KATANGTUAN LADÉNAN SWYPE CONNECT

IEU TÉH PERJANGJIAN HUKUM DI ANTARA ANJEUN ("ANJEUN" ATAWA "PANARIMA LISÉNSI") JEUNG NUANCE COMMUNICATIONS, INC PIKEN MANÉHNA SORANGAN JEUNG /ATAWA NGAWAKILAN AFILIASINA NUANCE COMMUNICATIONS IRELAND LIMITED ("NUANCE"). MANGGA BACA NU TALITI KATANGTUAN DI HANDAP IEU.

ANJEUN KUDU SATUJU KANA KATANGTUAN LADÉNAN SWYPE CONNECT IEU ("PERJANGJIAN") JANG MAKÉ LADÉNAN SWYPE CONNECT ("SWYPE CONNECT"), KAASUP NAMUN TEU DIWATESAN KA NGUNDEUR, NGINSTAL, JEUNG MAKÉ SOFWÉR MANA WAE TI SWYPE CONNECT. KU CARA NGEKLIK KENOP "SATUJU", ANJEUN SATUJU DIPATALIKEUN KANA KATANGTUAN IEU PERJANGJIAN. ANJEUN DICARAM TINA MAKÉ SWYPE CONNECT ATAWA NGUNDEUR, NGINSTAL, ATAWA MAKÉ SOFWÉR MANA WAE TI SWYPE CONNECT KU CARA MANA WAÉ KACUALI ANJEUN GEUS SATUJU JEUNG KATANGTUAN LADÉNAN IEU.

Swype Connect téh ladénan nu disadiakeun ku Nuance méh Nuance bisa nyadiakeun ladénan nu geus ditangtukeun ka Anjeun ti alat nu geus dipasang Swype Platform. Nitimbang satujuna Anjeun jang nyadiakeun ragam Data Lisénsi jeung Data Pamakéan ka Nuance, sakumaha nu diartikeun di handap, sabari maké Swype Connect, Nuance bisa jadi bakal nyadiakeun apdet, pangluhuran, basa tambahan, atawa pangaya ("Sofwér") ka sofwér Swype Platform nu dipasang di alat Anjeun. Katangtuan jeung sarat di handap ngatur pamakéan Swype Connect Anjeun tur ngididan Anjeun pikeun ngundeur, nginstal, jeung maké Sofwér, sakumaha nu geus diartikeun di handap, tur sadaya dokumentasi nu ngabarengana, sakumaha nu bakal disadiakeun Nuance dumasar ka Swype Connect.

1. ANUGRAH LISÉNSI. Nuance jeung panyadiana nganugerahkeun Anjeun watesan lisénsi nu teu éksklusif, teu bisa dialihkeun, teu bisa disublisénsikeun, bisa dicabut, dina bentuk kodeu objék wungkul, jang masang tur maké Sofwér dina hiji alat jang pamakéan pribados Anjeun. Anjeun bisa nginstal jeung maké Sofwér ngan lamun Anjeun boga lisénsi nu sohéh ti versi sofwér Swype Platform nu keur diapdét, atawa diluhuran. Anjeun bisa nginstal jeung maké basa tambahan mana waé atawa pangaya nu disadiakeun ka Anjeun ngan saukur liwat Swype Connect jeung sofwér Swype Platform.

2. WATESAN. Anjeun dicaram (kacuali diidinan ku hukum): (a) maké Sofwér salain jang dipaké sorangan; (b) niron, ngagandakeun, nyebarkeun, atawa ku cara mana waé, nyieun duplikat Sofwér, sakabéhna atawa sabagéanana; (c) ngajual, nyéwakeun, ngalisénsikeun, ngasublisénsikeun, ngabagikeun, nunjuk, mindahkeun, atawa nganugrahkeun hak mana wae dina Sofwér, sakabéhna atawa sabagéanana. (d) ngarobah, nga-port, narjamahkeun, atawa nyieun karya turunan tina Sofwér; (e) ngadékompilasi, ngabongkar, ngarékayasa balik, atawa usaha lainna jang nurunkeun, nyeun ulang, ngawanoh atawa manggihan kode sumber, ide-ide nu dasar, atawa algoritme, ti Sofwér ku cara naon waé; (f) miceun sagala béwara kapimilik, labél atawa tanda ti Sofwér; atawa (g) maké Sofwér nu maksadna jang ngabandingkeun jeung atawa neang patokan ukuran nu disadiakeun ku pihak katilu.

