ថ្ងៃទី 26 ខែកញ្ញា ឆ្នាំ 2014

SWYPE ជាមួយកិច្ចព្រមព្រៀងអាជ្ញាប័ណ្ណអ្នកប្រើចុងក្រោយ​នៃវចនានុក្រម DRAGON DICTATION

នេះគឺជាកិច្ចព្រមព្រៀងផ្លូវច្បាប់មួយរវាងអ្នក (បុគ្គល ឬអង្គភាពដែលប្រើប្រាស់ SWYPE និង/ឬកម្មវិធីវចនានុក្រម DRAGON DICTATION) និងសាជីវកម្ម NUANCE COMMUNICATIONS, INC. ("NUANCE")។ សូមអានលក្ខខណ្ឌដូចតទៅនេះដោយប្រុងប្រយ័ត្ន។

អ្នកត្រូវតែយល់ស្របតាមលក្ខខណ្ឌនៃកិច្ចព្រមព្រៀងអាជ្ញាប័ណ្ណអ្នកប្រើចុងក្រោយនេះ ("កិច្ចព្រមព្រៀង") ដើម្បីដំឡើង និងប្រើប្រាស់សុហ្វវែរ SWYPE នេះ និង/ឬ សេវាកម្មវចនានុក្រម DRAGON DICTATION ។ ដោយការចុចលើប៊ូតុង "ព្រមទទួល", អ្នកយល់ស្របអនុវត្តតាមលក្ខខណ្ឌនៃកិច្ចព្រមព្រៀងនេះ។ អ្នកប្រហែលមិនអាចប្រើប្រាស់សុហ្វវែរ SWYPE នេះ ឬសេវាកម្ម​វចនានុក្រម DRAGON DICTATION ក្នុងវិធីណាមួយទេ លុះត្រាតែអ្នកបានយល់ព្រម​ទទួលលក្ខខណ្ឌទាំងនេះ។

សុហ្វវែរ Swype និង សេវាកម្មវចនានុក្រម Dragon Dictation រួមមាន កម្មវិធី​ម៉ាស៊ីនកូន/ម៉ាស៊ីនមេជាក់លាក់ ដែលអនុញ្ញាតឱ្យ​អ្នកប្រើ​ប្រាស់​ឧបករណ៍នានាគ្រប់គ្រងប្រតិបត្តិការជាក់លាក់មួយចំនួននៃឧបករណ៍ទាំងនោះតាមរយៈការបញ្ចូលអត្ថបទ និងពាក្យបញ្ជាជាសម្តី ដែលរាប់បញ្ចូល ប៉ុន្តែមិនកំណត់លើ សមត្ថភាពក្នុងការបង្កើតអត្ថបទ និងសាររបស់​អ៊ីម៉ែលទេ។ លក្ខខណ្ឌទូទៅខាងក្រោមអនុញ្ញាតឱ្យអ្នកទាញយក ដំឡើង និងប្រើប្រាស់សុហ្វវែរ Swype ដែលរួមមានទាំងសុហ្វវែរ Swype បន្ថែម ដែល Nuance និងអ្នកផ្គត់ផ្គង់របស់ខ្លួនអាចធ្វើឱ្យ​អ្នកប្រើប្រាស់បាន ("សុហ្វវែរ" ) ដែលផ្តល់នូវរបៀបបញ្ចូល​អត្ថបទ និងអនុញ្ញាតឱ្យអ្នកប្រើប្រាស់ចូលទៅកាន់កម្មវិធី​ម៉ាស៊ីនមេវចនានុក្រម Dragon Dictation ដែលបានដំឡើងនៅមណ្ឌល Nuance ("សេវាកម្ម") និងដែលរួមជាមួយឯកសារដែលត្រូវ​បានផ្តល់ឱ្យដោយ Nuance សម្រាប់ការប្រើប្រាស់សុហ្វវែរ និងការចូលទៅកាន់សេវាកម្មនេះ។

