ბოლო შენახვის თარიღი: 2014 წლის 26 სექტემბერი
SWYPE და DRAGON DICTATION - საბოლოო მომხმარებლის სალიცენზიო ხელშეკრულება
ეს არის იურიდიული შეთანხმება თქვენსა (SWYPE და/ან DRAGON DICTATION პროგრამების მომხმარებელი ფიზიკური ან იურიდიული პირი) და NUANCE COMMUNICATIONS, INC. კორპორაციას ("NUANCE") შორის. გთხოვთ, ყურადღებით გაეცნოთ ქვემოთ აღწერილ პირობებს.
თქვენ უნდა დაეთანხმოთ საბოლოო მომხმარებლის ამ სალიცენზიო შეთანხმების ("შეთანხმება") პირობებს, რომ დააინსტალიროთ და გამოიყენოთ SWYPE პროგრამული უზრუნველყოფა და/ან DRAGON DICTATION სერვისი. ღილაკზე "თანხმობა" დაწკაპუნებით თქვენ თანხმდებით წინამდებარე შეთანხმების პირობების შესრულებაზე. SWYPE პროგრამული უზრუნველყოფის ან THE DRAGON DICTATION სერვისის გამოყენება დაუშვებელია რაიმე სხვა გზით, რაც არ არის მოცემული წესებსა და პირობებში, რომლებზეც განაცხადეთ თანხმობა.
Swype პროგრამული უზრუნველყოფა და Dragon Dictation სერვისი შედგება გარკვეული კლიენტის/სერვერის პროგრამებისგან, რაც საშუალებას აძლევს მოწყობილობის მომხმარებლებს აკონტროლონ ამგვარი მოწყობილობების გარკვეული ოპერაციები ტექსტის შეყვანითა და ხმოვანი ბრძანებებით, მათ შორის, მაგრამ არამხოლოდ, ტესტისა და ელფოსტის შეტყობინებების შექმნის შესაძლებლობა. შემდეგი ზოგადი წესები და პირობები უფლებას გაძლევთ ჩამოტვირთოთ, დააინსტალიროთ და გამოიყენოთ Swype პროგრამული უზრუნველყოფა, მათ შორის Nuance-სა და მისი მომწოდებლების მიერ შემოთავაზებული ნებისმიერი დამატებითი Swype პროგრამა ("პროგრამული უზრუნველყოფა"), რომელიც უზრუნველყოფს ტექსტის შეყვანის მოდალობას და ნებართვას აძლევს მომხმარებლებს განახორციელონ წვდომა Dragon Dictation სერვერის პროგრამებზე, რომლებიც დაინსტალირებულია Nuance-ს სერვერზე ("სერვისი") და თანდართულ დოკუმენტაციაზე, რომელსაც გაწვდით Nuance პროგრამული უზრუნველყოფის გამოსაყენებლად და სერვისზე წვდომისთვის.
1. ლიცენზიის გადაცემა. Nuance და მისი მომწოდებლები თქვენ ("ლიცენზიის მფლობელს") გაძლევენ პერსონალურ, არა-ექსკლუზიურ, არა-გადაცემად, ქვე-ლიცენზიის გაცემის ნებართვის არმქონე, გაუქმებად შეზღუდულ ლიცენზიას, მხოლოდ ობიექტის კოდის ფორმით, რათა დააინსტალიროთ და გამოიყენოთ პროგრამული უზრუნველყოფა ერთ მოწყობილობაში და განახორციელოთ წვდომა სერვისზე ამგვარ მოწყობილობაში დაინსტალირებული ამ პროგრამული უზრუნველყოფით, მხოლოდ იმ ქვეყნებში და იმ ენებზე, რომლებიც Nuance-სა და მისი მომწოდებლების მიერ გათვალისწინებულია პროგრამული უზრუნველყოფისა და სერვისისთვის. "მოწყობილობა" არის ნებადართული მობილური მოწყობილობა, როგორც ეს აღწერილია Nuance-ს ვებსაიტზე, რომლის მისამართია http://www.nuancemobilelife.com და რომელიც შეიძლება დროდადრო განაახლოს Nuance-მა. თქვენ შეგნებული გაქვთ და ეთანხმებით, რომ Nuance-მ შეიძლება ხელმისაწვდომი გახადოს