3. HAK KAPIMILIK.

3.1. SOFWÉR. Nuance jeung nu boga lisénsi miboga kabéh hak, kapamilik, tur andil dina Sofwér, kaasup namun teu diwatesan ka, sadaya patén, hak cipta, rahasia dagang, mérék dagang, jeung hak milik inteléktual nu séjén nu dipatalikeun, tur sadaya kapamilikan ka éta hak bakal dipiboga ku Nuance jeung/atawa nu boga lisénsinya. Panironan Sofwér nu teu sah atawa gagal matuhan watesan di luhur, bakal megatkeun Anjeun ti ieu Perjangjian jeung kabéh lisénsi nu dianugrahkeun di handap ieu, tur jang Nuance sarta afiliasina bakal dibérékeun sadaya ganti rugi nu sah jeung adil jang éta palanggaran.

3.2. SOFWÉR PIHAK KATILU. Sofwér bakal ngandung sofwér pihak katilu nu merlukeun béwara jeung/atawa katangtuan tur kondisi nu béda. Béwara sofwér pihak katilu nu diwajibkeun éta jeung/atawa katangtuan sarta sarat tambahan aya di swype.com/attributions tur dijieun sabagé bagéan ti jeung dihijikeun ku cara rujukan ka ieu Perjangjian. Ku cara satuju ka ieu Perjangjian, Anjeun oge satuju kana sarat jeung katangtuan tambahan, lamun aya, nu ditangtukeun tiheula.

3.3. LISÉNSI JEUNG DATA PAMAKÉAN.

(a) DATA PALISÉNSIAN. Sabagé bagéan tina pamakéan Anjeun ka Sofwér, Nuance jeung afiliasina ngumpulkeun jeung maké Data Lisénsi, sakumaha nu diterangkeun di handap, jang ngavalidasi lisénsi Anjeun ka Sofwér, oge jang ngembangkeun, nyieun, jeung ningkatkeun produk tur ladénanna. Dina narima ieu sarat jeung katangtuan Perjangjian ieu, Anjeun narima, sadar, jeung satuju yen Nuance bakal ngumpulkeun jeung maké Data Lisénsi sabagé bagéan tina pamakeaan Anjeun dina Sofwér, tur Data Lisensi éta ngan bakal dipaké ku Nuance atawa pihak katilu nu nyokot tindakan sakumaha arahan ti Nuance, sakumaha perjangjian rusiah, jang ngavalidasi lisénsi Anjeun ka Sofwér, oge jang ngembangkeun, nyieun, jeung ningkatkeun Swype Connect, Sofwér, produk tur ladénan nu séjén. "Data Lisénsi" hartina inpo ihwal Sofwér jeung alat Anjeun, upamana: merék alat, nomor modél, layar, ID alat, alamat IP, oge data nu sarupa.