1. ការផ្តល់អាជ្ញាប័ណ្ណ។ Nuance និងអ្នកផ្គត់ផ្គង់របស់ខ្លួនផ្តល់សិទ្ធិដល់អ្នក ("អ្នកទទួលអាជ្ញាប័ណ្ណ") អាជ្ញាប័ណ្ណមានកម្រិតផ្ទាល់ខ្លួន មិនផ្តាច់មុខ មិនអាចផ្ទេរបាន មិនមានអនុអាជ្ញាប័ណ្ណ ដែលអាចដកបាន ក្នុងទម្រង់ក្រមគោលបំណងប៉ុណ្ណោះ ដើម្បីដំឡើង និងប្រើប្រាស់សុហ្វវែរនៅលើឧបករណ៍ទោល និងដើម្បីចូលទៅកាន់សេវាកម្មតាមរយៈសុហ្វវែរនេះលើ​ឧបករណបែននេះ តែនៅក្នុងបណ្តាប្រទេស និងភាសានៅ​ក្នុងសុហ្វវែរនេះ និងនៅក្នុងសេវាកម្មដូចដែលបាន​ធ្វើឡើងឱ្យអាចប្រើបានដោយ Nuance និងអ្នកផ្គត់ផ្គង់​របស់ខ្លួនប៉ុណ្ណោះ។ "ឧបករណ៍" គឺជាឧបករណ៍ចល័តដែលបានអនុញ្ញាតដូច​ដែលបានពិពណ៌នានៅលើគេហទំព័រ Nuance ដែលមានទីតាំងនៅ http://www.nuancemobilelife.com, ដែលអាចត្រូវបាន​ធ្វើបច្ចុប្បន្នភាពដោយ Nuance ពីមួយពេលទៅមួយពេល។ អ្នកមានការទទួលស្គាល់ និងយល់ស្របបន្ថែមថា Nuance អាចធ្វើឱ្យ​មានការទាញយកសុហ្វវែរបន្ថែមអាចរកបាន ដែលរាប់បញ្ចូល ប៉ុន្តែមិនកំណត់លើ ភាសា ក្តារចុច ឬ​វចនានុក្រម និងថាការប្រើប្រាស់​ការទាញយកសុហ្វវែរ​បន្ថែមបែបនេះគឺអាចប្រែប្រួលតាមលក្ខខណ្ឌ​នៃកិច្ចព្រមព្រៀងនេះ។ អ្នកមានទំនួលខុសត្រូវលើថ្លៃចំណាយណាមួយដែលអ្នកជួបប្រទះ និងត្រូវបានគិតថ្លៃដោយភាគីទីបី (ឧទា. Google, Amazon, Apple) ដែលអាចប្រែប្រួលតាមពេលនីមួយៗ ទាក់ទងជាមួយនឹងការទាញ​យក​របស់អ្នក និងការប្រើប្រាស់សុហ្វវែរ និងសេវាកម្មនេះ។ Nuance មិនមានកាតព្វកិច្ចក្នុងការប្រគល់ប្រាក់ត្រឡប់នៃការទូទាត់​ណាមួយដែលបានធ្វើឡើងទៅលើភាគីទីបីបែបនោះឡើយសម្រាប់ការប្រើប្រាស់សុហ្វវែរ ឬសេវាកម្មនេះ ដូចដែលបានចែងក្នុងកិច្ច​ព្រមព្រៀងនេះ។ អ្នកទទួលស្គាល់ និងយល់ស្របបន្ថែមថា សុហ្វវែរ និង​សេវាកម្មនេះ​នឹងប្រើប្រាស់បណ្តាញឥតខ្សែររបស់អ្នក​ដើម្បីផ្ញើ និងទទួលទិន្នន័យ និងថាក្រុមហ៊ុនទូរស័ព្ទចល័ត​របស់អ្នក និងភាគីទីបីផ្សេងទៀតអាច​នឹងចេញវិក្កយបត្រ​លើថ្លៃសេវាអាកាសរបស់សុហ្វវែរ និងសេវាកម្មនេះ ទិន្នន័យ និង/ឬថ្លៃប្រើប្រាស់ពីអ្នក។

