SWYPE CONNECT-DIENSVOORWAARDES
DIT IS 'N WETLIKE OOREENKOMS TUSSEN JOU ("JY" OF "LISENSIEHOUER") EN NUANCE COMMUNICATIONS, INC VIR HOMSELF EN/OF NAMENS SY SUSTERMAATSKAPPY NUANCE COMMUNICATIONS IRELAND LIMITED ("NUANCE"). LEES ASSEBLIEF DIE VOLGENDE BEPALINGS VERSIGTIG DEUR.
JY MOET DIE BEPALINGS VAN HIERDIE SWYPE CONNECT-DIENSVOORWAARDES ("OOREENKOMS") AANVAAR OM DIE SWYPE CONNECT-DIENS ("SWYPE CONNECT") TE GEBRUIK, WAARONDER ONDER ANDERE DIE AFLAAI, INSTALLERING EN GEBRUIK VAN ENIGE PROGRAMMATUUR VAN SWYPE CONNECT. DEUR OP DIE "AANVAAR"-KNOPPIE TE KLIK, STEM JY IN OM DEUR DIE BEPALINGS VAN HIERDIE OOREENKOMS GEBIND TE WORD. JY MAG SWYPE CONNECT NIE GEBRUIK OF ENIGE PROGRAMMATUUR VAN SWYPE CONNECT OP ENIGE WYSE AFLAAI, INSTALLEER OF GEBRUIK TENSY JY HIERDIE DIENSVOORWAARDES AANVAAR HET NIE.
Swype Connect is 'n diens wat namens Nuance gelewer word om Nuance in staat te stel om sekere dienste aan jou te lewer in die toestel waarin die Swype Platform geïnstalleer is. Op grond van jou instemming om aan Nuance 'n verskeidenheid van Lisensiëringsdata en Gebruiksdata, soos hieronder gedefinieer, te verskaf terwyl Swype Connect gebruik word, kan Nuance bywerkings, opgraderings, bykomende tale of byvoegings ("Programmatuur") tot die Swype Platform-programmatuur wat in jou toestel geïnstalleer is, beskikbaar stel. Die volgende algemene bepalings en voorwaardes beheer Jou gebruik van Swype Connect en laat Jou toe om die Programmatuur, soos hieronder gedefinieer, asook enige bygaande domente wat Nuance deur Swype Connect kan verskaf, af te laai, te installeer en te gebruik.
1. VERLENING VAN LISENSIE. Nuance en sy verskaffers verleen aan Jou 'n nie-eksklusiewe, nieoordraagbare, nieonderlisensieerbare, herroepbare beperkte lisensie, slegs in objekkodevorm, om die Programmatuur in 'n enkele toestel vir Jou persoonlike gebruik te installeer en te gebruik. Jy mag die Programmatuur net installeer en gebruik as Jy 'n bestaande weergawe van die Swype Platform-programmatuur wat bygewerk of opgegradeer word, met 'n geldige lisensie het. Jy mag enige bykomende taal of toevoeging wat deur Swype Connect aan Jou beskikbaar gestel word, net saam met die Swype Platform-programmatuur gebruik.
2. BEPERKINGE. Jy mag nie (tensy ingevolge wetgewing toegelaat): (a) die Programmatuur vir enigiets anders as Jou eie persoonlike gebruik aanwend nie; (b) die Programmatuur, as 'n geheel of gedeeltelik, kopieer, reproduseer, versprei of op enige ander manier dupliseer nie; (c) die Programmatuur, as 'n geheel of gedeeltelik, verkoop, verhuur, lisensieer, onderlisensieer, versprei, toewys, oordra of andersins enige regte daarvoor toestaan nie; (d) die Programmatuur wysig, porteer, vertaal of afgeleide werke daarvan skep nie; (e) die Programmatuur op enige wyse dekompileer, uitmekaarhaal, ontmantel of andersins probeer om enige bronkode, onderliggende idees of algoritmes af te lei, te rekonstrueer, te identifiseer of te ontdek nie; (f) enige eiendomskennisgewings, -etikette of -tekens uit die Programmatuur verwyder nie; of (g) die Programmatuur gebruik vir vergelykings met of normbepaling teenoor produkte wat deur derde partye beskikbaar gestel is nie.
3. EIENDOMSREGTE.
3.1. PROGRAMMATUUR. Nuance en sy lisensiegewers besit alle regte, eiendomsregte en belange in die Programmatuur, waaronder onder andere alle patentregte, kopieregte, bedryfsgeheime, handelsmerke en ander intellektuele eiendomsregte wat daarmee verbind word, en al sodanige regte bly die eiendom van slegs Nuance en/of sy lisensiegewers. Ongeoorloofde kopiëring van die Programmatuur of nievoldoening aan bogenoemde beperkings sal lei tot die outomatiese beëindiging van hierdie Ooreenkoms en alle lisensies wat ingevolge daarvan toegestaan is, en sal Nuance en sy geaffilieerde maatskappye aanspraak op alle wetlike en billike vergoeding weens die skending daarvan gee.