დამატებითი პროგრამული უზრუნველყოფის ჩამოტვირთვები, მათ შორის და არამხოლოდ ენები, კლავიატურები, ან ლექსიკონები და შეგიძლიათ ამგვარი ჩამოტვირთული დამატებითი პროგრამები გამოიყენოთ მხოლოდ მოცემულ პროგრამულ უზრუნველყოფასთან, ხოლო ამ დამატებითი ჩამოტვირთული პროგრამების გამოყენებაზე ვრცელდება წინამდებარე შეთანხმებით გათვალისწინებული წესები და პირობები. თქვენ პასუხისმგებელი ხართ მესამე მხარის (მაგ., Google, Amazon, Apple) მიერ დაწესებულ გადასახადზე, რომელიც შეიძლება იცვლებოდეს დროდადრო, პროგრამული უზრუნველყოფისა და სერვისების ჩამოტვირთვასთან და გამოყენებასთან დაკავშირებით. Nuance არ არის ვალდებული დააბრუნოს პროგრამული უზრუნველყოფის ან სერვისის გამოსაყენებლად ამგვარი მესამე მხარისთვის გადახდილი თანხა, როგორც ეს აღნიშნულია წინამდებარე შეთანხმებაში. გარდა ამისა, თქვენ შეგნებული გაქვთ და ეთანხმებით, რომ პროგრამული უზრუნველყოფა და სერვისი გამოიყენებს თქვენს უსადენო ქსელს მონაცემთა გაგზავნისა და მიღებისთვის, ხოლო თქვენი მობილური ოპერატორის ან სხვა მესამე მხარეების მხრიდან შეიძლება დაგეკისროთ გადასახადები ამ პროგრამული უზრუნველყოფისა და სერვისების გამოყენების დროს დახარჯული საეთერო დროის, მონაცემთა გადაცემის და/ან გამოყენებისთვის.
2. სალიცენზიო ვალდებულებები.
2.1. შეზღუდვები. თქვენ უფლება არ გაქვთ (გარდა კანონით დაშვებული შემთხვევებისა): (ა) გაგზავნოთ რაიმე ავტომატური ან ჩაწერილი მოთხოვნები პროგრამული უზრუნველყოფით ან სერვისით, თუ ამის შესახებ არ გაქვთ Nuance-ს მიერ გაცემული წერილობითი ნებართვა; (ბ) გამოიყენოთ პროგრამული უზრუნველყოფა და სერვისი პირადისგან განსხვავებული მიზნით; (გ) განახორვიელოთ წვდომა სერვისზე ამ პროგრამული უზრუნველყოფისგან განსხვავებული სხვა პროგრამებით ან საშუალებებით. (დ) გადაიღოთ ასლი, დაამზადოთ რეპროდუქცია, გაავრცელოთ, ან რაიმე სხვა საშუალებით გადაიღოთ პროგრამული უზრუნველყოფა მთლიანად ან მისი ნაწილი; (ე) გაყიდოთ, გააქირაოთ, გასცეთ ლიცენზია, გასცეთ ქვე-ლიცენზია, გაავრცელოთ, მიანიჭოთ, გადასცეთ ან სხვაგვარად გასცეთ რაიმე უფლება პროგრამულ უზრუნველყოფასთან ან სერვისთან დაკავშირებით, არც მთლიანად და არც ნაწილობრივ; (ვ) შეცვალოთ, სხვა კომპიუტერში გადაიტანოთ, მოახდინოთ პროგრამული უზრუნველყოფის ან სერვისის კომპილირება ან დერივაციული სამუშაო; (ზ) მოახდინოთ პროგრამული უზრუნველყოფის ან სერვისის რაიმე გზით დეკომპილირება, დაშლა, კოდის გახსნა, ან სხვაგვარად სცადოთ საწყისი კოდის, არსებითი იდეების ან ალგორითმების გადაკეთება, რეკონსტრუქცია, იდენტიფიცირება ან განსაზღვრა. (თ) პროგრამულ უზრუნველყოფაში წაშალოთ საკუთრების შესახებ ჩანაწერები, იარლიყები ან ნიშნები; ან (ი) გამოიყენოთ პროგრამული უზრუნველყოფა ან სერვისი მესამე მხარის მიერ წარმოდგენილი პროდუქტებთან ან სერვისებთან შედარების ან ბენჩმარკინგის შესრულების მიზნით.