2. កាតព្វកិច្ចរបស់អ្នកទទួលអាជ្ញាប័ណ្ណ។

2.1. ការដាក់កំហិត. អ្នកមិនអាច (លើកលែងតែមានការអនុញ្ញាតដោយ​ច្បាប់)៖ (a) ដាក់ស្នើនូវសំណួរស្វ័យចោទសួរ ឬដែលបានថតជាសម្លេង​ណាមួយ​ជាមួយសុហ្វវែរ ឬចំពោះសេវាកម្មនេះ លុះត្រាតែ​ត្រូវបានអនុម័ត​ក្នុងន័យផ្សេងជាលាយលក្ខណ៍អក្សរដោយ Nuance; (b) ប្រើប្រាស់សុហ្វវែរ និងសេវាកម្មនេះក្រៅពីការប្រើប្រាស់​ផ្ទាល់ខ្លួនរបស់អ្នក; (c) ចូលទៅកាន់សេវាកម្មនេះជាមួយសុហ្វវែរ ឬមធ្យោបាយ​នានាក្រៅពីសុហ្វវែរនេះ (d) ថតចម្លង ផលិតឡើងវិញ ចែកចាយ ​ឬក្នុង​លក្ខណៈ​ផ្សេងទៀតណាមួយ ​ចម្លងសុហ្វវែរ​នេះទាំងមូល ​ឬដោយផ្នែក (e) លក់ ជួល ផ្តល់អាជ្ញាប័ណ្ណ អនុអាជ្ញាប័ណ្ណ ចែកចាយ ជ្រើសតាំង ផ្ទេរ ឬផ្តល់សិទ្ធិក្នុងន័យផ្សេងដល់សិទ្ធិណាមួយនៅក្នុងសុហ្វវែរ ឬសេវាកម្មនេះ ទាំងស្រុង ឬតាមផ្នែក; (f) កែសម្រួល កែប្រែ បកប្រែ ឬបង្កើតការងារកម្លាយនូវសុហ្វវែរ ឬសេវាកម្មនេះ; (g) រុះរើ ដោះដូរ ធ្វើវិស្វកម្មបញ្ច្រាស់ ឬប៉ុនប៉ងក្នុងន័យផ្សេងដើម្បី​ទាញយក បង្កើតឡើងវិញ កំណត់អត្តសញ្ញាណ ឬស្រាវជ្រាវកូដ​ដើមទាំងឡាយ គំនិតបង្កើតជាមូលដ្ឋាន ឬក្បួនដោះស្រាយ នៃ​សុហ្វវែរ ឬសេវាកម្មតាមមធ្យោបាយណាមួយ; (h) លុបចោលការជូនដំណឹង ស្លាកសញ្ញា​ ឬ​សញ្ញាកម្មសិទ្ធិណាមួយពីសុហ្វវែរនេះ; ឬ (i) ប្រើសុហ្វវែរ ឬសេវាកម្មសម្រាប់គោលបំណងនៃ​ការប្រៀបធៀប​ជាមួយ ឬការយកធ្វើជាគំរូស្តង់ដារប្រឆាំង​នឹង​ផលិតផល ឬ​សេវាកម្មនានាដែលបានធ្វើឡើងរកបាន​ដោយភាគីទីបី។

3. សិទ្ធិម្ចាស់កម្មសិទ្ធិ.

3.1. ទិន្នន័យសម្តី និងទិន្នន័យផ្តល់អាជ្ញាប័ណ្ណ ។ Nuance និងអ្នកផ្តល់អាជ្ញាប័ណ្ណមានសិទ្ធិទាំងអស់ តួនាទី និង​ផលប្រយោជន៍លើសុហ្វវែរ និងសេវាកម្មដែលរាប់បញ្ចូល ប៉ុន្តែមិនកំណត់លើ ប៉ាតង់ទាំងអស់ ការរក្សាសិទ្ធិ អាថ៌កំបាំងជំនួញ និក្ខិតសញ្ញា និងកម្មសិទ្ធិបញ្ញាផ្សេងទៀតដែលពាក់ព័ន្ធ​ជាមួយ និង​តួនាទីទាំងអស់ទៅលើសិទ្ធិបែបនោះនឹងត្រូវរក្សាក្នុងឆន្ទានុសិទ្ធិរបស់ Nuance និង/ឬអ្នកផ្តល់អាជ្ញាប័ណ្ណរបស់ខ្លួន។ ការថតចម្លងនូវសុហ្វវែរ ឬសេវាកម្មដែលមិនមានការ​អនុញ្ញាត ឬ​ការមិនអនុលោមតាមការដាក់កំហិតនានា​ខាងលើ នឹងផ្តល់ជា​លទ្ធផលក្នុងការលុបចោលដោយស្វ័យ​ប្រវត្តនូវកិច្ចព្រមព្រៀងនេះ និងអាជ្ញាប័ណ្ណទាំងអស់ដែល​បានផ្តល់សិទ្ធិស្ថិតនៅក្រោម ហើយនឹង​ធ្វើឱ្យអាចរកបាន​ចំពោះ Nuance នូវដំណោះស្រាយស្របច្បាប់ និងមានសមភាពទាំងអស់សម្រាប់ការបំពានក្នុងនោះ។