3.2. DERDEPARTY-PROGRAMMATUUR. Die Programmatuur kan derdeparty-programmatuur bevat waarvoor kennisgewings en/of bykomende bepalings en voorwaardes nodig is. Sodanige kennisgewings wat vir derdeparty-programmatuur nodig is, en/of bykomende bepalings en voorwaardes is beskikbaar by swype.com/attributions en vorm deel van en word deur verwysing by hierdie Ooreenkoms ingesluit. Deur hierdie Ooreenkoms te aanvaar, aanvaar Jy ook die bykomende bepalings en voorwaardes, indien enige, wat daarin uiteengesit word.
3.3. LISENSIËRING- EN GEBRUIKSDATA.
(a) LISENSIËRINGSDATA. Nuance en sy geaffilieerde maatskappye samel Lisensiëringsdata, soos hieronder gedefinieer, as deel van jou gebruik van die Programmatuur in en gebruik dit om te bepaal of jou lisensie van die Programmatuur geldig is, en ook om sy produkte en dienste te ontwikkel, te bou en te verbeter. Deur die bepalings en voorwaardes van hierdie Ooreenkoms te aanvaar, erken, aanvaar en stem Jy in dat Nuance Lisensiëringsdata mag insamel en gebruik as deel van Jou gebruik van die Programmatuur, en dat sodanige Lisensiëringsdata net deur Nuance en derde partye wat ingevolge vertroulikheidsooreenkomste onder Nuance se leiding optree, gebruik sal word om die geldigheid van Jou lisensie vir die Programmatuur te bepaal, en ook om Swype Connect, die Programmatuur en ander produkte en dienste te ontwikkel, te bou en te verbeter. "Lisensiëringsdata" beteken inligting oor die Programmatuur en jou toestel, byvoorbeeld: handelsnaam van toestel, modelnommer, beeldskerm, toestelidentifikasie, IP-adres en soortgelyke data.
(b) GEBRUIKSDATA. As deel van jou gebruik van die Programmatuur samel Nuance en sy geaffilieerde maatskappye daarby Gebruiksdata, soos hieronder gedefinieer, in en gebruik dit om sy produkte en dienste te ontwikkel, te bou en te verbeter. Deur die Programmatuur in werking te stel, laat jy Nuance en sy geaffilieerde maatskappye toe om Gebruiksdata in te samel en te gebruik. Jy kan enige tyd kies om Nuance, deur die stellings in die Programmatuur, te verbied om Gebruiksdata in te samel, op welke punt Nuance sal ophou om Gebruiksdata van Jou in te samel. Deur die bepalings en voorwaardes van hierdie Ooreenkoms te aanvaar, erken, aanvaar en stem Jy in dat Nuance en sy geaffilieerde maatskappye die Gebruiksdata as deel van jou gebruik van die Programmatuur mag insamel, en dat sodanige Gebruiksdata net deur Nuance of derde partye wat ingevolge vertroulikheidsooreenkomste onder Nuance se leiding optree, gebruik sal word om Swype Connect, die Programmatuur en ander produkte en dienste te ontwikkel, te bou en te verbeter. Nuance sal nie die inligtingselemente in enige Gebruiksdata vir enige ander doeleindes gebruik as dié wat hierbo uiteengesit is nie. Gebruiksdata word as niepersoonlike inligting beskou, want sodanige data is in 'n vorm wat nie 'n regstreekse verbintenis met enige bepaalde individu moontlik maak nie. "Gebruiksdata" beteken inligting oor die Programmatuur en hoe Jy die Programmatuur gebruik. Byvoorbeeld: veranderinge aan die stellings, ligging van die toestel, taalkeuse, karakterspore, algehele aantal karakters getik of gevee, spoed van teksinvoering en soortgelyke data.
(c) Jy verstaan dat Jy deur Jou aanvaarding van hierdie Ooreenkoms instem tot die insameling en gebruik soos hierin uiteengesit, van Lisensiëringsdata en Gebruiksdata, waaronder die oordrag van albei na die Verenigde State van Amerika en/of ander lande vir berging, verwerking en gebruik deur Nuance, sy geaffilieerde maatskappye en gemagtigde derde partye.