3. საკუთრების უფლება.
3.1. პროგრამული უზრუნველყოფა და სერვისი. Nuance და მისი ლიცენზიარები ფლობენ ყველა უფლებას, მათ შორის, საკუთრების უფლებას, პროგრამულ უზრუნველყოფასა და სერვისზე, მათ შორის, თუმცა ამით არ შემოიფარგლება, ყველა პატენტს, საავტორო უფლებას, სავაჭრო საიდუმლოებას და ინტელექტუალური საკუთრების სხვა უფლებებს პროგრამულ უზრუნველყოფაზე და ეს უფლებები რჩება Nuance-ის ან/და მისი ლიცენზიარების ექსკლუზიურ მფლობელობაში. პროგრამული უზრუნველყოფის ან სერვისის უნებართვო კოპირება ან ზემოხსენებული პირობების შეუსრულებლობა გამოიწვევს წინამდებარე შეთანხმებისა და მის საფუძველზე გაცემული ყველა ლიცენზიის ავტომატურ გაუქმებას, ხოლო Nuance-ს უფლება ექნება გამოიყენოს ყველა კანონიერი უფლება და სასამართლო დაცვის საშუალება შეთანხმების დარღვევასთან დაკავშირებით.
3.2. მესამე მხარის პროგრამული უზრუნველყოფა. პროგრამული უზრუნველყოფა შეიძლება შეიცავდეს მესამე მხარის პროგრამას, რომელსაც ახლავს დამატებითი ინფორმაცია ან/და რომელზეც ვრცელდება დამატებითი წესები და პირობები. მესამე მხარის პროგრამის ამგვარი საჭირო დებულებები და/ან დამატებითი წესები და პირობები შეგიძლიათ იხილოთ საიტზე http://swype.com/attributions, ისინი წარმოადგენს წინამდებარე შეთანხმების ნაწილს და დართულია მასზე. ამ შეთანხმების პირობებზე დათანხმების შემთხვევაში თქვენ ასევე ეთანხმებით დამატებით წესებსა და პირობებს, რომლებსაც შესაძლოა შეიცავდეს შეთანხმება.
3.3. წარმოთქმის მონაცემები და ლიცენზიის მონაცემები.
(ა) წარმოთქმის მონაცემები. როგორც სერვისის ნაწილს, Nuance აგროვებს და იყენებს წარმოთქმის მონაცემებს, როგორც ეს განმარტებულია ქვემოთ, რათა დახვეწოს, გაზარდოს და გააუმჯობესოს ხმის ამოცნობა და სერვისისა და Nuance-ს სხვა სერვისებისა თუ პროდუქტების სხვა კომპონენტები. წინამდებარე შეთანხმების წესებსა და პირობებზე დათანხმებით თქვენ აღიარებთ და ეთანხმებით იმას, რომ Nuance-ს შეუძლია შეაგროვოს და გამოიყენოს წარმოთქმის მონაცემები, როგორც მომსახურების ნაწილი, და რომ ასეთი ინფორმაციის გამოყენება შეუძლია მხოლოდ Nuance-ს ან მისი დავალებით მოქმედ მესამე მხარეებს, კონფიდენციალურობის შეთანხმებების შესაბამისად, რათა დახვეწოს, გაზარდოს და გააუმჯობესოს ხმის ამოცნობა და სერვისისა და Nuance-ს სხვა სერვისებისა თუ პროდუქტების სხვა კომპონენტები. Nuance არ გამოიყენებს წარმოთქმული მონაცემების რაიმე ინფორმაციას სხვა მიზნებისთვის, გარდა ზემოთ აღნიშნული მიზნებისა. "წარმოთქმული მონაცემები" ნიშნავს აუდიო ფაილებს, რომლებიც უკავშირდება ტრანსკრიბციებს და ჟურნალის ფაილებს, რომლებსაც გვაწვდით ან ქმნით ამ სერვისთან დაკავშირებით. თქვენ მიერ წარმოდგენილი ყველა წარმოთქმული მონაცემი იქნება კონფიდენციალური და Nuance-მა შეიძლება გაამჟღავნოს ეს ინფორმაცია აუცილებლობის შემთხვევაში, კანონის და მაკონტროლებელი ორგანოების მოთხოვნების შესაბამისად, მაგალითად, სასამართლოს ან სამთავრობო დაწესებულების დადგენილების საფუძველზე, თუ ეს მოითხოვება კანონით, ან გადასცეს ინფორმაცია სხვა პირს Nuance-ის გაყიდვის, შერწყმის ან სხვა პირად გარდაქმნის შემთხვევაში.
