Tanggal Direvisi Pungkasan: 26 September 2014

PERJANJIAN LISENSI PANGGUNA AKHIR SWYPE KALIYAN DRAGON DICTATION

MENIKA PERJANJIAN HUKUM ANTARANE PANJENENGAN (MINANGKA PRIBADI UTAWA ENTITAS/BADAN HUKUM KANG NGGUNAKAKE SWYPE LAN/UTAWA APLIKASI DRAGON DICTATION) KALIYAN NUANCE COMMUNICATIONS, INC. ("NUANCE"). MANGGA DIWACA KATEMTUAN ING NGISOR IKI KANTHI PERMATI.

PANJENENGAN KUDU NYETUJONI KATEMTUAN ING KASEPAKATAN LISENSI PANGGUNA PUNGKASAN IKI ("KASEPAKATAN") SUPAYA BISA INSTAL LAN NGGUNAKAKE PERANGKAT LUNAK SWYPE LAN/UTAWA LAYANAN DRAGON DICTATION. KANTHI NGEKLIK TOMBOL "TAMPA", PANJENENGAN SETUJU KAIKET DENING KATEMTUAN ING KASEPAKATAN IKI. PANJENENGAN ORA ENTUK NGGUNAKAKE PERANGKAT LUNAK SWYPE UTAWA LAYANAN DRAGON DICTATION KANTHI CARA APA WAE KAJABA YEN PANJENENGAN NAMPA SYARAT LAN KATEMTUAN IKI.

Perangkat lunak Swype lan layanan Dragon Dictation amot aplikasi klien/server tartamtu kang ngidini pangguna piranti kanggo ngendhaleni operasi piranti iku kayata liwat input teks lan prentah wicara, kalebu, nanging ora winates, kasanggupan gawe teks lan pesen email. Syarat lan katemtuan umum ing ngisor iki ngidini panjenengan ngundhuh, nginstal, lan nggunakake perangkat lunak Swype, kalebu perangkat lunak Swype tambahan apa wae kang disedhiyakake Nuance lan para pamasoke kanggo panjenengan, ("Perangkat Lunak"), kang nyawisake cara input teks lan ngidini pangguna ngakses aplikasi server Dragon Dictation kang diinstal ing fasilitas Nuance ("Layanan"), lan ngiringi dokumentasi kang dicawisake dening Nuance kanggo nggunakake Perangkat Lunak sarta ngakses Layanan.

1. MENEHI LISENSI. Nuance lan para pamasoke menehi panjenengan ("Lisensi"), lisensi winates kang pribadi, non-eksklusif, non-transfer, non-sublisensi lan bisa dijabel, mung ing format kode objek, kanggo nginstal lan nggunakake Perangkat Lunak ing Piranti siji, lan kanggo ngakses Layanan liwat Perangkat Lunak ing Piranti mau, mung ing negara lan basa kang disedhiyake ing Perangkat Lunak sarta Layanan dening Nuance lan para pamasoke. "Piranti" yaiku piranti ponsel kaotorisasi kang dijlentrehake ing situs web Nuance, yaiku ing http://www.nuancemobilelife.com, kang uga bisa dianyarake dening Nuance sak wayah-wayah. Sabanjure panjenengan mangerteni lan nyetujoni yen Nuance bakal nyedhiyani undhuhan Perangkat Lunak tambahan, kalebu nanging ora winates basa, tombol papan, utawa kamus, lan yen panjenengan mung bisa nggunakake undhuhan Perangkat Lunak tambahan iku nganggo Perangkat Lunak kang dicawisake ing ngisor iki, lan yen panggunaan panjenengan tumrap undhuhan Perangkat Lunak tambahan iku tundhuk marang syarat lan katemtuan Kasepakatan iki. Panjenengan tanggung jawab babagan prabeya apa wae kang kudu panjenengan tanggung lan dikenakake dening pihak katelu (yaiku Google, Amazon, Apple), kang bisa ganti sak wayah-wayah, gegayutan karo undhuhan lan panggunaan Perangkat Lunak sarta Layanan panjenengan. Nuance ora duwe kewajiban kanggo mbalekake dhuwit pambayaran apa wae menyang pihak katelu kanggo Perangkat Lunak lan Layanan kang panjenengan gunakake kaya kang kasebut ing Kasepakatan iki. Sabanjure panjenengan mangerteni lan setuju yen Perangkat Lunak lan Layanan bakal nggunakake jaringan tanpa kabel/nirkabel kanggo ngirim lan nampa data, lan yen operator seluler lan pihak katelu liyane bakal nagih bayaran airtime prabeya data lan/utawa panggunaan Perangkat Lunak lan Layanan.