(b) DATA PAMAKÉAN. Salain éta, sabagéan ti pamakéan Anjeun ka Sofwér, Nuance jeung afiliasina ngumpulkeun jeung maké Data Lisénsi, sakumaha nu diterangkeun di handap, jang ngembangkeun, nyieun, jeung ningkatkeun produk tur ladénanna. Anjeun ngidinan Nuance jeung afiliasina jang ngumpulkeun jeung maké Data Pamakéan ku cara ngaktipkeun Sofwér. Anjeun bisa nangtukeun iraha waé jang nyaram Nuance tina ngumpulkeun Data Pamakéan, liwat setélan dina Sofwér, nu saenggeusna Nuance bakal eureun ngumpulkeun Data Pamakéan ti Anjeun. Dina nyatujuan sarat jeung katangtuan Perjangjian ieu, Anjeun narima, sadar, jeung satuju yén Nuance jeung afiliasina bakal ngumpulkeun Data Pamakéan sabagé bagéan ti pamakéan Sofwér ku Anjeun, tur Data Pamakéan éta bakal dipaké ku Nuance atawa pihak katilu nu nyokot tindakan dumasar ka arahan ti Nuance, sesuai ka perjangjian rusiah, jang ngavalidasi lisénsi Anjeun ka Sofwér, oge jang ngembangkeun, nyieun, jeung ningkatkeun Swype Connect, Sofwér jeung produk oge ladénan nu séjén. Nuance moal bakal maké unsur inpo di Data Pamakéan nu mana waé jang tujuan mana waé ihwal ti nu enggeus ditangtukeun di luhur. Data Pamakéan dianggap inpo lain pribadi, ku kituna data kawas éta aya dina bentuk nu teu ngidinan patalian langsung jeung sasaha urang sacara husus. "Data Pamakéan" artina inpo ihwal Sofwér jeung cara Anjeun maké éta Sofwér. Upamana: parobahan setélan, lokasi alat, pilihan basa, jalur tapak karakter, total jumlah karakter nu diketok atawa diorét, gancangna téks diasupkeun, tur data nu sarupa.

(c) Anjeun ngarti yén satujuna Anjeun ka ieu Perjangjian, Anjeun sadar kana dikumpulkeuna jeung dipakena Data Lisénsi jeung Data Pamakéan sakumaha nu ditangtukeun di dieu, kaasup dipindahkeuna dua data éta ka Amerika Serikat jeung/atawa nagara séjén nu nyimpen, mroses, jeung maké Nuance, apiliasinya jeung pihak katilu nu resmi.

(d) Unggal jeung sadaya Data Lisénsi sareng Data Pamakéan nu Anjeun sadiakeun bakal jadi rasiah tur bakal disimpen ku Nuance, upami diperlukeun, supados sasuai ka persaratan hukum atawa peraturan, sapertosna dina ayana paréntah pengadilan atawa institusi pamaréntah upami diperlukeun atawa diparéntahkeun ku undang-undang, atawa dina acara pangicalan, gabungan atawa pengalihan ka éntitas sejenna ku Nuance. Data Lisénsi sareng Data Pamakéan tunduk ka kebijakan privasi Nuance nu berlaku. Jang nampa inpo leuwih lengkep tempo kawijakan privasi Nuance di: http://www.nuance.com/company/company-overview/company-policies/privacy-policies/index.htm.

4. TAMPIKAN HARANSI. ANJEUN NARIMA JEUNG SATUJU YÉN NUANCE JEUNG AFILIASINA NYADIAKEUN SWYPE CONNECT JEUNG SOFWÉR "SAKUMAHA AYANA," JEUNG SAGALA KAKURANGANNA, TUR TANPA SAGALA RUPA HARANSI. KU KITUNA, ANJEUN SATUJU NGALAMPAHKEUN SAGALA KAGIATAN JANG NYEGAH TUR NGAJAGA NU DIANGGAP PERLU JANG NGAROJONG DATA TUR SISTEM MÉH TEU LEUNGIT ATAWA RUKSAK. NEPI KA TINGKAT MAKSIMUM NU DIIDINAN KU HUKUM NU LUMAKU, NUANCE JEUNG AFILIASINA, SECARA HUSUS NAMPIK KABÉH JAMINAN NU TEGES ATAWA SUMIR, KAASUP NAMUN TEU DIWATESAN KA, SAGALA JAMINAN IHWAL BISA DIJUAL HENTEUNA, KACOCOGAN PIKEUN MAKSUD NU HUSUS, ATAWA TAYA PALANGGARAN.