(ბ) სალიცენზიო მონაცემები. პროგრამული უზრუნველყოფისა და სერვისის ფარგლებში Nuance და მისი მომწოდებლები ასევე აგროვებენ და იყენებენ სალიცენზიო მონაცემებს, როგორც ეს აღწერილია ქვემოთ. თქვენ შეგნებული გაქვთ და თანხმობას აცხადებთ, რომ Nuance-მ შეიძლება შეაგროვოს სალიცენზიო მონაცემები, როგორც პროგრამისა და სერვისის უზრუნველყოფის ნაწილი. კონფიდენციალურობის დებულებების დაცვით, სალიცენზიო მონაცემების გამოყენება Nuance-ს ან Nuance-ს მითითებებით მოქმედი მესამე მხარეებს ეხმარება, რათა მათ განავითარონ, შექმნან და გააუმჯობესონ საკუთარი პროდუქტები და სერვისები. სალიცენზიო მონაცემებად ითვლება არაპერსონალური ინფორმაცია, რადგან სალიცენზიო მონაცემები წარმოდგენილია ისეთი ფორმით, რომელიც არ იძლევა კონკრეტულ პირთან უშუალო ასოცირების უფლებას. "სალიცენზიო მონაცემებში" იგულისხმება ინფორმაცია პროგრამული უზრუნველყოფისა და თქვენი მოწყობილობის შესახებ, მაგალითად: მოწყობილობის ბრენდი, მოდელის ნომერი, ეკრანი, მოწყობილობის ID, IP მისამართი და მსგავსი მონაცემები.
(გ) თქვენ აცნობიერებთ, რომ პროგრამული უზრუნველყოფისა და სერვისის გამოყენებით თანხმობას აცხადებთ წარმოთქმული მონაცემებისა და სალიცენზიო მონაცემების და გამოყენების შესახებ ინფორმაციის შეგროვებასა და გამოყენებაზე მოცემულ დოკუმენტში აღნიშნული წესით, მათ შორის ორივე ინფორმაციის შეერთებულ შტატებში და/ან სხვა ქვეყნებში შესანახად, დასამუშავებლად და გამოსაყენებლად გაგზავნაზე და Nuance-სა პარტნიორ მესამე მხარეების მიერ გამოყენებაზე.
(დ) წარმოთქმულ მონაცემებზე და სალიცენზიო მონაცემებზე ვრცელდება Nuance-ს კონფიდენციალურობის დებულება. დამატებითი ინფორმაციისთვის იხილეთ Nuance-ის კონფიდენციალურობის პოლიტიკა შემდეგ ვებგვერდზე: http://www.nuance.com/company/company-overview/company-policies/privacy-policies/index.htm.
4. დახმარება. პროგრამული უზრუნველყოფისა და სერვისის შეფასების გამარტივების მიზნით, ლიცენზიის მფლობელებს შეუძლიათ იხილონ Nuance-ს ხშირად დასმული კითხვები მისამართზე: http://www.nuancemobilelife.com. დამატებითი დახმარებისთვის, ლიცენზიის მფლობელებს შეუძლიათ მოითხოვონ ამგვარი დახმარება ზემოაღნიშნული ვებსაიტით და Nuance-ს პერსონალის საშუალებით Nuance-მ შეიძლება გონივრულ ფარგლებში უზრუნველყოს ლიცენზიის მფლობელთა დახმარება ფაქსით, ელფოსტით ან სხვა საშუალებებით, პროგრამული უზრუნველყოფისა და სერვისის ხარვეზებთან დაკავშირებით და/ან განმარტოს ფუნქციები და მახასიათებლები. Nuance-ს დახმარების სამსახური თქვენს შეკითხვებს უპასუხებს 48 სამუშაო საათის განმავლობაში (უქმეებისა და ოფიციალური დასვენების დღეების გამოკლებით).