(d) Enige en alle Lisensiëringsdata en Gebruiksdata wat Jy verskaf, sal vertroulik bly en mag, indien dit vereis word, deur Nuance bekend gemaak word om aan wetlike of regulatoriese vereistes te voldoen, soos ingevolge 'n hofbevel of aan 'n regeringsinstelling indien vereis of deur die wet gemagtig, of in die geval van 'n verkoping, samesmelting of verkryging aan 'n entiteit deur Nuance. Lisensiëringsdata en Gebruiksdata is aan Nuance se toepaslike privaatheidsbeleid onderworpe. Vir verdere inligting lees Nuance se privaatheidsbeleid by: http://www.nuance.com/company/company-overview/company-policies/privacy-policies/index.htm.
4. WEIERING VAN WAARBORGE. JY ERKEN EN AANVAAR DAT NUANCE EN SY GEAFFILIEERDE MAATSKAPPY SWYPE CONNECT EN DIE PROGRAMMATUUR "VOETSTOOTS", MET ALLE GEBREKE, EN SONDER 'N WAARBORG VAN ENIGE AARD VERSKAF. GEVOLGLIK STEM JY IN OM ALLE NODIGE VOORSORGMAATREËLS TE TREF OM JOU DATA EN STELSELS TEEN VERLIES EN SKADE TE BESKERM. IN DIE GROOTSTE MATE WAT TOEPASLIKE WETGEWING TOELAAT, ONTKEN NUANCE EN SY GEAFFILIEERDE MAATSKAPPYE ENIGE UITDRUKLIKE OF GEÏMPLISEERDE WAARBORG, WAARONDER ONDER ANDERE ENIGE WAARBORG VAN BEMARKBAARHEID, GESKIKTHEID VIR ENIGE BEPAALDE DOELEINDE EN NIESKENDING.
5. BEPERKING VAN AANSPREEKLIKHEID. IN DIE GROOTSTE MATE WAT TOEPASLIKE WETGEWING TOELAAT, SAL NUANCE, SY GEAFFILIEERDE MAATSKAPPYE, SY AMPTENARE, DIREKTEURE EN WERKNEMERS EN SY LISENSIEGEWERS NIE VIR ENIGE REGSTREEKSE, ONREGSTREEKSE, SPESIALE, TOEVALLIGE, VOORTVLOEIENDE OF BESTRAFFENDE SKADE AANSPREEKLIK WEES NIE, WAARONDER ONDER ANDERE SKADE WEENS DIE VERLIES AAN WINS, VERLIES AAN DATA, GEBRUIKSVERLIES, SAKEONTWRIGTING, EN DEKKINGSKOSTE WAT UIT DIE GEBRUIK VAN SWYPE CONNECT OF DIE PROGRAMMATUUR SPRUIT, HOE DIT OOK AL VEROORSAAK IS, INGEVOLGE ENIGE AANSPREEKLIKHEIDSTEORIE, SELFS AL IS HY DAARVAN BEWUS GEMAAK OF BEHOORT HY VOORAF VAN DIE MOONTLIKHEID VAN SULKE SKADE BEWUS TE GEWEES HET.
6. TERMYN EN BEËINDIGING. Hierdie Ooreenkoms begin met Jou aanvaarding van die bepalings en voorwaardes van hierdie Ooreenkoms en verval by die beëindiging daarvan. Hierdie Ooreenkoms sal outomaties verstryk as Jy enige van die bepalings of voorwaardes daarin skend. By die beëindiging sal jy onmiddellik ophou om die Programmatuur te gebruik en sal alle kopieë uitwis en sal ophou om Swype Connect te gebruik.
7. UITVOERVOLDOENING. Jy bepaal en waarborg dat (i) Jy nie in 'n land geleë is wat onderworpe is aan 'n regeringsverbod van die VSA of wat deur die VSA se regering aangewys is as 'n land wat "terrorisme ondersteun" nie; en (ii) Jy nie op enige lys van die VSA se regering van verbode of beperkte partye verskyn nie.
8. VSA REGERINGSEINDGEBRUIKERS. Die Programmatuur is 'n "kommersiële item", soos in 48 C.F.R. 2.101 gedefinieer, wat uit "kommersiële rekenaarprogrammatuur" en "kommersiële rekenaarprogrammatuurdokumentasie", soos sodanige terme in 48 C.F.R. gebruik word, bestaan. 12.212. In ooreenstemming met 48 C.F.R. 12.212 en 48 C.F.R. 227.7202-1 tot 227.7202-4 verkry alle eindgebruikers van die VSA se regering die Programmatuur slegs met die regte wat hierin uiteengesit is.
9. HANDELSMERKE. Derdeparty-handelsmerke, -handelsname, produkname en embleme (die "Handelsmerke") wat in Swype Connect of die Programmatuur vervat is of gebruik word, is die handelsmerke of geregistreerde handelsmerke van hul onderskeie eienaars, en die gebruik van sulke Handelsmerke sal tot voordeel van die handelsmerkeienaar wees. Die gebruik van sodanige Handelsmerke is bedoel om op werksversoenbaarheid te dui en dui nie op: (i) 'n affiliasie deur Nuance met sodanige maatskappy, of (ii) 'n aanbeveling of goedkeuring deur sodanige maatskappye van Nuance en sy produkte of dienste nie.