5. WATESAN TANGGUNG JAWAB. NEPI KA TINGKAT MAKSIMUM NU DIIDINAN KU HUKUM NU LUMAKU, NUANCE, AFILIASINA, STAFNA, DIREKTURNA, TUR KARYAWAN SARENG NU BOGA LISÉNSINA IRAHA WAE MOAL BAKAL NANGGUNG JAWAB LAMUN AYA KARUGELAN LANGSUNG, TEU LANGSUNG, SPÉSIAL, INSIDÉNTAL, KU SABAB AKIBAT, ATAWA KU SABAB CONTO, KAASUP NAMUN TEU DIWATESAN KA, KARUGIAN KUSABAB LEUNGITNA KAUNTUNGAN, LEUNGITNA DATA, LEUNGITNA PAMAKÉAN, GANGGUAN BISNIS, ATAWA BÉA NUTUP, NU MUNCUL TINA PAMAKÉAN SWYPE CONNECT ATAWA SOFWÉR, NAON WAE PANYABABNYA, DUMASAR KA TÉORI KAWAJIBAN, SANAJAN DISARANKEUN ATAWA KUDUNA TI MIMITI GEUS WANOH KANA KAMUNGKINAN ETA KARUGELAN.

6. KATANGTUAN JEUNG EUREUNNA IEU PERJANGJIAN. Perjangjian ieu mimiti dina panarimaan Anjeun kana sarat jeung katangtuan ieu Perjangjian tur daluwarsa lamun dieureunkeun. Perjangjian ieu bakal dieureunkeun otomatis lamun sarat jeung katangtuanna nu mana wae dilanggar ku Anjeun. Lamun dieureunkeun, Anjeun bakal geura-geura eureun maké, tur bakal mupus kabeh tironan Sofwer oge eureun maké Swype Connect.

7. PAMATUHAN EKSPOR. Anjeun nerangkeun jeung ngajamin yen (i) anjeun teu aya di lokasi di nagara nu dikeunakeun ku embargo Pamarentah AS, atawa geus dicap ku Pamarentah AS sabage nagara "nu ngarojong teroris" ; oge (ii) anjeun teu aya dina daptar Pamarentah AS ihwal pihak-pihak nu dicaram atawa diwatesan.

8. PAMAKÉ AHIR PAMARENTAH AS. Sofwér ieu mangrupakeun "item komersial", kusabab aya istilah nu disebutkeun dina 48 C.F.R. 2.101, nu eusina tentang "sofwér komputer komersial" sareng "dokumentasi sofwér komputer komersial", kusabab istilah eta dipaké dina 48 C.F.R. 12.212. Konsisten sareng 48 C.F.R. 12.212 sareng 48 C.F.R. 227.7202-1 nepi ka 227.7202-4, sadaya pamaké ahir Pamarentah A.S. menangkeun Sofwér sareng hak anu diatur di perjangjian dieu.

9. MÉREK DAGANG. Mérek dagang, nami dagang, nami produk sareng logo ("Mérek Dagang") pihak katilu nu aya di atawa dipaké ku Swype Connect atawa Sofwér ieu mangrupakeun mérek dagang atawa mérek dagang kadaptar ti nu bogana masing-masing, tur pamakéan Mérek Dagang ieu kudu méré kauntungan ka nu boga mérek dagang eta. Pamakéan Mérek Dagang ieu dimaksudkeun pikeun nuduhkeun kamampuan interoperasi tur teu dimaksudkeun pikeun: (i) ayana afiliasi Nuance sareng perusahaan eta, atawa (ii) ayana pengesahan atawa persetujuan ti perusahaan eta ka Nuance sareng produk atawa ladénanna.

10. UNDANG-UNDANG NU NGATUR.

Perjangjian ieu bakal diatur ku tur ditapsirkeun ku hukum cicingan tempat/nagara utama nu diwincik di handap, tanpa matuhan aturan pilihan hukum, tur ngacualikeun Konpensi PBB ihwal Kontrak pikeun Perdagangan Barang Internasional. Para pihak tanpa sarat jeung teu bisa dicabut deui matuh ka yurisdiksi éksklusif jeung cicingan pengadilan nu disebut di handap pikeun cicingan tempat/nagara utama jeung prosés ladenan nu lumaku.