5. გარანტიების უარყოფა. თქვენ შეგნებული გაქვთ და ეთანხმებით, რომ NUANCE და მისი ლიცენზიარები და მომწოდებლები გთავაზობენ პროგრამულ უზრუნველყოფასა და სერვისს პირადად თქვენ, მათი პერსონალური გამოყენებისთვის. შესაბამისად, თქვენ თანხმდებით იმაზე, რომ ყველა აუცილებელ ზომას მიიღებთ თქვენი მონაცემებისა და სისტემების დაკარგვისაგან ან დაზიანებისგან დასაცავად. NUANCE, მისი ლიცენზიარები და მომწოდებლები გთავაზობენ პროგრამულ უზრუნველყოფასა და სერვისს "როგორც არის" პრინციპის საფუძველზე, ყველა შეცდომითა და ყოველგვარი გარანტიის გარეშე. მოქმედი კანონმდებლობით მაქსიმალურად დაშვებულ ფარგლებში, NUANCE, მისი ლიცენზიარები და მომწოდებლები ხაზგასმით უარყოფენ ყველა პირდაპირ თუ ნაგულისხმევ გარანტიას, მათ შორის და არამარტო ისეთ გარანტიას, რომელიც უკავშირდება ვაჭრობას, კონკრეტული მიზნისთვის ვარგისიანობის, ან დარღვევების აღკვეთას.
6. პასუხისმგებლობის შეზღუდვა. მოქმედი კანონმდებლობით მაქსიმალურად დაშვებულ ფარგლებში, NUANCE, მისი თანამდებობის პირები, დირექტორები და თანამშრომლები, მისი მომწოდებლები ან ლიცენზიარები არავითარ შემთხვევაში არ აგებენ პასუხს რაიმე პირდაპირ, ირიბ, განსაკუთრებულ, შემთხვევით, შედეგობრივ ან დაჯარიმებით გამოწვეულ ზიანზე, მათ შორის, თუმცა ამით არ შემოიფარგლება, მონაცემების დაკარგვაზე, გამოყენების შესაძლებლობის დაკარგვაზე, ბიზნეს-საქმიანობის შეწყვეტაზე ან ხარჯებზე, რომლებიც გამოწვეულია პროგრამული უზრუნველყოფით ან სერვისით სარგებლობით, პასუხისმგებლობის მიზეზისა და ტიპის მიუხედავად, იმ შემთხვევაშიც კი, თუ კომპანიისთვის წინასწარ ცნობილი იყო ან კომპანიას წინასწარ აცნობეს ასეთი ზიანის დადგომის შესაძლებლობის შესახებ.
7. ვადა და შეთანხმების გაუქმება. წინამდებარე შეთანხმება ძალაში შედის თქვენ მიერ მის წესებსა და პირობებზე დათანხმების დღიდან და მოქმედებს მის გაუქმებამდე. Nuance-მ შეიძლება შეწყვიტოს ეს შეთანხმება და/ან შესაბამისად გადმოცემული ლიცენზიები, ნებისმიერ დროს და საკუთარი გადაწყვეტილებით, მიზეზით ან უმიზეზოდ, ხოლო თქვენ შეგატყობინებთ სერვისის ვადის გასვლის ან შეწყვეტის შესახებ. წინამდებარე შეთანხმება ავტომატურად უქმდება თქვენ მიერ მისი წესებისა და პირობების დარღვევის შემთხვევაში. შეთანხმების გაუქმების შემდეგ თქვენ ვალდებული ხართ დაუყოვნებლივ შეწყვიტოთ პროგრამული უზრუნველყოფისა და Swype Connect სერვისის გამოყენება.
8. ექსპორტის მიმართ მოთხოვნებთან შესაბამისობა. თქვენ ადასტურებთ და გარანტიას იძლევით შემდეგზე: (1) თქვენ არ იმყოფებით ქვეყანაში, რომელზეც ვრცელდება აშშ-ს სახელმწიფო ემბარგო და აშშ-ს მთავრობის მიერ თქვენი ქვეყანა არ არის მიჩნეული "ტერორიზმის მხარდამჭერ" ქვეყანად და (2) აშშ-ს რომელიმე სახელმწიფო სიაში არ ხართ მოხვედრილი, როგორც აკრძალული ან შეზღუდული პარტნიორი.