2. KEWAJIBAN LISENSI.

2.1. WATESAN. Panjenengan ora entuk (kajaba yen diidinake dening hukum): (a) kirim pitakonan kaotomasi utawa karekam apa wae babagan Perangkat Lunak utawa Layanan kajaba yen wis disetujoni kanthi tinulis dening Nuance; (b) nggunakake Perangkat Lunak lan Layanan sak liyane panggunaan panjenengan dhewe; (c) ngakses Layanan nganggo perangkat lunak utawa cara sak liyane Perangkat Lunak; (d) nyalin, reproduksi, nyebarake, utawa cara duplikasi liyane, Perangkat Lunak, sakabehe utawa sak perangan; (e) adol, nyewakake, menehi lisensi, menehi sublisensi, nyebarke, menehake, ngalihake, utawa yen ora mengkono aweh hak apa wae ing Perangkat Lunak utawa Layanan, sakabehe utawa saperangan; (f) modifikasi, ngowahi, njarwa, utawa gawe kreasi tiruan Perangkat Lunak utawa Layanan; (g) nguwali, nguculi rakitan, ngowahi rekayasa, utawa yen ora mengkono upaya nglacak, rekonstruksi, identifikasi utawa nemokake kode sumber apa wae, gagasan kang ndhasari, utawa algoritma, Perangkat Lunak utawa Layanan nganggo cara apa wae; (h) ngilangi katrangan hak milik apa wae, label, utawa tandha saka Perangkat Lunak, utawa (i) nggunakake Perangkat Lunak utawa Layanan kanthi tujuan mbandingake utawa gawe tolok ukur nglawan produk utawa layanan kang disedhiyakake dening pihak katelu.

3. HAK MILIK.

3.1. PERANGKAT LUNAK LAN LAYANAN. Nuance lan para lisensore nguasai kabeh hak, wewenang, lan kepentingan ing Perangkat Lunak lan Layanan kalebu, nanging ora winates, kabeh paten, hak cipta, rahasia dagang, merek dagang, lan hak milik intelektual liyane kang gegayutan, lan kabeh wewenang kanggone hak kasebut tetep dadi duweke Nuance lan/utawa para lisensore. Upaya nyalin Perangkat Lunak utawa Layanan kang tanpa otorisasi, utawa kagagalan nuruti kabeh larangan kasebut ing ndhuwur, bakal nyebabake Kasepakatan iki lan kabeh lisensi kang ngiringi dilereni kanthi otomatis, lan menehi Nuance kabeh panggantian sakcara hukum lan pantes tumrape palanggaran kasebut.

3.2. PERANGKAT LUNAK PIHAK KATELU. Perangkat Lunak bisa uga amot perangkat lunak pihak katelu kang mbutuhake pratelan lan/utawa syarat lan katemtuan tambahan. Pratelan perangkat lunak pihak katelu lan/utawa syarat lan katemtuan tambahan kasebut kapacak ing http://swype.com/attributions lan minangka perangan lan kagabung dadi siji karo Kasepakatan iki. Kanthi nampa Kasepakatan iki, Panjenengan uga nampa syarat lan katemtuan tambahan, yen ana, kang kaandharake ing kene.