3.2. លក្ខខណ្ឌផ្នែកច្បាប់ទូទៅ. សុហ្វវែរនេះអាចមានសុហ្វវែរភាគីទីបីដែលតម្រូវឱ្យមានការជូនដំណឹង និង / ឬលក្ខខណ្ឌបន្ថែម។ សេចក្តីជូនដំណឹង និង/ឬលក្ខខណ្ឌបន្ថែមលើសុហ្វវែររបស់​ភាគីទីបីដែលបានតម្រូវបែបនេះគឺមានទីតាំងនៅ http://swype.com/attributions និងត្រូវបានធ្វើជាផ្នែកមួយនៃ និងរួមបញ្ចូលដោយឯកសារយោងទៅក្នុងកិច្ចព្រមព្រៀងនេះ។ ដោយទទួលយកកិច្ចព្រមព្រៀងនេះ អ្នកក៏ត្រូវទទួលយក​លក្ខខណ្ឌបន្ថែម ប្រសិនបើ​មានដូចដែលចែងក្នុងកិច្ច​ព្រមព្រៀងនេះ។

3.3. ទិន្នន័យសម្តី និងទិន្នន័យផ្តល់អាជ្ញាប័ណ្ណ។

(a) ទិន្នន័យសម្តី ។ ដោយឡែកពីសេវាកម្មនេះ Nuance ប្រមូល និងប្រើប្រាស់​ទិន្នន័យសម្តី ដូចដែលបានកំណត់ខាងក្រោម ដើម្បីលៃសម្រួល ពង្រឹង និងកែលម្អនូវការស្គាល់សម្តី និងសមាសភាគផ្សេងទៀត​នៃ​សេវាកម្មនេះ និងសេវាកម្ម និងផលិតផលរបស់ Nuance ផ្សេងទៀត។ ក្នុងការព្រមទទួលយកលក្ខខណ្ឌនៃកិច្ចព្រមព្រៀងនេះ អ្នកទទួលស្គាល់ យល់ព្រម និងយល់ស្របថា Nuance អាចប្រមូលទិន្នន័យសម្តី ជាផ្នែកនៃសេវាកម្ម ហើយព័ត៌មានបែបនោះនឹងត្រូវបានប្រើប្រាស់ដោយ Nuance ឬ បណ្តាភាគីទីបីដែលដើរតួនាទីស្ថិតក្រោម​ការណែនាំរបស់ Nuance ប៉ុណ្ណោះ ដែលយោងតាងកិច្ចព្រមព្រៀងការសម្ងាត់ ក្នុងការលៃសម្រួល ពង្រឹង និងកែលម្អនូវការស្គាល់សម្តី និងសមាសភាគផ្សេងទៀតនៃសេវាកម្មនេះ និងសេវាកម្ម និងផលិតផលរបស់ Nuance ផ្សេងទៀត។ Nuance នឹងមិនប្រើសមាសធាតុព័ត៌មាននេះក្នុងទិន្នន័យសម្តី​ទាំង​ឡាយសម្រាប់គោលបំណងណាមួយលើកលែងតែបានចែងខាងលើឡើយ។ "ទិន្នន័យសម្តី" មានន័យថាជាឯកសារអូឌីយ៉ូ, កំណត់ហេតុពាក់ព័ន្ធ និងឯកសារកំណត់ត្រា ដែលបានផ្តល់ឱ្យដោយអ្នកស្ថិតក្រោម ឬបង្កើតឡើងដែលទាក់ទងជាមួយសេវាកម្មនេះ។ ទិន្នន័យសម្តីទាំងឡាយ និងទាំងអស់ដែលអ្នកផ្តល់ឱ្យនឹង​រក្សាទុក​ជាការសម្ងាត់ ហើយអាចត្រូវបានបង្កើតដោយ Nuance ប្រសិនបើ​មានតម្រូវការដូច្នេះ ដើម្បីបំពេញតាមតម្រូវការស្របច្បាប់ ឬ​បទបញ្ញត្តិ ដូចជាស្ថិតក្រោមដីកាតុលាការ ឬតាមស្ថាប័នរដ្ឋាភិបាល ប្រសិនបើតម្រូវឱ្យមាន ឬអនុញ្ញាតដោយច្បាប់ ឬក្នុងករណីមាន​ការលក់ ការបញ្ចូលគ្នា ឬលទ្ធកម្មដល់អង្គភាពផ្សេងមួយដោយ Nuance។