9. სავაჭრო ნიშნები. მესამე მხარეების სავაჭრო ნიშნები, სავაჭრო სახელები, პროდუქტის სახელები და ლოგოები ("სავაჭრო ნიშნები"), რომლებსაც შეიცავს ან იყენებს პროგრამული უზრუნველყოფა ან სერვისი, ეკუთვნის ამ სავაჭრო ნიშნების ან რეგისტრირებული სავაჭრო ნიშნების შესაბამის მფლობელებს და ამ სავაჭრო ნიშნების გამოყენება ხდება მათი მფლობელების სასარგებლოდ. ეს სავაჭრო ნიშნები გამოიყენება თავსებადობის აღსანიშნავად და არ წარმოადგენს: (1) Nuance-ის აფილირებულ ურთიერთობას ასეთ კომპანიასთან, ან (2) Nuance-ის მიერ ასეთი კომპანიის და მისი პროდუქტებისა და სერვისების მხარდაჭერას ან მოწონებას.
10. მარეგულირებელი კანონი. წინამდებარე შეთანხმება რეგულირდება ამერიკის შეერთებული შტატების მასაჩუსეტსის შტატის კანონებით, სამართლებრივ პრინციპებთან მისი კონფლიქტის მიუხედავად, ხოლო თქვენ წინამდებარე შეთანხმებასთან დაკავშირებული ნებისმიერი დავის შემთხვევაში უნდა მიმართოთ ნახსენები შტატის ფედერალურ და სახელმწიფო სასამართლო ექსკლუზიურ იურისდიქციას. წინამდებარე შეთანხმება არ რეგულირდება გაერთიანებული ერების კონვენციით საქონლის საერთაშორისო გაყიდვების შესახებ, რომლის მოქმედებას მოცემული დოკუმენტი ერთმნიშვნელოვნად გამორიცხავს.
11. პირობების შეცვლა. თქვენ აცნობიერებთ და ეთანხმებით იმას, რომ Nuance-ს შეუძლია პერიოდულად შეცვალოს წინამდებარე შეთანხმების წესები და პირობები, გონივრულ ფარგლებში შეტყობინების გაგზავნით რეგისტრაციის დროს მითითებულ მისამართზე, მათ შორის ელფოსტის მისამართზე. თუ თქვენთვის მიუღებელია შეთანხმებაში შეტანილი ამგვარი ცვლილებები, შეგიძლიათ შეწყვიტოთ პროგრამული უზრუნველყოფისა და მომსახურების გამოყენება. თუ განაგრძობთ პროგრამული უზრუნველყოფის ან სერვისის რომელიმე ნაწილის გამოყენებას მას შემდეგ, რაც Nuance გაცნობებთ ამგვარი ცვლილებების შესახებ და გაგაცნობთ მათ, ჩაითვლება, რომ თქვენთვის მისაღებია ეს ცვლილებები.
12. ზოგადი იურიდიული პირობები. თქვენ უფლება არ გაქვთ სხვა პირს დაუთმოთ ან გადასცეთ წინამდებარე შეთანხმებით გათვალისწინებული უფლებები და ვალდებულებები Nuance-ის წინასწარი წერილობითი თანხმობის გარეშე. წინამდებარე შეთანხმება წარმოადგენს მთლიან შეთანხმებას თქვენსა და Nuance-ს შორის და ყველა დანარჩენი მოლაპარაკებები ან განცხადებები პროგრამულ უზრუნველყოფასთან დაკავშირებით ძალას კარგავს. თუ ამ შეთანხმების რომელიმე დებულება ძალას დაკარგავს ან გაბათილდება, ეს დებულება შეიცვლება მხოლოდ იმ ფორმით, რაც აუცილებელია ასეთი ბათილობის გამოსასწორებლად და შეთანხმების დანარჩენი დებულებები სრულ ძალაში დარჩება. Nuance-ის მიერ ამ შეთანხმებით გათვალისწინებული რომელიმე უფლების ან დებულების განუხორციელებლობა არ ითვლება ამ უფლების ან დებულების უარყოფად. წინამდებარე შეთანხმების მუხლები 2, 3, 5, 6, 7, 9, 10 და 12 ძალაში რჩება შეთანხმების ვადის გასვლის ან გაუქმების შემდეგაც.