10. BEHERENDE WETGEWING.
Hierdie Ooreenkoms sal bestuur word deur en geïnterpreteer word ingevolge die wette van die land wat jou hoofplek of landsligging is soos hieronder uiteengesit, sonder inagneming van die keuse van wetsreëls en uitgesluit die Verenigde Nasies se Konvensie oor kontrakte vir die internasionale verkoop van goedere. Die partye onderwerp hul onvoorwaardelik en onherroeplik aan die eksklusiewe jurisdiksie en ligging van die howe wat hieronder aangedui is vir jou hoofplek of landsligging en die toepaslike betekening van prosesstukke.
Jou hoofligging of landsligging - Verenigde State, Kanada, Meksiko, Sentraal-Amerika en Suid-Amerika, Taiwan of Korea
Beherende wetgewing - Gemenebes van Massachusetts, Verenigde State van Amerika
Eksklusiewe jurisdiksie en ligging van howe - Federale of deelstaathowe van Massachusetts in Massachusetts
Jou hoofligging of landsligging - Australië of Nieu-Seeland
Beherende wetgewing - Nieu-Suid-Wallis, Australië
Eksklusiewe jurisdiksie en ligging van howe - Howe van Nieu-Suid-Wallis Australië in Nieu-Suid-Wallis
Jou hoofligging of landsligging - Indië of Singapoer
Beherende wetgewing - Singapoer
Eksklusiewe jurisdiksie en ligging van howe - Howe van Singapoer in Singapoer
Jou hoofligging of landsligging - China of Hongkong
Beherende wetgewing - Spesiale Administratiewe Streek van Hongkong
Eksklusiewe jurisdiksie en ligging van howe - Howe van Spesiale Administratiewe Streek van Hongkong in Hongkong
Jou hoofligging of landsligging - Europese Ekonomiese Gebied (EEG), Europa, die Midde-Ooste of Afrika, of Rusland
Beherende wetgewing - Ierland
Eksklusiewe jurisdiksie en ligging van howe - Dublin, Ierland
Jou hoofligging of landsligging - Res van die wêreld
Beherende wetgewing - **Gemenebes van Massachusetts, Verenigde State van Amerika, tensy onopdwingbaar in jou land en in dié geval: as enige van bogenoemde wette opdwingbaar is, dan sal dit van toepassing wees (met die hoogste op die lys wat voorkeur kry), andersins sal jou plaaslike wetgewing van toepassing wees.
Eksklusiewe jurisdiksie en ligging van howe - **Federale of deelstaathowe van Massachusetts in Massachusetts
Ondanks enigiets tot die teendeel in hierdie Ooreenkoms mag enige van die partye preliminêre of interlokutoriese regsmiddele nader ten opsigte van enige saak wat ingevolge hierdie Ooreenkoms ontstaan in 'n land waar enige van die partye geleë is.
11. BEPALINGS ONDERWORPE AAN VERANDERING. Jy erken en aanvaar dat Nuance die bepalings en voorwaardes van hierdie Ooreenkoms van tyd tot tyd ná redelike kennisgewing wat deur Jou toestel aan Jou verskaf is, mag wysig. As jy nie met sulke wysigings aan hierdie Ooreenkoms saamstem nie, is jou enigste uitweg om op te hou om toegang tot Swype Connect te verkry, waaronder onder andere die aflaai en installering van enige Programmatuur.
12. ALGEMENE REGSBEPALINGS. Jy mag nie enige regte of verpligtinge ingevolge hierdie Ooreenkoms sonder geskrewe vooraftoestemming deur Nuance toewys of andersins oordra nie. Hierdie Ooreenkoms is die hele ooreenkoms tussen Jou en Nuance en vervang enige ander kommunikasie of reklame ten opsigte van Swype Connect en die Programmatuur. As enige bepaling van hierdie Ooreenkoms as ongeldig of onopdwingbaar beskou word, sal sodanige bepaling slegs hersien word in die mate wat nodig is om die ongeldigheid of onopdwingbaarheid reg te stel, en die res van hierdie Ooreenkoms sal steeds ten volle van krag en van toepassing wees. As Nuance in gebreke bly om enige reg of bepaling in hierdie Ooreenkoms uit te oefen of toe te pas, sal dit nie daarop dui dat daar van sodanige reg of bepaling afstand gedoen word nie. Artikels 2, 3, 4, 5, 6, 8, 9, 10 en 12 van hierdie Ooreenkoms sal ná die verstryking of beëindiging van hierdie Ooreenkoms voortduur.