(b) ទិន្នន័យផ្តល់អាជ្ញាប័ណ្ណ។ ។ ជាផ្នែកនៃសុហ្វវែរ និងសេវាកម្មនេះ Nuance និងអ្នកផ្គត់ផ្គង់របស់​ខ្លួនក៏ប្រមូល និងប្រើប្រាស់ទិន្នន័យ​ផ្តល់អាជ្ញាប័ណ្ណ ដូចដែលបាន​កំណត់ខាងក្រោម។ អ្នកទទួលស្គាល់ យល់ព្រម និងយល់ស្របថា Nuance អាចប្រមូល​ទិន្នន័យផ្តល់អាជ្ញាប័ណ្ណ ជាផ្នែកនៃការផ្តល់នូវ​សុហ្វវែរ និងសេវាកម្ម។ ទិន្នន័យផ្តល់អាជ្ញាប័ណ្ណគឺត្រូវបានប្រើដើម្បីជួយ Nuance ឬបណ្តា​ភាគីទីបីដែលដើរតួនាទីស្ថិតក្រោមការណែនាំរបស់ Nuance ដោយយោងតាមកិច្ចព្រមព្រៀងការសម្ងាត់ អភិវឌ្ឍ បង្កើត និង​កែលម្អនូវផលិតផល និងសេវាកម្មរបស់ខ្លួន។ ទិន្នន័យផ្តល់អាជ្ញាប័ណ្ណត្រូវបានចាត់ទុកជាព័ត៌មានមិនផ្ទាល់ខ្លួន ដោយ​សារតែទិន្នន័យផ្តល់អាជ្ញាប័ណ្ណគឺស្ថិតក្នុង​ទម្រង់ដែលមិន​អនុញ្ញាតឱ្យមានការពាក់ព័ន្ធផ្ទាល់ជាមួយបុគ្គលជាក់លាក់ណាមួយ។ "ទិន្នន័យផ្តល់អាជ្ញាប័ណ្ណ" មានន័យថាជាព័ត៌មានអំពី​សុហ្វវែរ និងឧបករណ៍របស់អ្នក ឧទាហរណ៍៖ ស្លាកយីហោឧបករណ៍ លេខម៉ូដែល ការបង្ហាញ លេខសម្គាល់ឧបករណ៍ អាសយដ្ឋាន IP និងទិន្នន័យស្រដៀងគ្នា។

(c) អ្នកយល់ដឹងថា តាមរយៈការប្រើប្រាស់សុហ្វវែរ និងសេវាកម្មនេះ អ្នកយល់ព្រមចំពោះការប្រមូល និងប្រើប្រាស់ដូចដែលបានចែង​នៅក្នុងទិន្នន័យសម្តី និងទិន្នន័យផ្តល់អាជ្ញាប័ណ្ណ ដែលរួមមានការផ្ទេរ​នូវទាំងសុហ្វវែរ និងសេវាកម្មទៅកាន់សហរដ្ឋអាមេរិក និង/ឬ បណ្តាប្រទេសផ្សេងទៀតសម្រាប់កន្លែងផ្ទុក ការដំណើរការ និងការប្រើប្រាស់ដោយ Nuance និងបណ្តាដៃគូភាគីទីបី។

(d) ទិន្នន័យសម្តី និងទិន្នន័យផ្តល់អាជ្ញាប័ណ្ណគឺអាចប្រែប្រួល​តាមគោលការណ៍ឯកជនភាពអនុវត្តរបស់ Nuance។ សម្រាប់ព័ត៌មានបន្ថែម សូមមើលគោលការណ៍ឯកជនភាពរបស់ Nuance នៅ http://www.nuance.com/company/company-overview/company-policies/privacy-policies/index.htm

4. ការគាំទ្រ. ដើម្បីសម្រួលដល់ដំណើរការវាយតម្លៃ និងការធ្វើតេស្តលើសុហ្វវែរ និងសេវាកម្ម អ្នកទទួលអាជ្ញាប័ណ្ណអាចយោងទៅរកសំណួរចោទសួរ​ជាញឹកញាប់របស់ Nuance នៅhttp://www.nuancemobilelife.com។ សម្រាប់ការគាំទ្របន្ថែម អ្នកទទួលអាជ្ញាប័ណ្ណអាច​ស្នើសុំ​ការគាំទ្របែបនេះតាមរយៈគេហទំព័រដែលឈានមុខគេ និងនៅលើភាពរកបានរបស់បុគ្គលិក Nuance, Nuance អាចផ្តល់ជូននូវសេវាគាំទ្រសមហេតុផលតាមរយៈទូរសារ អ៊ីម៉ែល ឬមធ្យោបាយផ្សេងទៀតទៅដល់អ្នកទទួលអា​ជ្ញាប័ណ្ណទាក់ទងនឹងភាពខ្វះខាត និង/ឬការបញ្ជាក់នៃ​មុខងារ និងលក្ខណៈពិសេសផ្សេងៗនៃសុហ្វវែរ និងសេវាកម្ម។ ផ្នែកគាំទ្ររបស់ Nuance នឹងឆ្លើយតបទៅនឹងសំណួររបស់អ្នកក្នុង​រយៈពេល 48 ម៉ោងធ្វើការ (ដោយមិនរាប់បញ្ចូលនូវថ្ងៃចុងសប្តាហ៍ និងថ្ងៃឈប់សម្រាកស្របច្បាប់/ថ្ងៃឈប់សម្រាករបស់ក្រុមហ៊ុន)។