3.3. DATA WICARA LAN DATA LISENSI.

(a) DATA WICARA. Minangka perangan saka Layanan, Nuance ngumpulke lan nggunakake Data Wicara, kaya kang dijlentrehake ing ngisor iki, kanggo nyetem, ningkatake, lan ngapiki pangenalan wicara lan komponen liyane ing Layanan, lan layanan lan produk Nuance liyane. Kanthi nampa syarat lan katemtuan Kasepakatan iki, panjenengan mangerteni, ngidini, lan nyetujoni yen Nuance bakal ngumpulke Data Wicara minangka perangan saka Layanan, lan yen informasi kasebut mung bakal digunakake dening Nuance utawa pihak katelu kang tumindak miturut pangarahane Nuance, kaya kang kasebut ing kasepakatan karahasian, kanggo nyetem, ningkatake, lan ngapiki pangenalan wicara lan komponen liyane ing Layanan, lan layanan sarta produk Nuance liyane. Nuance ora bakal nggunakake elemen informasi ing Data Wicara kanggo tujuan apa wae kajaba kang diandharake ing ndhuwur. "Data Wicara" ateges berkas audio, transkripsi kang gegayutan lan berkas cathetan kang panjenengan cawisake ing ngisor iki utawa digawe amarga ana gandhengane karo Layanan. Sakabehe Data Wicara kang panjenengan cawisake bakal tetep dadi rahasia lan ora dibukak dening Nuance, yen dijaluk mengkono, supaya sarujuk karo syarat hukum lan wewaton, kayata miturut prentah pangadilan utawa lembaga pamarentah yen dijaluk utawa diotorisasi dening hukum, utawa yen diadol, merger utawa akuisisi marang entitas/badan hukum liyane dening Nuance.

(b) DATA LISENSI. Minangka perangan Perangkat Lunak lan Layanan, Nuance lan para pamasoke uga ngumpulke lan nggunakake Data Lisensi, kaya dijlentrehake ing ngisor iki. Panjenengan mangerteni, ngidini, lan nyetujoni yen Nuance ngumpulke Data Lisensi minangka perangan saka katemtuan Perangkat Lunak lan Layanan. Data Lisensi digunakake kanggo nulung Nuance utawa pihak katelu kang tumindak miturut pangarahane Nuance, kanggo netepi kasepakatan karahasiaan, ngembangake, mbangun, lan ngapiki produk lan layanan. Data Lisensi kaanggep informasi non-pribadi, amarga Data Lisensi iku format kang ora ngidini gegandhengan langsung karo individu tartamtu. "Data Lisensi" yaiku katrangan babagan Perangkat lan piranti panjenengan, contone: merek piranti, nomer model, tampilan, ID piranti, alamat IP, lan data liya kang memper.

(c) Panjenengan mangerteni yen sajrone nggunakake Perangkat Lunak lan Layanan panjenengan ngidini pangumpulan lan panggunaan kaya kang diandharake ing kene babagan Data Wicara lan Data Lisensi, kalebu transfer loro-lorone menyang Amerika Serikat lan/utawa negara liyane kanggo disimpen, diproses, lan digunakake dening Nuance lan mitra pihak katelu.

(d) Data Wicara lan Data Lisensi tundhuk marang kabijakan privasi kang diterapake Nuance. Kanggo informasi sabanjure, mangga pirsani kabijakan privasi Nuance ing http://www.nuance.com/company/company-overview/company-policies/privacy-policies/index.htm.