Cicingan utama/cicingan nagara Anjeun - Amérika Serikat, Kanada Méksiko, Amérika Tengah, Amerika Kalér, Taiwan atawa Koréa
Undang-Undang nu Ngatur - Persemakmuran Massachusetts, Amérika Serikat
Yurisdiksi éksklusif jeung cicingan pangadilan - Pengadilan féderal atawa nagara bagéan Massachusetts di Massachusetts

Cicingan utama/cicingan nagara Anjeun - Ostrali atawa Selandia Anyar
Undang-Undang nu Ngatur - New South Wales, Ostrali
Yurisdiksi éksklusif jeung cicingan pangadilan - Pengadilan New South Wales Ostrali di New South Wales

Cicingan utama/cicingan nagara Anjeun - India atawa Singapur
Undang-Undang nu Ngatur - Singapur
Yurisdiksi éksklusif jeung cicingan pangadilan - Pengadilan Singapur di Singapur

Cicingan utama/cicingan nagara Anjeun - Tiongkok atawa Hong Kong
Undang-Undang nu Ngatur - Wilayah Administratip Husus Hong Kong
Yurisdiksi éksklusif jeung cicingan pangadilan - Pengadilan Wilayah Administratip Husus Hong Kong di Hong Kong

Cicingan utama/cicingan nagara Anjeun - Area Ékonomi Éropa (EEA), Éropa, Timur Tengah atawa Afrika, atawa Rusiah
Undang-Undang nu Ngatur - Irlandia
Yurisdiksi éksklusif jeung cicingan pangadilan - Dublin, Irlandia

Cicingan utama/cicingan nagara Anjeun - Bagéan dunya nu séjén
Undang-Undang nu Ngatur - **Persemakmuran Massachusetts, Amérika Serikat, kacuali teu bisa dilumakukeun di nagara Anejun tur dina kasus ieu: lamun salah sahiji hukum di luhur lumaku, ku kituna éta baka lumaku (nyaéta nu pangluhurna dina daptar bakal dipiheulakeun), mun henteu hukum lokal bakal lumaku.
Yurisdiksi éksklusif jeung cicingan pangadilan - **Pengadilan féderal atawa nagara bagéan Massachusetts di Massachusetts

Tanpa teu merhatikeun sadaya nu béda dina Perjangjian ieu, masing-masing pihak bisa ménta ganti rugi awal atawa samentawis nu aya hubunganna jeung sagala urusan nu mucunghul dumasar ka ieu Perjangjian di nagara tempat kadua-dua pihak nyicingan.

11. SARAT TIASA BEROBAH. Anjeun narima tur satuju yen Nuance tiasa ngarobah sarat jeung katangtuan di Perjangjian ieu sawaktu-waktu nu bakal dikabarkeun ka Anjeun liwat dina alat Anjeun. Upami Anjeun teu satuju ka perobahan di Perjangjian ieu, hiji-hijina cara Anjeun pikeun nampi perbaikan yaeta kucara eureun maké Swype Connect, kaasup tapi teu diwates ka ngundeur tur masang Sofwér.

12. KATANGTUAN UMUM HUKUM. Anjeun teu tiasa nugaskeun atawa nransper hak atawa kawajiban di Perjangjian ieu tanpa aya idin tertulis ti Nuance. Perjangjian ieu mangrupakeun perjangjian antara Nuance sareng Anjeun tur ngabatalkeun komunikasi atawa béwara sejenna nu kakait ka Swype Connect sareng Sofwér ieu. Upami aya katangtuan di Perjangjian ieu nu teu sah atawa teu tiasa dilaksanakeun, katangtuan eta bakal direvisi upami diperlukeun pikeun ngabenerkeun ka-sah-an atawa kamampuanna pikeun dilaksanakeun, tur Perjangjian nu saleuwihna kudu terus dilaksanakeun tur méré dampak. Kagagalan Nuance pikeun ngalakukeun atawa ngalaksanakan hak atawa pasal di ieu Perjangjian heunteu ngagantikeun pelepasan tuntutan kanggo hak atawa katangtuan ieu. Bagéan 2, 3, 4, 5, 6, 8, 9, 10, jeung 12 dina Perjangjian ieu bakal terus lumaku sanajan Perjangjian ieu geus daluwarsa atawa dipegatkeun.