5. សេចក្តីថ្លែងការណ៍បដិសេធការធានា. អ្នកទទួលស្គាល់ និងយល់ស្របថា NUANCE និង អ្នកផ្តល់អាជ្ញាប័ណ្ណ និងអ្នកផ្គត់ផ្គង់នឹងផ្តល់នូវសុហ្វវែរ និងសេវាកម្មដល់អ្នកតាម​ឆន្ទានុសិទ្ធិដើម្បីអនុញ្ញាតឱ្យអ្នកប្រើប្រាស់សុហ្វវែរ និងសេវាកម្មនេះ។ ដូច្នេះអ្នកយល់ព្រមចាត់វិធានបង្ការ និងការការពារទាំងអស់ ដែលចាំបាច់ដើម្បីការពារទិន្នន័យ និងប្រព័ន្ធរបស់អ្នកពី ការបាត់បង់ ឬការខូចខាត។ NUANCE, អ្នកផ្តល់អាជ្ញាប័ណ្ណ និងអ្នកផ្គត់ផ្គង់របស់ខ្លួនផ្តល់​នូវសុហ្វវែរ និងសេវាកម្ម "ក្នុងសភាពរបស់ខ្លួន" ជាមួយកំហុស​ទាំងអស់ និងដោយគ្មានការធានាប្រភេទណាមួយឡើយ។ តាមវិសាលភាពជាអតិបរមាដែលបានអនុញ្ញាតដោយច្បាប់អនុវត្ត NUANCE, អ្នកផ្តល់អាជ្ញាប័ណ្ណ និងអ្នកផ្គត់ផ្គង់របស់​ខ្លួនសូមប្រកាស​ជាពិសេសនូវការបង្ហាញ ឬការធានាបញ្ជាក់ណាមួយ ដែលរួមាន​ការធានាណាមួយនៃសមត្ថភាពពាណិជ្ជករ ភាពសមសួនសម្រាប់​គោលបំណងជាក់លាក់ ឬគ្មានការរំលោភ។

6. ដែនកំណត់នៃទំនួលខុសត្រូវ. តាមវិសាលភាពអតិបរមាដែលអនុញ្ញាតដោយច្បាប់អនុវត្ត NUANCE, មន្រ្តីរបស់ខ្លួន, អ្នកដឹកនាំ និងនិយោជិក, អ្នកផ្គត់ផ្គង់​របស់ខ្លួន ឬអ្នកផ្តល់អាជ្ញាប័ណ្ណរបស់​ខ្លួន នឹងមិនមានទំនួលខុសត្រូវ​សម្រាប់ការខូចខាតដោយផ្ទាល់ ប្រយោល ជាពិសេស ជាឧបទ្ទវហេតុ ជាលទ្ធផល ឬជាសំណងណាមួយឡើយ ដែលរាប់បញ្ចូល ប៉ុន្តែមិន​កំណត់លើ ការខូចខាតសម្រាប់ការខាតបង់ប្រាក់ចំណេញ ការបាត់បង់​ទិន្នន័យ ការបាត់បង់ការប្រើប្រាស់ ការរំខានដល់​អាជីវកម្ម ឬថ្លៃធានា ដែលកើតចេញពីការប្រើប្រាស់​សុហ្វវែរ ឬសេវាកម្ម ទោះជាត្រូវបានបង្កឡើង ស្ថិតក្រោមទ្រឹស្តី​ទាំងឡាយ​នៃទំនួលខុសត្រូវ ទោះជាត្រូវបានផ្តល់ដំបូន្មាន ឬ​ដែលវាគួរតែមាន​ការយល់ដឹងពីលទ្ធភាពនៃការខូចខាតបែបទាំងនេះជាមុន។