4. DHUKUNGAN. Kanggo gampangake proses evaluasi lan pangujian Perangkat Lunak lan Layanan, pihak kang nduweni Lisensi bisa ngrujuk marang pitakonan kang kerep diajokake menyang Nuance ing http://www.nuancemobilelife.com. Kanggo dhukungan tambahan, pihak kang nduweni Lisensi bisa njaluk dhukungan liwat situs web kang sumadhiya wiwit biyen, lan gumantung kasedhiyan personel Nuance, Nuance nyadhiyake layanan dhukungan saperlune liwat faks, email, utawa cara liyane kanggo pihak kang nduweni Lisensi ngenani cacat lan/utawa klarifikasi fungsi lan fitur Perangkat Lunak lan Layanan. Dhukungan Nuance bakal mangsuli pitakonan sajrone 48 jam bisnis (ora kalebu pungkasan minggu lan prei nasional / perusahaan).

5. PANAFIAN JAMINAN. PANJENENGAN MANGERTENI KALIYAN SETUJU BILIH NUANCE LAN PARA LICENSOR SARTA PAMASOKE NYAWISI NAMUNG PENJENENGAN PIYAMBAK PERANGKAT LUNAK LAN LAYANAN LAN UGA NGIDINI PANJENENGAN NGGUNAKAKE PERANGKAT LUNAK SARTA LAYANAN. AMARGA SAKA IKU, PANJENENGAN SETUJU LEKSANAKAKE SAKABEHE TUMINDAK PANCEGAHAN LAN JAGA-JAGA KANG DIPERLOKAKE KANGGO NGLINDHUNGI DATA LAN SISTEM SUPAYA ORA ILANG UTAWA RUSAK. NUANCE, PARA LISENSOR, LAN PAMASOK NYAWISAKE PERANGKAT LUNAK LAN LAYANAN "APA ANANE", KALEBU KABEH KEKURANGANE, LAN TANPA JAMINAN APA WAE. NGANTI TARAF MAKSIMUM KANG DIIDINAKE DENING HUKUM KANG DITERAPKAKE, NUANCE, PARA LISENSOR LAN PAMASOKE NEGESAKE PANAFIAN TUMRAP JAMINAN APA WAE KANG DIPRATELAKAKE UTAWA DISEMOKAKE, KALEBU JAMINAN MERKANTIBILITAS, KACOCOKAN KANGGO TUJUAN TARTAMTU, UTAWA NON-PALANGGARAN TARTAMTU.

6. WATESAN TANGGUNG JAWAB. NGANTI TARAF MAKSIMUM KANG DIIDINAKE DENING HUKUM KANG DITERAPAKE, NGANTI KAPAN WAE NUANCE, PANGARSANE, DIREKTUR, LAN PEGAWENE, PARA PAMASOK UTAWA PIHAK LISENSOR, ORA TANGGUNG JAWAB MARANG KARUSAKAN LANGSUNG, ORA LANGSUNG, KHUSUS, INSIDENTIL, KONSEKUENSIAL LAN KARUSAKAN CONTO, KALEBU NANGING ORA WINATES, KARUSAKAN AMARGA ILANGE BEBATHEN, ILANGE DATA, ILANGE PANGGUNAAN, INTERUPSI BISNIS, UTAWA WRAGAD KANGGO NUTUP KARUGIAN, KANG DISEBABAKE PANGGUNAAN PERANGKAT LUNAK UTAWA LAYANAN, SANAJAN DISEBABAKE, MITURUT TEORI LIABILITAS APA WAE, SANAJAN DILAPURI UTAWA KUDU DINGERTENI YEN ANA KEMUNGKINAN BAKAL ANA KARUSAKAN KASEBUT.

7. KATEMTUAN LAN TERMINASI. Kasepakatan iki diwiwiti yen Panjenengan wis nampa syarat lan katemtuan Kasepakatan iki lan mandheg yen dilereni. Nuance bakal nglereni Kasepakatan iki, lan/utawa lisensi kang disebutake ing ngisor iki, kapan wae mligi adhedhasar kabijakan, kanthi utawa tanpa jalaran, ngandhani panjenengan yen Layanan wis mandheg utawa dilereni. Kasepakatan bakal mandheg kanthi otomatis yen ana palanggaran tumrap syarat lan katemtuan apa wae dening panjenengan. Sawise dilereni, panjenengan kudu enggal ngendhegake panggunaan, lan mbusak kabeh salinan Perangkat Lunak.

