhíorú, mar aon le Swype Connect, na Bogearraí agus táirgí agus seirbhísí eile a fhorbairt, a thógáil agus a fheabhsú. Is é is ciall le "Sonraí Ceadúnaithe" faisnéis faoi na Bogearraí agus faoi Do ghléas, mar shampla: branda an ghléis, uimhir mhúnla, taispeáint, ID an ghléis, seoladh IP agus sonraí den chineál sin.
(b) SONRAÍ ÚSÁIDE. Anuas air sin, mar chuid de D'úsáid as na Bogearraí bailíonn agus úsáideann Nuance agus a chuideachtaí cleamhnaithe Sonraí Úsáide, mar a shainmhínítear thíos, chun a tháirgí agus a sheirbhísí a fhorbairt, a thógáil agus a fheabhsú. Ceadaíonn tú do Nuance agus dá chuideachtaí cleamhnaithe Sonraí Úsáide a bhailiú agus a úsáid tríd na Bogearraí a chumasú. Féadfaidh tú roghnú ag am ar bith Nuance a chosc ó Sonraí Úsáide a bhailiú, trí na socruithe sna Bogearraí, agus ón tráth sin ar aghaidh stopfaidh Nuance ag bailiú Sonraí Úsáide Uait. I nglacadh le téarmaí agus coinníollacha an Chomhaontaithe seo, aithníonn Tú, toilíonn tú agus comhaontaíonn tú gur féidir le Nuance agus lena chuideachtaí cleamhnaithe Sonraí Úsáide a bhailiú mar chuid de D'úsáid as na Bogearraí, agus nach n-úsáidfidh Nuance ná tríú páirtithe atá ag gníomhú faoi threoir Nuance, na Sonraí Úsáide sin, de bhun comhaontuithe rúndachta, ach chun Swype Connect, na Bogearraí agus táirgí agus seirbhísí eile a fhorbairt, a thógáil agus a fheabhsú. Ní úsáidfidh Nuance na gnéithe faisnéise in aon Sonraí Úsáide chun aon chríche seachas mar a leagtar amach thuas. Meastar gur faisnéis neamhphearsanta atá i Sonraí Úsáide; mar go bhfuil na sonraí sin i bhfoirm nach gceadaíonn baint dhíreach le haon duine aonair ar leith. Is é is ciall le "Sonraí Úsáide" faisnéis faoi na Bogearraí agus an chaoi a n-úsáideann Tú na Bogearraí. Mar shampla: athruithe socruithe, láthair an ghléis, roghnú teanga, conairí carachtar a rianú, líon iomlán na gcarachtar a bhuailtear nó a svaidhpeáiltear, luas na hiontrála sonraí agus sonraí cosúil leis sin.
(c) Tuigeann Tú go dtoilíonn Tú trí ghlacadh leis an gComhaontú seo, leis an mbailiú agus leis an úsáid mar a leagtar amach anseo as Sonraí Ceadúnaithe agus as Sonraí Úsáide, lena n-áirítear an dá rud a aistriú chuig na Stáit Aontaithe agus/nó tíortha eile le stóráil, le próiseáil agus le húsáid ag Nuance, ag a chuideachtaí cleamhnaithe agus ag aon pháirtithe tríú páirtí.
(d) Beidh aon Sonraí Ceadúnaithe agus Sonraí Úsáide a chuireann Tú ar fáil faoi rún agus d'fhéadfadh Nuance iad a nochtadh, má theastaíonn, chun riachtanais dlí nó rialaitheacha a shásamh, amhail faoi ordú cúirte nó le hinstitiúid rialtais má éilítear nó má údaraítear faoin dlí, nó i gcás dhíolachán, chumasc nó éadáil Nuance le haonán eile. Tá Sonraí Ceadúnaithe agus Sonraí Úsáide faoi réir bhearta príobháideachta infheidhme Nuance. Chun tuilleadh faisnéise a fháil féach ar bheartas príobháideachta Nuance ag: http://www.nuance.com/company/company-overview/company-policies/privacy-policies/index.htm.
4. SÉANADH BARÁNTAÍ. AITHNÍONN TÚ AGUS COMHAONTAÍONN TÚ GO GCUIREANN NUANCE AGUS A CHUIDEACHTAÍ CLEAMHNAITHE SWYPE CONNECT AGUS NA BOGEARRAÍ AR FÁIL "MAR ATÁ", LENA LOCHTANNA AR FAD, AGUS GAN BARÁNTA DE CHINEÁL AR BITH. DÁ RÉIR SIN, COMHAONTAÍONN TÚ LE GACH RÉAMHCHÚRAM AGUS COSAINT RIACHTANACH A GHLACADH CHUN DO SHONRAÍ AGUS CÓRAIS A CHOSAINT Ó CHAILLTEANAS NÓ DAMÁÍSTE. CHOMH FADA AGUS IS FÉIDIR LE DLÍ, SÉANANN NUANCE, AGUS A CHUIDEACHTAÍ CLEAMHNAITHE GO HÁIRITHE AON BHARÁNTAÍ SAINRÁITE NÁ INTUIGTHE, LENA N-ÁIRÍTEAR ACH GAN A BHEITH TEORANTA DÓIBH, AON BHARÁNTAÍ INDÍOLTACHTA, OIRIÚNACHT DO CHUSPÓIR ÁIRITHE, NÓ NEAMHSHÁRÚ.