7. លក្ខខណ្ឌ និងការលុបចោល. កិច្ចព្រមព្រៀងនេះចាប់ផ្តើមនៅពេលមានការទទួលយកលក្ខខណ្ឌនៃកិច្ចព្រមព្រៀងនេះរបស់អ្នក និងផុតសុពលភាពនៅពេលមាន​ការលុបចោល។ Nuance អាចលុបចោលកិច្ចព្រមព្រៀងនេះ និង/ឬអាជ្ញាប័ណ្ណ​ដែលបានផ្តល់ឱ្យនៅទីនេះ នៅពេលណាក៏ដោយក្នុងសេចក្តីសម្រេច​តាមឆន្ទានុសិទ្ធិ​របស់ខ្លួន ដោយ ឬដោយគ្មានការបង្កហេតុ ដោយការជូនដំណឹងដល់អ្នកថាសេវាកម្មនេះបានផុតសុពលភាព ឬ​ត្រូវបានលុបចោល។ កិច្ចព្រមព្រៀងនេះនឹងត្រូវលុបចោលដោយស្វ័យប្រវត្តិ​នៅពេល​មានការបំពាននូវលក្ខខណ្ឌណាមួយរបស់ខ្លួន​ដោយរូបអ្នក។ នៅពេលមានការលុបចោល អ្នកនឹងត្រូវឈប់ប្រើប្រាស់ភ្លាមៗ ហើយនឹងត្រូវលុបចោលនូវច្បាប់ចម្លងនៃសុហ្វវែរនេះទាំងអស់។

8. ការអនុលោមទៅតាមច្បាប់នាំចេញ. អ្នកតំណាងឲ្យ និងធានាថា (i) អ្នកមិនស្ថិតនៅក្នុងប្រទេសដែលអាចប្រែប្រួលតាមការហ៊ុមព័ទ្ធសេដ្ឋកិច្ចដោយរដ្ឋាភិបាលអាមេរិក ឬដែលត្រូវបានជ្រើសតាំងដោយ​រដ្ឋាភិបាលអាមេរិកជាប្រទេស "គាំទ្រភេវរករ" និង (ii) អ្នកមិនត្រូវបានចុះក្នុងបញ្ជីរបស់រដ្ឋាភិបាលអាមេរិកណាមួយនៃភាគីដែលបានហាមឃាត់ ឬដាក់កំហិត។

9. និក្ខិត្តសញ្ញា. និក្ខិត្តសញ្ញាភាគីទីបី ឈ្មោះជំនួញ ឈ្មោះផលិតផល និងស្លាកសញ្ញា ("និក្ខិត្តសញ្ញា") ដែលមាននៅក្នុង ឬត្រូវបានប្រើប្រាស់ដោយសុហ្វវែរ ឬសេវាកម្មនេះគឺជា​និក្ខិត្តសញ្ញា ឬនិក្ខិត្តសញ្ញាចុះបញ្ជីរបស់ម្ចាស់កម្ម​សិទ្ធិ​រៀង​ៗ​ខ្លួនរបស់ពួកគេ ហើយការប្រើប្រាស់និក្ខិត្តសញ្ញាទាំងនោះ​នឹងត្រូវធ្វើទៅតាមអត្ថប្រយោជន៍របស់ម្ចាស់និក្ខិត្តសញ្ញា។ ការប្រើប្រាស់និក្ខិត្តសញ្ញាទាំងនេះមានគោលបំណង​បញ្ជាក់អន្តរប្រតិបត្តិការ និងមិនបង្កើតជា៖ (i) ការដាក់បញ្ចូលគ្នាដោយ Nuance ជាមួយក្រុមហ៊ុននេះ​ ឬ (ii) ការយល់ព្រម ឬការអនុម័តលើក្រុមហ៊ុនរបស់ Nuance នេះ និងផលិតផល ឬសេវាកម្មរបស់ខ្លួន។

10. ច្បាប់ស្តីពីការគ្រប់គ្រង. កិច្ចព្រមព្រៀងនេះត្រូវបានគ្រប់គ្រងដោយច្បាប់នៃសហធន Massachusetts, សហរដ្ឋអាមេរិក, ដោយមិនគិតពីផលប៉ះពាល់​គោលការណ៍ច្បាប់របស់ខ្លួន ហើយអ្នកនៅទីនេះដាក់ស្នើទៅកាន់​យុត្តាធិការទាំងស្រុងនៃតុលាការសហព័ន្ធ និងរដ្ឋក្នុងសហធន​ដែលបង្ហាញដោយជាប់ទាក់ទងជាមួយជម្លោះណាមួយដែលបានកើតឡើងចេញពីកិច្ចព្រមព្រៀងនេះ។ កិច្ចព្រមព្រៀងនេះនឹងមិនត្រូវបានគ្រប់គ្រងដោយសន្ធិសញ្ញាអង្គការសហប្រជាជាតិនៃកិច្ចសន្យាសម្រាប់ការលក់ទំនិញអន្តរជាតិឡើយ ជាការអនុវត្តដែលមិនបានរាប់បញ្ចូលនៅទីនេះយ៉ាងច្បាសលាស់។