8. PITUHON EKSPOR. Panjenengan mratelakake lan njamin yen (i) Panjenengan ora manggon ing negara kang tundhuk marang embargo Pamarentah AS, utawa wis ditegesake dening Pamarentah AS minangka negara kang "ndhukung teroris" lan; (ii) Panjenengan ora mlebu ing dhaptar Pamarentah AS minangka pihak kang dilarang utawa diwatesi.

9. MEREK DAGANG. Merek dagang pihak katelu, jeneng produk, lan logo ("Merek Dagang") kang diamot ing utawa digunakake dening Perangkat Lunak utawa Layanan iku merek dagang utawa merek dagang kadhaftar duweke para pihak kang nduweni, lan panggunaan Merek Dagang kasebut wis samesthine dadi kauntungane pihak kang nduweni merek dagang kasebut. Panggunaan Merek Dagang kasebut karepe kanggo nuduhake interoperabilitas lan ora netepake: (i) afiliasi dening Nuance karo perusahaan kasebut, utawa (ii) pangesahan utawa pasetujonan perusahaan kasebut dening Nuance sarta produk lan layanan.

10. HUKUM SING NGATUR. Kasepakatan iki diatur miturut hukum Commonwealth of Massachusetts, Amerika Serikat, tanpa ngrujuk konflik prinsip hukum, lan panjenengan ngirim menyang yurisdiksi eksklusif pengadilan federal lan negara ing Commonwealth kasebut gegandhengan karo pradondi apa wae kang kadadeyan amarga Kasepakatan iki. Kasepakatan iki ora diatur miturut the United Nations Convention of Contracts for the International Sale of Goods, kang aplikasine ing kene ora dilebokake.

11. KATEMTUAN KANG BISA DIGANTI. Panjenengan mangerteni lan nyetujoni yen Nuance bisa ngganti syarat lan katemtuan ing Kasepakatan iki sak wayah-wayah kanthi ngandhani kang diperlokake menyang alamat kang panjenengan dhaptarake, kalebu alamat email. Yen panjenengan ora nyetujoni panggantian kasebut ing Kasepakatan iki, panjenengan cukup leren nggunakake Perangkat Lunak lan Layanan. Panggunaan terus perangan apa wae Perangkat Lunak lan Layanan iki sawise Nuance ngirimi panjenengan informasi saperlune babagan panggantian kasebut supaya panjenengan bisa priksa maneh bakal dianggep yen panjenengan nampa panggantian kasebut.

12. KATEMTUAN HUKUM UMUM. Panjenengan ora entuk menehake utawa ngalihake hak utawa kuwajiban apa wae ing Kasepakatan iki tanpa idin tinulis sadurunge saka Nuance. Kasepakatan iki minangka kasepakatan wutuh antarane Nuance lan panjenengan sarta ngganti komunikasi utawa pariwara liyane kang gegandhengan karo Perangkat Lunak. Yen ana wewaton ing Kasepakatan iki kang kaanggep ora sahih utawa ora bisa dipatrapake, wewaton kasebut bakal dibenerake mligi ing babagan kang perlu kanggo ndandani kahanan kang ora sahih utawa ora bisa dipatrapake mau, lan isi liyane ing Kasepakatan iki tetep diterusake kaya kang sak mesthine. Kagagalan Nuance kanggo nerapake utawa ngleksanakake hak utawa wewaton apa wae ing Kasepakatan iki ora ateges palepasan hak tumrap hak utawa wewaton kasebut. Bab 2, 3, 5, 6, 7, 9, 10, lan 12 Kasepakatan iki tetep digunakake sanajan Kasepakatan iki kadaluwarsa utawa dilereni.