5. TEORANNÚ DLITEANAIS. CHOMH FADA AGUS IS FÉIDIR DE RÉIR AN DLÍ INFHEIDHME, NÍ BHEIDH NUANCE, A CHUIDEACHTAÍ CLEAMHNAITHE, A OIFIGIGH, A STIÚRTHÓIRÍ AGUS A FHOSTAITHE, NÁ A CHEADÚNÓIRÍ I GCÁS AR BITH DLISTEANACH AS AON DAMÁISTÍ DÍREACHA, INDÍREACHA, SPEISIALTA, TEAGMHASACHA, IARMHARTACHA NÁ EISEAMLÁIREACHA, LENA N-ÁIRÍTEAR, ACH NACH BHFUIL TEORANTA DÓIBH, CAILLTEANAS BRABÚIS, CAILLTEANAS SONRAÍ, CAILLTEANAS ÚSÁIDE, SUAITHEADH GNÓ, NÓ COSTAS CLÚDAIGH, AG EASCAIRT AS ÚSÁID NA SWYPE CONNECT NÓ NA MBOGEARRAÍ, PÉ BEALACH A THARLAÍONN SÉ, FAOI AON TEOIRIC DHLITEANAIS, FIÚ MÁ MHOLTAR NÓ MÁS CEART GO MBEADH SÉ AR AN EOLAS FAOI FHÉIDEARTHACHT AON DAMÁISTÍ ROIMH RÉ.
6. TÉARMA AGUS FOIRCEANNADH. Tosaíonn an Comhaontú seo nuair a ghlacann Tú le téarmaí agus coinníollacha an Chomhaontaithe seo agus críochnaíonn sé ar foirceannadh. Tiocfaidh deireadh uathoibríoch leis an gComhaontú seo má sháraíonn Tú aon téarma nó coinníoll. Nuair a chuirtear deireadh leis, stopfaidh Tú á úsáid láithreach agus scriosfaidh tú aon chóip de na Bogearraí agus stopfaidh tú ag úsáid Swype Connect.
7. COMHLÍONADH EASPÓRTÁLA. Léiríonn tú agus barántaíonn tú (i) Nach bhfuil Tú lonnaithe i dtír atá faoi réir trádbhaic de chuid Rialtas na Stát Aontaithe, nó atá sainithe ag Rialtas na Stát Aontaithe mar thír "a thacaíonn le sceimhlitheoirí"; agus (ii) Nach bhfuil Tú liostaithe ar aon liosta de chuid Rialta na Stát Aontaithe de pháirtithe coiscthe nó srianta.
8. ÚSÁIDEOIRÍ DEIRIDH RIALTAS NA STÁT AONTAITHE. "Mír thráchtála" iad na Bogearraí, mar a shainmhínítear an téarma sin in 48 C.F.R. 2.101, mar "bhogearraí ríomhaire tráchtála" agus mar "cháipéisíocht bogearraí ríomhaire tráchtála", mar a úsáidtear na téarmaí sin in 48 C.F.R. 12.212. Comhsheasmhach le 48 C.F.R. 12.212. agus 48 C.F.R. 227.7202-1 go dtí 227.7202-4, faigheann gach úsáideoir deiridh de chuid Rialtas na Stát Aontaithe na Bogearraí leis na cearta a leagtar amach anseo amháin.
9. TRÁDMHARCANNA. Is trádmharcanna nó trádmharcanna cláraithe de chuid a n-úinéirí faoi seach iad trádmharcanna, ainmneacha trádála, ainmneacha táirge agus lógónna tríú páirtí (na "Trádmharcanna") atá i Swype Connect nó sna Bogearraí nó a úsáidtear iontu, agus rachaidh úsáid na Trádmharcanna sin chun tairbhe úinéir an trádmhairc. Tá sé i gceist go dtabharfaidh úsáid na dTrádmharcanna idir-inoibritheacht le fios agus ní ionann é agus: (i) ceangal ag Nuance le cuideachta den chineál sin, nó (ii) formhuiniú nó faomhadh Nuance agus a tháirgí nó a sheirbhísí ag cuideachta den chineál sin.