11. លក្ខខណ្ឌផ្សេងៗអាចប្រែប្រួល. អ្នកទទួលស្គាល់ និងយល់ស្របថា Nuance អាចផ្លាស់ប្តូរលក្ខខណ្ឌនៃ​កិច្ចព្រមព្រៀងនេះតាមពេលនីមួយៗដោយមានការជូនដំណឹងសមហេតុផលទៅកាន់អាសយដ្ឋានដែលអ្នកបានផ្តល់នៅពេលចុះឈ្មោះ ដែលរួមមានទាំងអាសយដ្ឋានអ៊ីម៉ែលរបស់អ្នក។ ប្រសិនបើអ្នកមិនយល់ស្របតាមការផ្លាស់ប្តូរបែបនេះក្នុង​កិច្ចព្រមព្រៀងនេះទេ ដំណោះស្រាយតែមួយគត់របស់អ្នកគឺត្រូវឈប់​ប្រើប្រាស់សុហ្វវែរ និងសេវាកម្មនេះ។ ការប្រើប្រាស់ជាបន្តនូវផ្នែកណាមួយនៃសុហ្វវែរ ឬសេវាកម្ម​របស់អ្នកបន្ទាប់ពី Nuance បានផ្តល់ឱ្យអ្នកជាមួយការជូនដំណឹង​សមហេតុផលនៃការផ្លាស់ប្តូរបែបនេះសម្រាប់ការពិនិត្យឡើងវិញរបស់អ្នកនឹងត្រូវបានចាត់ទុកថាមានការព្រមទទួលយកនូវការផ្លាស់ប្តូរពីអ្នក។

12. លក្ខខណ្ឌផ្នែកច្បាប់ទូទៅ. អ្នកមិនអាចប្រគល់សិទ្ធិ ឬផ្ទេរ​សិទ្ធិ ឬកាតព្វកិច្ច​ណាមួយស្ថិតក្រោមកិច្ចព្រមព្រៀងនេះ​ដោយគ្មានការ​យល់ព្រមជាលាយលក្ខណ៍អក្សរជាមុនពី​ Nuance ឡើយ។ កិច្ចព្រមព្រៀងនេះគឺជាការយល់ព្រមទាំងស្រុងរវាង Nuance និងអ្នក និងដាក់ជំនួសនូវទំនាក់ទំនងផ្សេងទៀត​ណាមួយ ឬការផ្សព្វផ្សាយ​ដែលទាក់ទងនឹងសុហ្វវែរនេះ។ បើបទបញ្ញតិ្តណាមួយនៃកិច្ចព្រមព្រៀងនេះត្រូវបានចាត់ ទុកថាមិនមានសុពលភាព ឬមិនអាចអនុវត្តបាន​បទបញ្ញតិ្តនេះនឹងត្រូវបានកែលម្អតែក្នុងករណីចាំបាច់ ដើម្បីដោះស្រាយបញ្ហាអំពីភាពមិនមានសុពលភាព ឬភាពមិនអាចអនុវត្តបាន និងបទបញ្ញតិ្តផ្សេងទៀត​នៃកិច្ចព្រមព្រៀងនេះត្រូវបន្តចូលជាធរមានពេញលេញ និងមានប្រសិទ្ធភាព ។ ការខកខានរបស់ Nuance ក្នុងការ​ប្រើប្រាស់​ ឬ​អនុវត្ត​សិទ្ធិ ឬបទបញ្ញតិ្តណាមួយនៃកិច្ចព្រមព្រៀងនេះនឹងមិនបង្កើតជាការលះបង់សិទ្ធិ ឬបទបញ្ញតិ្តបែបនេះឡើយ ។ ផ្នែក 2, 3, 5, 6, 7, 9, 10, និង 12 នៃកិច្ចព្រមព្រៀងនេះនឹងបន្ត​មាននូវការផុតសុពលភាព ឬការលុបចោលនៃកិច្ចព្រមព្រៀងនេះ។