10. DLÍ IS INFHEIDHME
Rialófar an Comhaontú seo agus léirmhíneofar é de réir dhlíthe na tíre ina bhfuil tú i do chónaí go príomha/suíomh tíre arna leagan amach thíos, gan aird ar rialacha rogha dlí, agus a fhágann ar lár Convention on Contracts for the International Sale of Goods na Náisiún Aontaithe. Géilleann na páirtithe gan choinníoll agus go neamh-inchúlghairthe do dhlínse eisiach agus suíomh na gcúirteanna a thugtar le fios thíos le haghaidh do phríomháite chónaithe/suímh tíre agus seirbhís an phróisis infheidhme.
Do phríomháit chónaithe/suíomh tíre - Na Stáit Aontaithe, Ceanada, Meicsiceo, Meiriceá Láir agus Meiriceá Theas, an Téaváin nó an Chóiré
Dlí is Infheidhme - Comhlathas Massachusetts, Stáit Aontaithe Mheiriceá
Dlínse eisiach agus suíomh na gcúirteanna - Cúirteanna feidearálacha nó stáit Massachusetts in Massachusetts
Do phríomháit chónaithe/suíomh tíre - An Astráil nó an Nua-Shéalainn
Dlí is Infheidhme - New South Wales, an Astráil
Dlínse eisiach agus suíomh na gcúirteanna - Cúirteanna New South Wales, an Astráil in New South Wales
Do phríomháit chónaithe/suíomh tíre - An India nó Singeapór
Dlí is Infheidhme - Singeapór
Dlínse eisiach agus suíomh na gcúirteanna - Cúirteanna Shingeapór i Singeapór
Do phríomháit chónaithe/suíomh tíre - An tSín nó Hong Cong
Dlí is Infheidhme - Réigiún Riaracháin Speisialta Hong Cong
Dlínse eisiach agus suíomh na gcúirteanna - Cúirteanna Réigiún Riaracháin Speisialta Hong Cong i Hong Cong
Do phríomháit chónaithe/suíomh tíre - An Limistéar Eorpach Eacnamaíoch (LEE), an Eoraip, an Meánoirthear nó an Afraic nó an Rúis
Dlí is Infheidhme - Éire
Dlínse eisiach agus suíomh na gcúirteanna - Baile Átha Cliath, Éire
Do phríomháit chónaithe/suíomh tíre - An chuid eile den domhan
Dlí is Infheidhme - **Comhlathas Massachusetts, Stáit Aontaithe Mheiriceá, mura bhfuil sé neamh-infheidhmithe i do thír féin agus sa chás sin: má tá aon cheann de na dlíthe thuas infheidhmithe beidh feidhm acu (beidh tosaíocht ag an gceann is airde ar an liosta), seachas sin tá feidhm ag do dhlí áitiúil.
Dlínse eisiach agus suíomh na gcúirteanna - **Cúirteanna feidearálacha nó stáit Massachusetts in Massachusetts
D'ainneoin rud ar bith i gcodarsnacht leis an gComhaontú seo, féadfaidh ceachtar páirtí réamhleigheasanna nó leigheasanna idirbhreitheacha a lorg i ndáil le haon cheist a eascraíonn as an gComhaontú seo i dtír ina bhfuil ceachtar páirtí suite.
11. TÉARMAÍ FAOI RÉIR ATHRÚ. Aithníonn tú agus comhaontaíonn tú gur féidir le Nuance téarmaí agus coinníollacha an Chomhaontaithe seo a athrú ó am go ham ach fógra réasúnach a thabhairt Duit ar Do ghléas. Mura gcomhaontaíonn Tú leis na hathruithe sa Chomhaontú, níl Agat de leigheas ach úsáid Swype Connect a stopadh, lena n-áirítear ach gan a bheith teoranta dóibh, aon Bhogearraí a íoslódáil agus a shuiteáil.
12. TÉARMAÍ DLÍ GINEARÁLTA. Ní féidir leat aon chearta ná dualgais a shannadh ná a aistriú ar aon bhealach eile faoin gComhaontú seo gan toiliú i scríbhinn roimh ré ó Nuance. Is é an Comhaontú seo an comhaontú iomlán idir Nuance agus Tusa agus gabhann sé in ionad aon chumarsáid nó fógraíocht eile i ndáil le Swype Connect agus leis na Bogearraí. Má mheastar aon fhoráil den Chomhaontú seo a bheith neamhbhailí nó neamh-infheidhmithe, ní dhéanfar athbhreithniú ar an bhforáil sin ach chomh fada agus atá riachtanach chun an neamhbhailíocht nó neamh-infheidhmeacht a leigheas, agus beidh cumhacht agus éifeacht iomlán ag an gcuid eile den Chomhaontú. Ní bheidh teip Nuance chun aon cheart nó foráil den Chomhaontú seo a fheidhmiú nó a fhorfheidhmiú ina tharscaoileadh ar an gceart nó foráil sin. Mairfidh codanna 2, 3, 4, 5, 6, 8, 9, 10 agus 12 den Chomhaontú seo tar éis dhul in éag nó chríochnú an Chomhaontaithe seo.